Jammu Kashmir: जम्मू-काश्मीरमध्ये एका दहशतवाद्याला अटक, शस्त्रास्त्रे आणि दारूगोळा जप्त
Terrorist Arrest from Bandipora District: बांदीपोरा येथील पोलीस आणि लष्कराच्या संयुक्त पथकाने बारामुल्ला येथून एका दहशतवाद्याला अटक केली आहे.
Terrorist Arrest from Bandipora District : जम्मू-काश्मीर (Jammu Kashmir) पोलिसांनी शनिवारी (20 ऑगस्ट) उत्तर काश्मीरच्या बांदीपोरा (Bandipora) जिल्ह्यात एका दहशतवाद्याला शस्त्रास्त्रांसह अटक केली. काश्मीर झोन पोलिसांनी (Kashmir Police) त्यांच्या अधिकृत ट्विटर हँडलवर ही माहिती दिली.
बारामुल्ला येथून एका दहशतवाद्याला अटक
पोलिसांनी ट्विट करून लिहिले- "बांदीपोरा येथील पोलीस आणि लष्कराच्या संयुक्त पथकाने बारामुल्ला येथून एका दहशतवाद्याला अटक केली आहे. त्याच्याकडून शस्त्रास्त्रे आणि दारूगोळा जप्त करण्यात आला आहे. अटक केलेल्या दहशतवाद्याचे नाव इम्तियाज अहमद बेग उर्फ इना भाई असे असून तो बेग मोहल्ला बारामुल्ला येथील रहिवासी आहे.
Bandipora police & Army arrested 1 recycled terrorist namely Imtiyaz Ah Beigh @ Ina Bhai S/O Abdul Nawab Beigh R/O Beigh Mohalla Fatehpora, Baramulla. Incriminating materials, arms & ammn including 1 AK 47 rifle, 2 AK magazines & 59 AK rounds recovered. Investigation in progress.
— Kashmir Zone Police (@KashmirPolice) August 20, 2022
काश्मीर पोलिसांची ट्विट करत माहिती
पोलिसांनी ट्विट करून दहशतवाद्याच्या अटकेची माहिती दिली. काश्मीर पोलिसांनी लिहिले, "बांदीपोरा पोलिस आणि लष्कराने 1 दहशतवादी इम्तियाज बेग इन्ना भाई, मोहल्ला फतेहपोरा, बारामुल्ला येथील रहिवासी याला अटक केली. त्याला एक एके-47 रायफल, दोन एके मॅगझिन आणि 59 एके राऊंडसह अटक करण्यात आली. शस्त्रास्त्रे आणि दारूगोळा जप्त करण्यात आला आहे.
2 हायब्रीड दहशतवाद्यांनाही अटक
शनिवारी (20 ऑगस्ट) जम्मू-काश्मीर पोलिसांनी लष्कर-ए-तैयबाच्या 2 हायब्रीड दहशतवाद्यांना अटक केली आहे. दहशतवाद्यांनी वापरलेले वाहनही जप्त करण्यात आले आहे. साहिल वानी आणि अल्ताफ फारुख उर्फ आमिर अशी अटक करण्यात आलेल्या दोन दहशतवाद्यांची नावे आहेत, असे जम्मू-काश्मीर पोलिसांनी सांगितले. या दोन्ही दहशतवाद्यांनी 15 ऑगस्ट रोजी गोपाळपोरा येथे अल्पसंख्याक समुदायावर ग्रेनेड फेकण्याची घटना घडवली होती.
लष्कर-ए-तोयबाच्या कमांडरचा खात्मा
गेल्या काही दिवसांमध्ये जम्मू काश्मीरमध्ये (Jammu and Kashmir) जवानांना अनेक दहशतवादी कारवायांचा सामना करावा लागत आहे. बुधवारी (18 ऑगस्टला) आणखी एक दहशतवादी कारवाई झाली. जम्मू-काश्मीर पोलीस (Jammu and Kashmir Police) आणि दहशतवाद्यांमध्ये मोठी चकमक झाली. या चकमकीत लष्कर-ए-तोयबाच्या (Lashkar-e-Taiba) कमांडरचा खात्मा करण्यात पोलिसांना यश आलं आहे. या कारवाईदरम्यान, एक पोलीसही जखमी झाला होता. पोलिसांनी दिलेल्या माहितीनुसार, जम्मू-काश्मीरच्या टोफ गावात आंतरराष्ट्रीय सीमेजवळील अर्निया सेक्टरमधील तुरुंगातून कार्यरत असलेल्या लष्कर-ए-तोयबाचा कमांडर मोहम्मद अली हुसैन हा चकमकीत ठार झाला आहे. मोहम्मद अली हुसेन याला शस्त्र जप्तीसाठी घटनास्थळी नेले जात होते. त्याचवेळी ही चकमक झाली होती.
J&K | A rifle, pistol along with several magazines & grenades were recovered from the dropped packet opened by the bomb disposal squad in Jammu's Arnia: J&K Police https://t.co/W8tp93AfmP pic.twitter.com/6DHSd8QJu6
— ANI (@ANI) August 17, 2022
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
