New Bharat Series BH | आता राज्य बदलल्यानंतर वाहन नोंदणीची कटकट जाणार, नवीन Bharat series लाँच
आता राज्य बदलल्यानंतर वाहन नोंदणीची कटकट जाणार आहे. कारण, केंद्र सरकारने नवीन भारत सीरिज (Bharat series) लाँच केली आहे.
नवी दिल्ली : जर तुम्हाला वारंवार देशभरात पत्ता बदलावा लागत असेल आणि प्रत्येकवेळी तुम्ही तुमच्या वाहनाची नोंदणी हस्तांतरित करण्याच्या प्रक्रियेतून जाण्याची कटकट टाळू इच्छित असाल तर तुमच्यासाठी एक चांगली बातमी आहे. केंद्राने सर्व वाहनांमध्ये भारत सीरिज (Bharat series) किंवा 'बीएच' (BH) नावाने नवीन वाहन नोंदणी चिन्ह सादर केले आहे.
केंद्रीय रस्ते वाहतूक आणि महामार्ग मंत्रालयाने (MoRTH) शुक्रवारी भारत सीरिज वाहनांची अधिसूचना जारी केली आहे. नवीन बीएच सीरीज वाहनांना नोंदणीच्या कोणत्याही हस्तांतरणाची आवश्यकता नाही आणि ती देशभरात वैध असेल. ही सुविधा संरक्षण कर्मचारी तसेच केंद्र आणि राज्य सरकारी कर्मचाऱ्यांना स्वैच्छिक आधारावर उपलब्ध असेल. चार किंवा अधिक राज्यांमध्ये कार्यालये असलेल्या खाजगी कंपन्यांचे कर्मचारीही या सुविधेचा लाभ घेऊ शकतात.
याचा सर्वात मोठा फायदा नोकरीसाठी परराज्यात स्थलांतर करणाऱ्यांना होणार आहे. हे प्रत्येक वेळी नवीन राज्यात जाताना त्यांच्या वाहनांचे नोंदणी प्रमाणपत्र हस्तांतरित करण्याची प्रक्रिया टाळण्यासाठी बेस शिफ्ट करण्यास लोकांना मदत करेल.
Maharashtra RTO Rules: परराज्यात घेतलेलं वाहन महाराष्ट्रात आणायचंय? काय आहेत RTO चे नियम?
मोटार वाहन अधिनियम, 1988 च्या कलम 47 नुसार, मालकाला आपले वाहन ज्या राज्यातील वाहन आहे त्या राज्याव्यतिरिक्त इतर कोणत्याही राज्यात एक वर्षापेक्षा जास्त काळ ठेवण्याची परवानगी नाही. निर्धारित कालावधीत मालकाला नवीन राज्य प्राधिकरणासह नवीन नोंदणी करणे आवश्यक आहे.
BH नोंदणीचे स्वरूप YY BH 4144 XX YY असे ठेवले आहे. यातील YY म्हणजे फर्स्ट रजिस्ट्रेशन. या वर्षातील गाडी असेल तर 21BH1234MH असा गाडी नंबर असू शकतो. अर्थात ही सुविधा वैकल्पिक आहे. या वर्षातील गाडी असेल तर 21BH1234MH असा गाडी नंबर असू शकतो.
अधिसूचनेमध्ये सांगण्यात आले आहे की बीएच सीरीज अंतर्गत मोटार वाहन कर दोन वर्षांसाठी किंवा 4, 6, 8 वर्षांसाठी आकारला जाईल. खाजगी वाहनांना नवीन राज्यात स्थलांतरित केल्यावर या योजनेमुळे मोफत प्रवास करता येईल. चौदाव्या वर्षानंतर मोटार वाहन कर दरवर्षी आकारला जाईल जो त्या वाहनासाठी पूर्वी गोळा केलेल्या रकमेच्या निम्मा असेल.
महत्त्वाच्या बातम्या
