देश-विदेशातील सकाळच्या महत्त्वाच्या बातम्यांचा वेगवान आढावा या बुलेटीनच्या माध्यमातून घेतला जातो. यामध्ये देशभरासह राज्यातील राजकीय, सामाजिक, आर्थिक, क्रीडा तसेच इतर बातम्यांचे अपडेट्स मिळतील...
Mamata Banerjee Head Injury: ममता बॅनर्जींच्या डोक्याला तीन टाके, ईसीजी-सीटी स्कॅननंतर रुग्णालयातून डिस्चार्ज
Mamata Banerjee Injury: नवी दिल्ली : पश्चिम बंगालच्या (West Bengal) मुख्यमंत्री ममता बॅनर्जी (Chief Minister Mamata Banerjee) यांच्या डोक्याला गंभीर दुखापत झाली असून घरी ट्रेडमिलवर चालतेवेळी कोसळल्यामुळे त्यांच्या डोक्याला मार लागला. त्यांना तात्काळ रुग्णालयात दाखल करण्यात आलं होतं. योग्य ते उपचार आणि तपासण्या केल्यानंतर पश्चिम बंगालच्या मुख्यमंत्री ममता बॅनर्जी (Mamata Banerjee) यांना रुग्णालयातून डिस्चार्ज देण्यात आला. वाचा सविस्तर
B.S. Yediyurappa: कर्नाटकचे माजी मुख्यमंत्री बी.एस. येडियुरप्पा यांच्यावर पॉक्सो कायद्यांतर्गत गुन्हा दाखल
BJP Leader And Former Karnataka CM B.S. Yediyurappa: नवी दिल्ली : भाजपचे ज्येष्ठ नेते (Senior Leader of BJP) आणि कर्नाटकचे माजी मुख्यमंत्री (Former Karnataka CM) बी. एस. येडियुरप्पा (B.S. Yediyurappa) यांच्यावर गुन्हा दाखल करण्यात आला आहे. पोक्सो अॅक्ट (POCSO Act) अंतर्गत येडियुरप्पा यांच्यावर गुन्हा दाखल करण्यात आला आहे. 17 वर्षांच्या मुलीच्या आईनं दाखल केलेल्या तक्रारीवरुन येडियुरप्पा यांच्यावर गुन्हा दाखल करण्यात आला आहे. वाचा सविस्तर
Model Code Of Conduct : आचारसंहिता म्हणजे काय रे भाऊ? निवडणूक आयोग उमेदवारावर कधी कारवाई करतो? 14 प्रश्नांमध्ये जाणून घ्या A टू Z माहिती
Model Code Of Conduct : कोणतीही निवडणूक जाहीर झाली की सर्वात पहिला शब्द कानावर पडतो तो म्हणजे आचारसंहिता. देशामध्ये लोकशाहीचा गाभा टिकून राहावा यासाठी मुक्त आणि निष्पक्ष निवडणुका होणं आवश्यत असतं. त्यासाठी निवडणूक आयोग (Election Commission) नावाची एक वेगळी यंत्रणा कामाला लागलेली असते. निवडणूक आयोगाकडून मुक्त निवडणुका व्हाव्यात, निवडणुकीच्या माध्यमातून खऱ्या अर्थाने लोकांचं मत दिसावं यासाठी काही नियम केलेले असतात. एकदा का निवडणूक जाहीर झाली की हे नियम म्हणजे आदर्श आचारसंहिता लागू होते. ही आचारसंहिता सर्व पक्षांना आणि निवडणुकीत सहभागी होणाऱ्या सर्व उमेदवारांना लागू असते. या नियमांचे पालन करणं बंधनकारक असून त्याचे उल्लंघन केल्यास कारवाई केली जाते. वाचा सविस्तर
MIM महाराष्ट्रात लोकसभेच्या 6 जागा लढवणार, मुंबईतही उमेदवार उभा करणार : इम्तियाज जलील
MIM Lok Sabha Election 2024 : छत्रपती संभाजीनगर : एमआयएमचं (MIM) लोकसभा निवडणुकीचं (Lok Sabha Election 2024) ठरलं आहे. एमआयएम महाराष्ट्र (MIM Maharashtra) 6 जागा लढवणार आहे. यात मराठवाडा (Marathwada) 2, (संभाजीनगर , नांदेड) विदर्भ (Vidarbha) 2, मुंबई (Mumbai) 1 आणि उत्तर महाराष्ट्रातील (North Maharashtra) 1 अशा जागा असतील. सगळ्या पक्षांचं जागावाटप जाहीर झाल्यानंतरच एमआयएम आपल्या पत्ता ओपन करेल, अशी प्रतिक्रिया खासदार इम्तियाज जलील (Imtiyaz Jaleel) यांनी दिली आहे. आपल्यासाठी छत्रपती संभाजीनगर आणि मुंबईचे (Mumbai Lok Sabha Election 2024) पर्याय खुले असल्याचंही जलील यांनी म्हटलं आहे. वाचा सविस्तर
Ram Gopal Varma : दिग्दर्शक रामगोपाल वर्माची राजकारणात एन्ट्री; दाक्षिणात्य सुपरस्टारला निवडणुकीच्या रिंगणात देणार आव्हान
Ram Gopal Varma : बॉलिवूडमध्ये वेगवेगळ्या धाटणीचे चित्रपट देणारे दिग्दर्शक रामगोपाल वर्मा (Ram Gopal Varma ) यांनी आता राजकारणात प्रवेश करण्याची घोषणा केली आहे. आंध्र प्रदेशमधील पिठापुरम (Pithapuram ) मतदारसंघातून निवडणूक लढवण्याचा निर्णय रामगोपाल वर्मा यांनी जाहीर केला आहे. या मतदारसंघात त्यांचा सामना दाक्षिणात्य सुपरस्टार पवन कल्याण यांच्याशी होणार आहे. पवन कल्याण यांचा जनसेना नावाचा पक्ष आहे. आता रामगोपाल वर्मा यांनी याच मतदारसंघातून निवडणूक लढवण्याचा निर्णय जाहीर केल्याने रंगतदार लढत होईल असे म्हटले जात आहे. वाचा सविस्तर