खलिस्तान समर्थक सहा YouTube चॅनेल ब्लॉक, पंजाबमध्ये हिंसा भडकवण्याचा होता प्रयत्न
YouTube channels : पंजाबमध्ये हिंसा भडकावण्याचा प्रयत्न करणाऱ्या खलिस्तान समर्थक सहा YouTube चॅनलला सरकारने ब्लॉक केले आहे.
Centre blocks 6 YouTube channels : पंजाबमध्ये हिंसा भडकावण्याचा प्रयत्न करणाऱ्या खलिस्तान समर्थक सहा YouTube चॅनलला सरकारने ब्लॉक केले आहे. एका वरिष्ठ अधिकाऱ्याने सांगितलं की, खलिस्तान समर्थक माहिती पसरवाणाऱ्या सहा चॅनलला सरकारच्या सूचनेनंतर ब्लॉक करण्यात आले आहे. या चॅनलच्या माध्यमातून खलिस्तानी समर्थक हिंसा भडकवण्याचा प्रयत्न करत होते.
माहिती आणि प्रसारण सचिव अपूर्वा चंद्रा म्हणाले की, मागील दहा दिवसांत विदेशातून चालवण्यात येणारे सहा ते सात YouTube चॅनल ब्लॉक करण्यात आले आहेत. पंजाबी भाषेत भडकाऊ व्हिडीओ तयार करण्यात येत होते. त्यामुळे या चॅनलवर बंदीची कारवाई करण्यात आली आहे.
Centre blocks 6 YouTube channels streaming pro-Khalistan content
— Press Trust of India (@PTI_News) March 10, 2023
कट्टर खलिस्तान समर्थक अमृतपाल सिंह याच्या समर्थकांनी एका साथीदाराच्या सुटकेची मागणी केली होती. या मागणीसाठी अमृतपाल सिंह समर्थकांनी अजन येथील पोलीस ठाण्यात तलवारी आणि बंदुकीसह हल्ला केला होता. त्यानंतर सहा YouTube कारवाई करण्यात आली आहे. अमृतपाल सिंह याला गेल्यावर्षी दहशतवादी जर्नेल सिंग भिंद्रनवाले यांचे मूळ गाव मोगायेथे रोड येथे कार्यक्रमात 'वारिस पंजाब दे' याचं प्रमुख म्हणून नियुक्त केले होते. वारिस पंजाब दे संघटनेची स्थापना दिवंगत अभिनेता दीप सिद्धू यांनी केली होती.
दरम्यान आणखी एका वरिष्ठ अधिकाऱ्याने सांगितले की, YouTube चॅनलला 48 तासांच्या आत ब्लॉक करण्याच्या सरकारच्या विनंतीनंतर ही कारवाई करण्यात आली आहे. सरकारने YouTube ला आक्षेपार्ह कंटेट ओळखण्यासाठी आणि ब्लॉक करण्यासाठी आर्टिफिशियल इंटेलिजेंस आणि अल्गोरिदम याचाही वापर करण्यास सांगितले आहे. मात्र भारतात यूट्यूबला काही समस्या येत आहेत. कारण व्हिडीओ कंटेट प्रादेशिक भाषांमध्ये अपलोड केला जात आहे. YouTube ची प्रणाली सध्या फक्त इंग्रजी भाषेतील कंटेट ओळखण्यास सक्षम आहे.
महत्त्वाच्या बातम्या
