Kolhapur Crime : दारू पिताना मोबाईलवर गेम काय खेळतोस? मित्रानेच मित्राच्या डोक्यात बाटली फोडत केले अनेक वार!

पंकजने दारु पिताना मोबाईलवर गेम काय खेळतोस? असे म्हणत शिवीगाळ केली. त्यानंतर अक्षयने शिवीगाळ केली. यानंतर चिडलेल्या पंकजने दारुची रिकामी बाटली गायकवाडच्या डोक्यात फोडल्याने रक्तस्त्राव सुरू झाला.

Kolhapur Crime

Kolhapur Crime : दारू पिताना मोबाईलवर गेम का खेळतोस अशी विचारणा करत झालेल्या वादात मित्रानेच मित्राच्या डोक्याच्या रिकामी दारूची बाटली फोडल्याची घटना कोल्हापूर जिल्ह्यातील (Kolhapur News) करवीर तालुक्यात घडली. मित्राने केलेल्या हल्ल्यात अक्षय संदिप गायकवाड ( वय 23 रा. शिये, ता. करवीर ) हा जखमी झाला. अक्षयने दिलेल्या फिर्यादीवरून पंकज धोंडीराम चव्हाण (रा. शिये, ता. करवीर ) याच्या विरोधात शिरोली एमआयडीसी पोलिस ठाण्यात गुन्हा दाखल करण्यात आला आहे.

दरम्यान, मिळालेल्या माहितीनुसार अक्षय व पंकज दत्तात्रय मोरे यांच्या भाड्याच्या खोलीत सोमवारी रात्री दारु पित बसले होते. यावेळी अक्षय गायकवाड मोबाईलवर गेम खेळत होता. यावेळी पंकजने दारु पिताना मोबाईलवर गेम काय खेळतोस? असे म्हणत शिवीगाळ केली. त्यानंतर अक्षयने गायकवाडनेही शिवीगाळ करण्यास सुरुवात केली. यानंतर चिडलेल्या पंकजने दारुची रिकामी बाटली गायकवाडच्या डोक्यात फोडल्याने रक्तस्त्राव सुरू झाला. त्यानंतर पुन्हा दोघांमध्ये शिवीगाळ झाल्यानंतर दारुच्या नशेत पंकजने चव्हाणने अक्षय गायकवाडच्या तोंडावर, खांद्यावर आणि छातीवर फुटलेल्या बाटलीने वार केले. यामध्ये गायकवाड गंभीर जखमी झाला. या भांडणात जखमी अक्षयच्या मित्राने त्यांना सोडवण्याचा प्रयत्न केला. पण त्याने अनेक ठिकाणी वार केले. जखमी अक्षय गायकवाडवर खासगी दवाखान्यात उपचार सुरू आहेत.

माझ्यावर प्रेम कर अन्यथा घरच्यांना जिवंत सोडणार नाही

दरम्यान, तीन दिवसांपूर्वीच कोल्हापुरात एकतर्फी प्रेमातून अल्पवयीन मुलीच्या घरात घुसून तिच्या वडिलांना मारहाण केल्याची घटना घडली होती. करवीर तालुक्यातील एका गावामध्ये धक्कादायक प्रकार घडला होता. संशयित शंतनू निगडे (वय 22) याने अल्पवयीन मुलीला माझं तुझ्यावर प्रेम आहे. तू माझ्यावर प्रेम कर, नाहीतर तुला व तुझ्या घरच्यांना जिवंत सोडणार नाही, असा मोबाईलवर मेसेज पाठवला. त्या मुलीचा पाठलागही केला होता. यानंतर या तरुणाने त्याच्या नातेवाईकांसह शालेय मुलीच्या घरात घुसून तिच्या पालकांना बेदम मारहाण केली.

एकतर्फी प्रेमातून सातत्याने पाठलाग 

संशयित शंतनू निगडे (वय 22) अल्पवयीन मुलीचा सातत्याने पाठलाग करत होता. परीक्षेला जातानाही तिच्या मागून बाईकने जात पाठलाग करत होता. तसेच मुलीला मोबाईलवर मेसेज पाठवून तिच्या कुटुंबियांना धमकी दिली होती. त्यामुळे मुलीने मेसेजची माहिती कुटुंबियांना दिली. त्यामुळे कुटुंबियांनी विचारणा केल्यानंतर नातेवाईकांसमवेत मुलीच्या घरात घुसून मारहाण केली.

इतर महत्वाच्या बातम्या