मुंबई : राज्यातील मुंबई महानगर क्षेत्र तसेच पुणे ,पिंपरी-चिंचवड नाशिक ,अमरावती, नागपूर महापालिका क्षेत्रातील इयत्ता अकरावीचे प्रवेश केंद्रीय ऑनलाईन पद्धतीने करण्यात येणार आहेत. या शहरांमध्ये राबविण्यात येणाऱ्या अकरावी ऑनलाईन प्रवेश प्रक्रिया ची पूर्वतयारी सुरू करण्यात आली आहे. सदर प्रवेश प्रक्रिया सर्वांसाठी सुलभ व्हावी कोणतीही अडचण येऊ नये. यासाठी विद्यार्थी नोंदणी व अर्ज भरण्याची सुविधा सुरू करण्यात आली आहे. त्यानुसार विद्यार्थ्यांना प्रत्यक्ष अर्ज भरण्यासाठीची सुविधा 16 ऑगस्ट पासून सुरू करण्यात येईल. 13 ऑगस्टपासून विद्यार्थ्यांना सरावासाठी संकेतस्थळावर मोफत रजिस्ट्रेशन म्हणजे तात्पुरते प्रारूप नोंदणी करण्याची सुविधा देण्यात आली आहे.
अकरावी केंद्रीय ऑनलाईन प्रवेश प्रक्रियेचे सुधारित नियोजन वेळापत्रक पुढील प्रमाणे असेल-
16 ऑगस्टपासून
प्रवेश प्रक्रिया संकेतस्थळावर जाऊन विद्यार्थ्यांनी ऑनलाईन नोंदणी करणे लॉग इन आयडी पासवर्ड तयार करणे.मिळालेल्या लॉग इन आयडी व पासवर्ड वापरून लॉग इन करून इयत्ता अकरावी प्रवेशासाठी अर्जाचा भाग एक भरणे सोबतच शुल्क आणि फॉर्म लॉक करणे.
अर्जातील माहिती शाळा किंवा मार्गदर्शन केंद्रावरून प्रमाणित करून घेण्यासाठी शाळा मार्गदर्शक केंद्र निवडणे आणि आपला अर्ज व्हेरिफाईड झाला आहे याची खात्री करणे.
17 ऑगस्टपासून
विद्यार्थी प्रवेश अर्ज जातील माहिती भाग एक ऑनलाईन तपासून व्हेरिफाईड करेल
राज्यभरात अकरावी प्रवेशासाठी सीईटी परीक्षा 21 ऑगस्ट रोजी होणार आहे. त्या पूर्वी विद्यार्थ्यांना अकरावी प्रवेशाचा भाग-1 भरता येईल. सीईटी परीक्षा झाल्यानंतर मिळालेले गुण पसंती क्रमांक या गोष्टींसाठी अकरावी प्रवेशाचा भाग-2 भरण्यासाठी सुधारित वेळापत्रक सीईटी परीक्षा झाल्यानंतर जाहीर करण्यात येईल.
आयसीएसई, सीबीएसई बोर्डाचे हजारो विद्यार्थी अजूनही संभ्रमात
ICSE, CBSE बोर्डाचा दहावीचा निकाल लागला असला तरी अकरावी सीईटी परीक्षेच्या तयारीबाबत आयसीएसई, सीबीएसई बोर्डाचे हजारो विद्यार्थी अजूनही संभ्रमात आहे. आता कोर्टाच्या निर्णयाकडे विद्यार्थी आणि पालकांचे लक्ष लागले आहे. 12 दिवसात वेगळा सीईटी अभ्यासक्रम असताना अभ्यास कसा करायचा? असा प्रश्न सीबीएसई आयसीएसई बोर्डाच्या विद्यार्थ्यांसमोर उपस्थित आहे. 11 वी सीईटी परीक्षेच्या अभ्यासक्रमाबाबतचा तिढा 10 ऑगस्टला मुंबई उच्च न्यायालयाच्या निर्णयनंतर सुटणार आहे. मात्र, परीक्षा अवघ्या 12 दिवसांवर असताना एसएससी बोर्ड सोडून इतर विद्यार्थी परीक्षेच्या अभ्यासक्रमाबाबत अजूनही संभ्रमात आहेत.
Education Loan Information:
Calculate Education Loan EMI