Maharashtra Bus Accident : एसटी अपघात: मृतांच्या कुटुंबीयांना केंद्राकडून दोन लाख तर मध्यप्रदेश सरकारकडून चार लाखांची मदत
Maharashtra Bus Accident : मध्यप्रदेशात झालेल्या महाराष्ट्र एसटी बस अपघातातील मृतांच्या नातेवाईकांना पंतप्रधान नरेंद्र मोदी आणि मध्यप्रदेशचे मुख्यमंत्री शिवराज चौहान यांनी आर्थिक मदतीची घोषणा केली आहे.
Maharashtra Bus Accident : मध्यप्रदेशातील धार जिल्ह्यात झालेल्या एसटी बस अपघातातील मृतांबाबत पंतप्रधान नरेंद्र मोदी यांच्यासह मध्य प्रदेशचे मुख्यमंत्री शिवराज चौहान यांनी शोक व्यक्त केला आहे. मृतांच्या कुटुंबीयांसाठी केंद्र सरकारकडून दोन लाख रुपये आणि मध्य प्रदेश सरकारकडून चार लाख रुपयांची मदत जाहीर करण्यात आली आहे.
पंतप्रधान नरेंद्र मोदी यांनी नर्मदा नदीच्या पुलावर झालेल्या अपघाताच्या घटनेवर दु:ख व्यक्त केले आहे. पंतप्रधान राष्ट्रीय मदत निधीतून अपघातातील मृतांच्या कुटुंबीयांना प्रत्येकी दोन लाख रुपये देण्याची घोषणा पंतप्रधान नरेंद्र मोदी यांनी केली. त्याशिवाय, या अपघातात जखमी झालेल्यांना 50 हजारांची मदत जाहीर करण्यात आली आहे.
An ex-gratia of Rs. 2 lakh each from PMNRF would be given to the next of kin of those who lost their lives due to the bus tragedy in Dhar, Madhya Pradesh. The injured would be given Rs. 50,000: PM @narendramodi
— PMO India (@PMOIndia) July 18, 2022
मध्य प्रदेशचे मुख्यमंत्री शिवराज चौहान यांनीदेखील अपघाताच्या घटनेवर दु:ख व्यक्त केले आहे. महाराष्ट्राचे मुख्यमंत्री एकनाथ शिंदे यांच्यासोबत दूरध्वनीवरून बोलणं झालं असल्याचे त्यांनी सांगितले. मुख्यमंत्री शिंदे यांना घटनास्थळी सुरू असलेल्या मदत आणि बचाव कार्याची माहिती दिली असल्याचे त्यांनी सांगितले. आज झालेल्या अपघातातील शोकाकुल कुटुंबीयांसोबत मी आणि मध्यप्रदेश उभे आहोत असे त्यांनी म्हटले. मध्य प्रदेश सरकारकडून मृतांच्या नातेवाईकांना प्रत्येकी चार लाख रुपयांच्या मदतीची घोषणा मुख्यमंत्री शिवराज चौहान यांनी केली.
आज खलघाट में हुई भीषण बस दुर्घटना में शोकाकुल परिजनों के साथ मैं और पूरी सरकार साथ खड़ी है।
— Shivraj Singh Chouhan (@ChouhanShivraj) July 18, 2022
मृतकों के परिवारजनों को मध्यप्रदेश शासन की ओर से 4-4 लाख रुपए की राहत राशि प्रदान की जायेगी।
शोकाकुल परिवार स्वयं को अकेला न समझे, दु:ख की इस घड़ी में हम सब साथ हैं।
।। ॐ शांति ।। pic.twitter.com/ZkZehWSqh2
मुख्यमंत्री शिंदे यांचे एसटी महामंडळाला निर्देश
मध्य प्रदेशात नर्मदा नदीमध्ये आज एसटी महामंडळाची बस बुडून झालेल्या अपघातात मरण पावलेल्या प्रवाशांच्या नातेवाईकांना एसटीतर्फे प्रत्येकी दहा लाख रुपये देण्याची कार्यवाही लगेच करावी असे निर्देश मुख्यमंत्री एकनाथ शिंदे यांनी एसटी महामंडळाला दिले आहेत. मध्य प्रदेशात नर्मदा नदीमध्ये आज सकाळी एसटी महामंडळाची बस कोसळून झालेल्या अपघाताच्या घटनेवर मुख्यमंत्री एकनाथ शिंदे यांनी तीव्र दुःख व्यक्त केले असून असून बचाव कार्य व्यवस्थित पार पाडावे व जखमींवर लगेच उपचारासाठी मध्य प्रदेश मधील जिल्हा प्रशासनाशी योग्य समन्वय ठेवावा असे निर्देश जळगाव जिल्हाधिकाऱ्यांना दिले आहेत.
महत्त्वाच्या बातम्या
ट्रेंडिंग न्यूज
