LIC : फक्त 45 रुपयांची बचत करा, 25 लाख रुपये मिळवा, जाणून घ्या LIC च्या भन्नाट योजनेबद्दल सविस्तर माहिती
LIC कडे सर्व वयोगटातील लोकांसाठी योजना उपलब्ध आहेत. यामधील अशीच एक योजना म्हणजे LIC ची जीवन आनंद पॉलिसी. ज्यामध्ये तुम्ही दररोज फक्त 45 रुपये वाचवून 25 लाख रुपये मिळवू शकता.
LIC Jeevan Anand : प्रत्येकाला आपल्या कमाईतील काही रक्कम वाचवायची असते. ही रक्कम विविध योजनांमध्ये गुंतवायची असते. ज्या ठिकाणी तुमची रक्कम सुरक्षीत राहील तसेच चांगला परतावा मिळेल, याठिकाणी पैशांची गुंतवणूक (Investment) करणं गरजेचं असते. यामध्ये तुमच्यासाठी भारतीय आयुर्विमा महामंडळ (LIC) च्या बचत योजना सुरक्षा आणि परतावा या दोन्ही बाबतीत खूप लोकप्रिय आहेत. LIC कडे सर्व वयोगटातील लोकांसाठी योजना उपलब्ध आहेत, ज्यामध्ये तुम्ही लहान रक्कम गुंतवूनही मोठा निधी जमा करू शकता. अशीच एक योजना आहे LIC ची जीवन आनंद पॉलिसी, ज्यामध्ये तुम्ही दररोज फक्त 45 रुपये वाचवून 25 लाख रुपये मिळवू शकता. जाणून घेऊयात संपूर्ण माहिती.
छोटी बचत, मोठा धमाका
तुम्हाला कमी प्रीमियममध्ये स्वत:साठी मोठा निधी उभारायचा असेल, तर जीवन आनंद पॉलिसी (LIC Jeevan Anand) तुमच्यासाठी एक उत्तम पर्याय ठरू शकते. एक प्रकारे ते टर्म प्लॅनसारखे आहे. जोपर्यंत तुमची पॉलिसी लागू आहे तोपर्यंत तुम्ही प्रीमियम भरू शकता. या योजनेत, पॉलिसीधारकाला फक्त एक नाही तर अनेक मॅच्युरिटी लाभ मिळतात. LIC च्या या योजनेत, किमान 1 लाख रुपयांची खात्री आहे, तर कमाल मर्यादा निश्चित केलेली नाही.
45 रुपये जमा करून 25 लाख रुपये कसे कमवायचे?
एलआयसी जीवन आनंद पॉलिसीमध्ये, तुम्ही दरमहा सुमारे 1358 रुपये जमा करून 25 लाख रुपयांचा निधी जमा करू शकता. यासाठी तुम्हाला दररोज 45 रुपये वाचवावे लागतील. तुम्हाला ही बचत दीर्घ मुदतीसाठी करावी लागेल. या पॉलिसी अंतर्गत, जर तुम्ही दररोज 45 रुपये वाचवले आणि 35 वर्षांसाठी गुंतवणूक केली, तर या योजनेची मॅच्युरिटी पूर्ण झाल्यानंतर तुम्हाला 25 लाख रुपये मिळतील. जर आपण वार्षिक आधारावर बचत केलेली रक्कम पाहिली तर ती सुमारे 16300 रुपये असेल.
दुप्पट बोनसपेक्षा अधिक फायदे
तुम्ही LIC जीवन आनंद मध्ये 35 वर्षांसाठी दरवर्षी 16,300 रुपये गुंतवल्यास, एकूण ठेव रक्कम 5,70,500 रुपये होईल. आता पॉलिसीच्या मुदतीनुसार, मूळ विमा रक्कम 5 लाख रुपये असेल, ज्यामध्ये मॅच्युरिटी कालावधीनंतर तुम्हाला 8.60 लाख रुपयांचा रिव्हिजनरी बोनस आणि 11.50 लाख रुपयांचा अंतिम बोनस दिला जाईल. LIC च्या जीवन आनंद पॉलिसीमध्ये दोनदा बोनस दिला जातो, परंतु यासाठी तुमची पॉलिसी 15 वर्षांची असणे आवश्यक आहे.
महत्वाच्या बातम्या:
500000 चे 1200000 रुपये करणारी LIC ची भन्नाट स्कीम, फक्त 1000 रुपयांपासून करता येते गुंतवणूक!
Before You Go
Pankaja Munde Special Report : मीच बीडची खरी पालक,पंकजा मुंडेंच्या विधानाने राजकीय वातावरण तापले
महत्त्वाच्या बातम्या
