मेघराज राजे भोसलेंची अखिल भारतीय मराठी चित्रपट महामंडळावर एकहाती सत्ता, समर्थ पॅनलचे सर्व उमेदवार विजयी
Akhil Bhartiya Marathi Chitrapat Mahamandal: या निवडणुकीत अभिनेते विजय पाटकर विरुद्ध निर्माते मेघराज राजेभोसले यांच्या पॅनलमध्ये चुरस रंगली होती. 17 जागांपैकी तीन जागा बिनविरोध निवडून आल्या होत्या.
Akhil Bhartiya Marathi Chitrapat Mahamandal Election: अखिल भारतीय मराठी चित्रपट महामंडळाच्या निवडणुकीत माजी अध्यक्ष मेघराज राजे भोसले यांच्या समर्थ पॅनलची सरशी झाली आहे. समर्थ पॅनलचे सर्व 14 ही उमेदवार विजयी झाले. बिनविरोध निवड झालेल्या तीनपैकी दोन जणांनी समर्थ पॅनेलला पाठिंबा दिला होता. मेघराज राजे भोसलेंची अखिल भारतीय मराठी चित्रपट महामंडळावर एकहाती सत्ता आली आहे. या निवडणुकीत अभिनेते विजय पाटकर विरुद्ध निर्माते मेघराज राजेभोसले यांच्या पॅनलमध्ये चुरस रंगली होती. 17 जागांपैकी तीन जागा बिनविरोध निवडून आल्या होत्या. 14 जागांसाठी 45 उमेदवार रिंगणामध्ये होते.
अखिल भारतीय मराठी चित्रपट महामंडळाची निवडणूक तब्बल नऊ वर्षानी झाली. राज्यातील पाच ठिकाणी चित्रपट महामंडळाच्या निवडणुकीचे मतदान झाले. या निवडणुकीमध्ये केवळ 50 टक्के मतदान झाले होते. कोल्हापूर, पुणे, मुंबई, सोलापूर नाशिक या ठिकाणी मतदान पार पडले. या मतदानामध्ये मुंबईत सर्वात कमी प्रतिसाद मिळाला. राजकीय हस्तक्षेपाने ही निवडणूक प्रचंड चर्चेची बनली होती.
वर्षा उसगावकर यांनी चित्रकर्मी पॅनलला समर्थन दिले
माजी अध्यक्ष मेघराज भोसले यांच्या नेतृत्वाखालील समर्थ पॅनल आणि अभिनेते आनंद काळे यांच्या चित्रकार्मी पॅनल यांच्यात थेट लढत झाली. अभिनेत्री विभागातून वर्षा उसगावकर यांची, विभागातून ज्येष्ठ गायक आनंद शिंदे यांची तर संकलन विभागातून विजय खोचीकर यांची यापूर्वीच बिनविरोध निवड झाली आहे. या निवडीनंतर आनंद शिंदे आणि विजय खोचीकर यांनी समर्थ पॅनेलला आपले समर्थन दिले. तर अभिनेत्री वर्षा उसगावकर यांनी चित्रकर्मी पॅनलला समर्थन दिले. त्यामुळे 17 जागांपैकी 14 जागांसाठी ही निवडणूक झाली. या निवडणुकीमध्ये 16 जागांवर समर्थ पॅनलच्या उमेदवारांनी विजय मिळवला. त्यामुळे 17 पैकी 16 जागा जिंकत समर्थ पॅनलने निर्विवाद वर्चस्व कायम राखले. गेल्या काही वर्षांत रखडलेली विकासकामे पूर्ण करून महामंडळाचे नाव अधिक उज्ज्वल करण्याचा विश्वास मेघराज भोसले यांनी व्यक्त केला.
निवडणुकीच्या मतमोजणी केंद्रावरही अंधश्रद्धेचा बाजार
दरम्यान, अखिल भारतीय मराठी चित्रपट महामंडळाच्या निवडणुकीचा निकाल आज असतानाच लिंबू फिरवण्याचा प्रकार मतमोजणी केंद्राच्या ठिकाणी दिसून आला. मतमोजणी हॉलबाहेर तीन लिंबू आणि अंगारा ठेवल्याचे पाहायला मिळालं.
इतर महत्वाच्या बातम्या
Before You Go
Abhijeet Dipke Cockroach Janta Party PC : आता मी एकटा नाही, लाखो तरुण माझ्यासोबत : अभिजीत दीपके
महत्त्वाच्या बातम्या
