Odisha Viral Video : ओडिशाच्या भुवनेश्वरमध्ये मंगळवारी एका फूड डिलिव्हरी बॉय तरुणीला मारहाण करतानाचा व्हिडीओ व्हायरल झाला आहे. प्रेमी युगलाच्या भांडणात मध्यस्थी करण्यासाठी गेलेल्या डिलिव्हरी बॉयचा हा व्हिडीओ सध्या सोशल मीडियावर चांगलाच व्हायरल झाला आहे. या व्हिडीओमध्ये एक भगव्या रंगाच्या टी-शर्ट घातलेली व्यक्ती तरुणीला बेदम मारताना दिसत आहे. प्रेमीयुगुलाच्या भांडणात मध्यस्थी करणाऱ्या डिलीव्हरी बॉयने तरुणीला बेदम मारहाण केल्याचं या व्हिडीओमध्ये दिसत आहे.


मिळालेल्या माहितीनुसार, इंदिरा गांधी पार्कमधून बाहेर तरुणीचा तिच्या प्रियकरासोबत जोरदार वाद झाला. व्हिडीओमध्ये ती तरुणीच्या प्रियकरासोबत भांडताना आणि त्याच्यावर दगडफेक करताना दिसत आहे. घटनास्थळी जमलेल्या लोकांनी आपल्या मोबाईलमध्ये ही घटना रेकॉर्ड करण्यास सुरुवात केली. त्यानंतर तरुणी आणखीनच संतप्त झाली आणि तिने व्हिडीओ बनवणाऱ्या एका व्यक्तीचा फोन हिसकावण्याचा प्रयत्न केला.






दरम्यान, एका फूड डिलिव्हरी बॉयने या प्रकरणात हस्तक्षेप करून भांडण करणाऱ्या जोडप्याला शांत करण्याचा प्रयत्न केला. मात्र तरुणीने डिलिव्हरी बॉयला शिवीगाळ करण्यास सुरुवात केली. यानंतर दोघांमध्ये जोरदार बाचाबाची झाली. त्यानंतर भडकलेल्या डिलिव्हरी बॉयने तरुणीला बेदम मारहाण केली.


महत्त्वाच्या इतर बातम्या :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha