नुसरत जहां संतापल्या, रोड शो मध्येच सोडला, म्हणाल्या.. मी मुख्यमंत्री ममता बॅनर्जी यांच्यासाठीही थांबत नाही

टीएमसी खासदार नुसरत जहां यांनी अशोकनगर सीटच्या गुमा येथे टीएमसीचे उमेदवार नारायण गोस्वामी यांच्यासाठी प्रचार करत असताना अचानक रोड शोमध्ये भाग घेण्यास नकार दिला. मात्र, पक्षाच्या कार्यकर्त्यांनी त्यांना रोड शोमध्येच रहाण्याचा आग्रह धरला.

संग्रहित छायाचित्र

कोलकाता : पश्चिम बंगालच्या 24 परगणा जिल्ह्यात अभिनेत्री आणि तृणमूल काँग्रेसच्या खासदार नुसरत जहां संतप्त झाल्या आणि त्यांनी रोड शो मध्येच सोडला. मुख्यमंत्री ममता बॅनर्जी यांच्या समर्थनार्थ रॅलीतही एका तासापेक्षा जास्तकाळ मी सहभागी होत नाही, असे जहान यांनी सांगितले.

जहां अशोकनगरच्या गुमा येथे टीएमसीचे उमेदवार नारायण गोस्वामी यांचा प्रचार करत होत्या. यावेळी अचानक रोड शोमध्ये भाग घेण्यास त्यांनी नकार दिला. मात्र, पक्षाच्या कार्यकर्त्यांनी त्यांना रोड शोमध्येच रहाण्याचा आग्रह धरला.

बशीरहाटच्या खासदार टीएमसीच्या कार्यकर्त्यांना म्हणाल्या की, "मी एका तासापेक्षा जास्त काळ रोड शोमध्ये भाग घेत आहे (जे) मी मुख्यमंत्र्यांसाठीदेखील करत नाही." तुम्ही काय माझी मस्करी करताय काय?."

नंतर नारायण गोस्वामी यांनी सांगितले की, जहां यांना अस्वस्थ वाटत असल्याने त्यांनी रोड शो मध्येच सोडला. विरोधी पक्षाने 'ममता नंदीग्राममध्ये हारत आहे' या हॅशटॅगसह या घटनेचा व्हिडिओ ट्विटरवर अपलोड केलाय. मुख्यमंत्री बॅनर्जी नंदीग्राम येथून निवडणूक लढवित असून तेथे त्यांचे मित्रपक्ष आणि भाजपचे उमेदवार शुभेंद्रू अधिकारी त्यांच्या विरोधात उभे आहेत. या जागेवर 1 एप्रिल रोजी निवडणूक होणार आहेत.

पहिल्या टप्प्यात 84.13 टक्के मतदान 
पश्चिम बंगाल विधानसभा निवडणुकीच्या पहिल्या टप्प्यात 30 जागांसाठी 84.13 टक्के मतदान केलं. निवडणूक आयोगाकडून यासंदर्भातील माहिती दिली. काही अपवाद वगळता इथं अतिशय शांततापूर्ण मार्गानं मतदान प्रक्रिया पूर्ण झाली.

दरम्यान, अमित शाह आणखी एका कारणामुळं चर्चेत आहेत. ते कारण म्हणजे शरद पवार यांच्यासोबतच्या भेटीची. महाराष्ट्राच्या राजकारणात मोठी खलबतं होत असतानाच आता शरद पवारांच्या एका गुप्त भेटीची जोरदार चर्चा सुरु झाली आहे. दरम्यान ही भेट अमित शाह आणि शरद पवार यांच्यात झाल्याचं बोललं जात आहे. अमित शाह आणि शरद पवार यांच्या गुजरात मधल्या गुप्त भेटीबद्दल उलट-सुलट चर्चा होत असतानाच याबाबत स्वतः अमित शाह यांनी एक मोठं वक्तव्य केलं आहे. याबाबत अमित शाह यांना पत्रकार परिषदेत शरद पवारांसोबत गुप्त बैठक झाली का? असा प्रश्न विचारला असता शाह यांनी 'सगळ्या गोष्टी सार्वजनिक केल्या जात नाहीत' असं म्हणत सूचक वक्तव्य केलं आहे. विशेष म्हणजे त्यांनी भेट झाल्याचं नाकारलं नाही.