Kolhapur Crime : इचलकरंजी पंचगंगा नदी पात्रात पोतं भरुन आधार कार्ड सापडल्याचा भांडाफोड लवकरच होणार
कोल्हापूर (Kolhapur News) जिल्ह्यातील इचलकरंजीमध्ये 12 फेब्रुवारी रोजी (Ichalkaranji Aadhaar Card) नदी पात्राची स्वच्छता करताना तब्बल पोतं भरुन आधार कार्ड सापडल्यानंतर एकच खळबळ उडाली होती.
Kolhapur News : कोल्हापूर (Kolhapur News) जिल्ह्यातील इचलकरंजीमध्ये 12 फेब्रुवारी रोजी (Ichalkaranji Aadhaar Card) नदी पात्राची स्वच्छता करताना तब्बल पोतं भरुन आधार कार्ड सापडल्यानंतर एकच खळबळ उडाली होती. पोलिसांनी सापडलेल्या पोत्यातील आधार कार्डचा पंचनामा केला आहे. या संदर्भातील पोलिसांनी अंतिम अहवाल अप्पर तहसील कार्यालयाकडे पाठवला आहे. इचलकरंजी, कबनूर आणि हुपरी भागाच्या मंडल अधिकाऱ्यांकडे आधारकार्ड व त्याची यादी संजय गांधी निराधार कार्यालयात पाठवण्यात आली आहे. त्यामुळे लवकरच या प्रकरणाचा भांडाफोड होणार आहे.
पंचगंगा नदीपात्रात प्लास्टिकच्या पोत्यात आधारकार्डचा मोठा ढीग मिळाला होता. स्वच्छता करणाऱ्या स्वयंसेवकांनी याची माहिती पोलिसांना दिल्यानंतर पोत्यासह सर्व आधारकार्ड जप्त करण्यात आली होती. पंचनामा करून एकूण 206 आधारकार्ड पोलिसांनी अप्पर तहसील कार्यालयाकडे जमा केली आहेत. यामध्ये सर्वाधिक आधारकार्ड इचलकरंजी आणि कबनूर विभागातील आहेत. मंडल कार्यालयाकडून प्रत्येक आधारकार्डधारक व्यक्तीचा लेखी जबाब घेण्याचे काम सुरू आहे. बनावट आधारकार्डचा तपास सुरू झाल्यापासून या भागातील संजय गांधी निराधार समितीचे कामे करणारी एजंट सध्या नॉट रिचेबल झाले आहेत. तसेच पेन्शन मंजुरीचे ऑनलाईन कामे चालणारी दोन महा सेवा केंद्रही त्या दिवसापासून बंद आहेत.
दीड महिन्यांमध्येच हजारो रेशन कार्डचा ढीग सापडल्यानंतर आधारकार्डही सापडल्याने इचलकरंजीमध्ये मोठं रॅकेट आहे का? याची चर्चा सुरु आहे. आधार कार्डवरील बहुतांश नागरिकांचे वय साधारण 60 ते 65 वयापर्यंत आहे. त्यामुळे पेन्शन मंजुरीच्या हेतूने आधार कार्डवर वय वाढवण्याचे प्रकारही सुरु आहेत. त्यासाठी हा प्रकार सुरु आहे का? अशीही चर्चा आहे. पंचगंगा नदी पात्रात स्वच्छता करत असताना राष्ट्रसेवा दलाच्या कार्यकर्त्यांना पोतं तरंगताना दिसल्याने बाहेर काढले होते. इतक्या मोठ्या प्रमाणावर आधार कार्ड नदीत सापडल्याने प्रकरणाचे गांभीर्य ओळखून तत्काळ शिवाजीनगर पोलिसांना माहिती दिली होती.
बनावट आधार कार्डने अल्पवयीन मुलीची प्रसुती
दरम्यान, कोल्हापुरातील कसबा बावड्यात झालेल्या प्रसूतीमध्ये मुलीच्या पालकांनी बोगस आधार कार्डचा वापर करून प्रसूती केल्याचा धक्कादायक प्रकार समोर आला आहे. चाईल्ड लाईन तसेच जिल्हा महिला व बालकल्याण विकास विभागाने उघडकीस आणला. ही मुलगी सध्या 15 वर्षे 7 महिन्यांची असल्याचे स्पष्ट झाले आहे. त्यामुळे दोन वर्षांपूर्वी ती मुलगी साडेतेरा वर्षाची असताना तिचा विवाह झाल्याचे समोर आलं आहे.
इतर महत्वाच्या बातम्या
Before You Go
Rahul Gandhi Amit Shah Special Report : संसदेच्या अधिवेशनात विद्यार्थ्यांच्या मुद्यावरुन घमासान
महत्त्वाच्या बातम्या
