लक्ष्मण हाके बाजारु श्वान, त्याने कोणाची तरी सुपारी घेतलीय, विजयसिंह पंडितांचा हल्लाबोल

लक्ष्मण हाके ही अपप्रवृत्ती आहे. मी कोणत्याही समाज घटकाच्या विरोधात नाही. ॲक्शनला रिएक्शन ही प्रवृत्तीच्या विरोधात झाली असे म्हणत राष्ट्रवादी काँग्रेसचे आमदार विजयसिंह पंडित यांनी हाकेंवर टीका केली.

Vijaysinh Pandit criticizes Laxman Hake

Source : Getty Images

Vijaysinh Pandit on Laxman Hake : लक्ष्मण हाके (Laxman Hake ) हा बाजारु श्वान, मोकाट कुत्रा आहे. त्याच्यावर बोलणं संयुक्तिक नाही, अशी टीका राष्ट्रवादी काँग्रेस अजित पवार गटाचे आमदार विजयसिंह पंडित (Vijaysinh Pandit) यांनी केली. माझ्या मतदारसंघात निवडणूक लढण्यासाठी मी त्यांचे स्वागत करतो असेही पंडित म्हणाले. लक्ष्मण हाके ही अपप्रवृत्ती आहे. मी कोणत्याही समाज घटकाच्या विरोधात नाही. ॲक्शनला रिएक्शन ही प्रवृत्तीच्या विरोधात झाली. हे महाशय समाजाचे प्रश्न घेऊन माझ्या भागात आले असते तर आम्ही किंवा जनतेने स्वागतच केले असते. मात्र वेळोवेळी यायचं आणि दंड थोपटायचे आणि संविधानाला मानणारा असं म्हणायचं. एका संविधानिक पदावर असणाऱ्या व्यक्तीबद्दल खालच्या पातळीवर जाऊन बोलायचं याच प्रवृत्तीला माझा विरोध असल्याचे पंडीत म्हणाले. 

 लक्ष्मण हाके कुणाची तरी सुपारी घेऊन येतात (Vijaysinh Pandit on Laxman Hake)

मला एका समाजाने विधानसभेत पाठवले नाही. मनोज जरांगे पाटील यांना समाजातील घटक म्हणून पाठिंबा दिला असल्याचे आमदार विजयसिंह पंडित म्हणाले. लक्ष्मण हाके कुणाची तरी सुपारी घेऊन येतात. लक्ष्मण हाके प्रीपेड वाऊचर प्रमाणे रिचार्ज होतात. लक्ष्मण हाके यांचे रिचार्ज एक वर्षाचे मोठा डेटा प्रमाणे केले आहे. ज्यांनी हे रिचार्ज केले त्याचा सोक्षमोक्ष मला लावायचा आहे असे पंडीत म्हणाले. 

लक्ष्मण हाके (Laxman Hake) हा विषय माझ्यासाठी संपलेला

मराठा आरक्षणावर राज्य सरकारने सुवर्णमध्य काढला आहे. कोणत्याही समाज घटकाला यामुळं अडचण येणार नाही असे विजयसिंह पंडित म्हणाले. लक्ष्मण हाके हा विषय माझ्यासाठी संपलेला आहे. आता ॲक्शन झाली तर त्याला रिएक्शन मी देणार नाही, माझ्या भागातील सुज्ञ जनता देईल अशे पंडित म्हणाले. लक्ष्मण हाके यांना वर्षभराचा रिचार्ज केला आहे, सुपारी घेऊन ते इथे आले आहेत. त्यांचं समाजात तेढ निर्माण करण्याचं काम चालू राहणार असल्याचे पंडित म्हणाले. 

गेल्या काही दिवसापासून विजयसिंह पंडित आणि लक्ष्मण हाके यांच्यात कलगीतुरा

गेल्या काही दिवसापासून राष्ट्रवादी काँग्रेस अजित पवार गटाचे आमदार विजयसिंह पंडित आणि लक्ष्मण हाके यांच्यात चांगलाच कलगीतुरा रंगल्याचं चित्र पाहायला मिळत आहे. दोन्ही नेते ऐकमेकांवर टीका करताना दिसत आहे. 

महत्वाच्या बातम्या: