पंतप्रधान नरेंद्र मोदी आज बांग्लादेश दौऱ्यावर, बांग्लादेशचा 'गार्ड ऑफ ऑनर' स्वीकारणार
कोरोना काळानंतरचा पंतप्रधान नरेंद्र मोदींचा (PM Modi) हा पहिलाच विदेश दौरा आहे. पंतप्रधान बांग्लादेशच्या (Bangladesh) स्वर्ण जयंती कार्यक्रम आणि वंगबंधू शेख मुजीबर रेहमान शताब्दी वर्ष कार्यक्रमात सामील होतील.
नवी दिल्ली : पंतप्रधान नरेंद्र मोदी आज बांग्लादेशच्या दौऱ्यावर आहेत. पंतप्रधानांच्या स्वागतासाठी बांग्लादेश सज्ज झाला असून बांग्लादेश सरकारकडून पंतप्रधान मोदी यांना गार्ड ऑफ ऑनर दिला जाणार आहे.
सध्याकाळी पंतप्रधान मोदी बांग्लादेशच्या स्वर्ण जयंती कार्यक्रम आणि शेख मुजिबीर रहमान यांच्या जन्मशताब्दी कार्यक्रमात सामील होणार आहेत. त्यानंतर ते संध्याकाळी बंगबंधू-बापू संग्रहालयाचे उद्धाटन करणार आहेत.
बांग्लादेशच्या या दोन दिवसीय दौऱ्यात पंतप्रधान मोदी हे मतुआ समाजासाठी महत्वाच्या असलेल्या मंदिराचे दर्शनही घेणार आहेत. मतुआ समाजाचा पश्चिम बंगालमध्ये 30 मतदारसंघात प्रभाव आहे. तर 27 तारखेला ते सातखिडाच्या सुरेश्वरी देवी मंदिराचे दर्शन घेणार आहेत.
बांग्लादेश या वर्षी त्या देशाच्या 50 वा स्वातंत्र्यदिवस साजरा करत आहे. तसेच हेच वर्ष वंगबंधू शेख मुजीबर रेहमान यांचं जन्मशताब्दी वर्ष आहे. तसेच या वर्षी भारत आणि बांग्लादेशच्या संबंधांना 50 वर्षे पूर्ण झाली आहेत. या सगळ्या गोष्टी लक्षात घेता पंतप्रधानांनी कोरोनाच्या काळानंतर आपल्या पहिल्या दौऱ्यासाठी बांग्लादेशची निवड केली आहे.
भारताचे बांग्लादेशसोबत असणारे संबंध मजबूत आणि सौदार्हपूर्ण आहेत. नेबरहुड फर्स्ट या धोरणातंर्गत भारताने बांग्लादेशला वेळोवेळी मदत केली आहे. कोरोना संकटाच्या काळातही भारताने बांग्लादेशला मोठी मदत केली आहे. भारताने बांग्लादेशला कोरोना लसीचे 90 लाख डोस दिले आहेत. ही मदत इतर कोणत्याही देशाला दिलेल्या मदतीपेक्षा जास्त आहे. मोदींच्या या दौऱ्यादरम्यान पश्चिम बंगालच्या जलपाईगुडी आणि बांग्लादेशच्या ढाका या दोन शहरांदरम्यानच्या रेल्वे सेवेला हिरवा झेंडा दाखवणार आहेत.
गेल्या वर्षी पंतप्रधान मोदी यांनी बांग्लादेशच्या पंतप्रधान शेख हसिना यांच्यासोबत व्हर्च्युअली मीटिंग केली होती. त्यावेळीच या दौऱ्याची घोषणा करण्यात आली होती. जानेवारी 2021 मध्ये बांग्लादेशचे परराष्ट्र सचिव मसूद बिन मोमेन भारत भेटीवर आले होते. त्यानंतर भारतीय परराष्ट्र मंत्री एस जयशंकर हे बांग्लादेशच्या दौऱ्यावर गेले होते.
महत्वाच्या बातम्या :
- Election Commission | निवडणुका असलेल्या राज्यातून कोरोना सर्टिफिकेटवरील मोदींचा फोटो काढा; निवडणूक आयोगाचा आदेश
- पेटंट उल्लंघनाच्या प्रकरणात Apple ला तब्बल 2234 कोटी रुपयांचा दंड, अमेरिकन न्यायालयाचा आदेश
Before You Go
Nashik Operation Tiger Special Report : ठाकरेंच्या नगरसेवकांना ऑफर? नाशिकमध्ये एकीची वज्रमूठ
महत्त्वाच्या बातम्या
