Encroachment On Vishalgad : विशाळगडवरील अतिक्रमणे काढण्यासाठीच्या कामासाठी निविदा प्रसिद्ध

कोल्हापूर जिल्ह्यातील (Kolhapur News) विशाळगडावरील (Encroachment On Vishalgad) अतिक्रमणे काढण्यासाठी राज्य सरकारच्या पर्यटन व सांस्कृतिक कार्य विभागाने निविदा प्रसिद्ध करण्यात आली आहे.

Encroachment On Vishalgad

Encroachment On Vishalgad : कोल्हापूर जिल्ह्यातील (Kolhapur News) विशाळगडावरील (Encroachment On Vishalgad) अतिक्रमणे काढण्यासाठी राज्य सरकारच्या पर्यटन व सांस्कृतिक कार्य विभागाने निविदा प्रसिद्ध करण्यात आली आहे. यासाठी ऑनलाईन निविदा मागवण्यात आल्या आहेत. 23 फेब्रुवारीपर्यंत निविदा दाखल करता येणार आहेत. 24 फेब्रुवार निविदा संचाची फी आणि मूळ दस्तऐवज सादर करण्याचा अंतिम दिवस आहे. तांत्रिका निविदा 27 फेब्रुवारीला सकाळी दहानंतर तर आर्थिक निविदा 28 फेब्रुवारीला सकाळी दहानंतर उघडल्या जाणार आहेत.

अतिक्रमण काढण्यासाठी सव्वा कोटींचा निधी मंजूर

दरम्यान, किल्ले विशाळगडावरील (Encroachment On Vishalgad) संरक्षित स्मारकावरील अतिक्रमणे काढण्यासाठी 1 कोटी 17 लाखांचा निधी खर्चास प्रशासकीय आणि वित्तीय मान्यता देण्यात आली आहे. पुरातत्त्व विभागाकडे अतिक्रमण काढण्यासाठी आवश्यक असणारी कोणतीही यंत्रणा उपलब्ध नाही. त्यामुळे त्यांनी सार्वजनिक बांधकाम विभागाकडे गडावरील अतिक्रमण काढण्याबाबत संपर्क केला होता. त्यानुसार अतिक्रमण काढण्यासाठी लागणार अंदाजित खर्च सादर केला होता. त्यानुसार निधीस प्रशासकीय व वित्तीय मान्यता दिली आहे. 

विशाळगडावरील (Vishalgad Fort) अतिक्रमणे हटवण्याबाबत 7 डिसेंबरला जिल्हाधिकारी कार्यालयात बैठक झाली होती. यामध्ये, किल्ल्यावरील बेकायदेशीर अतिक्रमणे, बांधकाम आणि इतर कृत्याबाबत प्रतिबंध करावा, संबंधितांवर फिर्याद दाखल करावी. तसेच सक्षम न्यायालयात दावा दाखल करण्याचा निर्णय झाला. कायदेशीर कारवाई करण्यासाठी जिल्हाधिकाऱ्यांनी पुरातत्त्व विभागाच्या सहाय्यक संचालकांना आदेश दिले होते. 

प्रशासनाच्या आश्वासनानंतर शिवप्रेमींकडून कार सेवा रद्द

दुसरीकडे, किल्ले विशाळगडावरील अतिक्रमण काढणारच अशी ग्वाही प्रशासनाने दिल्यानंतर शिवप्रेमींकडून कार सेवा रद्द करण्यात आली आहे. गेल्या काही दिवसांपासून विशाळगड अतिक्रमणाच्या विळख्यात असल्याने शिवप्रेमी तसेच दुर्गप्रेमींकडून आक्रमक भूमिका घेतली आहे. जिल्हा प्रशासनाच्या बैठकीत किल्ले विशाळगडावरील अतिक्रमण निश्चितपणे कायमस्वरुपी काढणार असल्याची ग्वाही जिल्हाधिकारी राहुल रेखावार, जिल्हा पोलीस अधीक्षक शैलेश बलकवडे यांनी दिली आहे. त्यामुळे, शिवप्रेमी आणि गडप्रेमींकडून शनिवारी (18 फेब्रुवारी) कार सेवा रद्द केली आहे. 

इतर महत्त्वाच्या बातम्या