Honey Trap : नेत्यांना 'हनी ट्रॅप'मध्ये फसवण्याचा डाव उघड, 'जैश ए मोहम्मद'च्या दहशतवाद्याची गर्लफ्रेंड अर्पिता सरकारला अटक

West Bengal Terror Module Arpita Sarkar : पश्चिम बंगालच्या बर्धमानमधून एसटीएफने मोठी कारवाई केली असून 'जैश ए मोहम्मद'च्या ऑपरेटिव्हला त्याच्या गर्लफ्रेंडसह अटक केली आहे.

West Bengal Terror Honey Trap Arpita Sarkar

Source : abp majha

कोलकाता : पश्चिम बंगालमधील राजकीय नेते आणि व्हीआयपी (VIP) व्यक्तींना 'हनी ट्रॅप'मध्ये फसवून त्यांची संवेदनशील गुप्त माहिती गोळा करण्याचा एक अत्यंत मोठा कट स्पेशल टास्क फोर्सने (STF) उधळून लावला आहे. जैश-ए-मोहम्मद (JeM) या दहशतवादी संघटनेशी संबंधित संशयित ऑपरेटर मोहम्मद हामिम मंडल याच्या अटकेनंतर, आता त्याच्या जवळच्या सहकाऱ्याला आणि प्रेयसीला म्हणजेच अर्पिता सरकार (Arpita Sarkar) हिला झारखंडच्या साहिबगंज येथून अटक करण्यात आली आहे.

अर्पिता सरकार हिला साहिबगंज येथून ताब्यात घेऊन बंगालमधील बर्धमान येथे आणण्यात आले आहे. या दोघांमध्ये व्हॉट्सॲपच्या माध्यमातून झालेला डिजिटल संवाद आणि चॅट एसटीएफने ( Bengal Special Task Force ) जप्त केले असून, त्यांच्या आंतरराष्ट्रीय कनेक्शनचा तपास सुरू आहे. दरम्यान, अर्पिता सरकार हिला 13 दिवसांची पोलीस कोठडी सुनावण्यात आली आहे. 

JeM Operative Arrested : भाड्याच्या घरातून आरोपीला अटक

विशेष पथकाने 30 जुलै रोजी बर्धमान शहरातील एका गृहनिर्माण संस्थेतील भाड्याच्या अपार्टमेंटमधून मोहम्मद हामिम मंडल (Hamim Mondal) याला बेड्या ठोकल्या होत्या. प्राथमिक तपासानुसार, मंडल हा आयएसआय (ISI) समर्थित दहशतवादी नेटवर्कचा भाग असल्याचा संशय आहे. पश्चिम बंगालमध्ये भाजप नेत्यांसह इतर प्रमुख राजकीय व्यक्तींची वैयक्तिक माहिती गोळा करणे, नवीन ऑपरेटिव्हची भरती करणे आणि संभाव्य दहशतवादी कारवायांसाठी पाया तयार करणे, हे काम त्याच्यावर सोपवण्यात आले होते.

Arpita Sarkar Honey Trap Strategy : नेत्यांना जाळ्यात ओढण्यासाठी महिलेचा वापर

पीटीआय (PTI) वृत्तसंस्थेने दिलेल्या माहितीनुसार, आरोपीने अनेक राजकीय नेत्यांची संवेदनशील व खासगी माहिती मिळवण्यासाठी एक विस्तृत जाळे तयार केले होते. या नेटवर्कमध्ये अर्पिता सरकार हिचा वापर नेत्यांशी संपर्क साधण्यासाठी आणि त्यांच्याकडून महत्त्वाची माहिती मिळवण्यासाठी केला जात होता. जप्त केलेल्या डिजिटल पुराव्यांच्या आधारे पोलीस या हनी ट्रॅप नेटवर्कचा कसून तपास करत आहेत.

Suvendu Adhikari Statement : मुख्यमंत्री शुभेंदु अधिकारी यांच्या ताफ्यावरही पाळत

पश्चिम बंगालचे मुख्यमंत्री शुभेंदु अधिकारी यांनी या प्रकरणावर प्रतिक्रिया देताना हे अत्यंत गंभीर आणि संवेदनशील प्रकरण असल्याचे म्हटले आहे. "वरिष्ठ पोलीस अधिकारी आणि एसटीएफ या प्रकरणाचा तपास करत आहेत. संशयिताचे आंतरराष्ट्रीय धागेदारे असण्याची शक्यता नाकारता येत नाही. सुरुवातीच्या तपासात हा आरोपी माझ्या हालचालींवर आणि ताफ्याच्या मार्गावर पाळत ठेवून असल्याचे समोर आले आहे," असे त्यांनी सांगितले.

Terror Plot Investigation : हल्ल्याच्या नियोजनाचाही तपास सुरू

हनी ट्रॅपच्या माध्यमातून जमा करण्यात आलेल्या गोपनीय माहितीचा वापर पुढे मोठ्या दहशतवादी हल्ल्यांचे नियोजन करण्यासाठी केला जाणार होता का, यादृष्टीनेही एसटीएफ अधिक तपास करत आहे. दोन्ही आरोपींची सध्या समोरासमोर चौकशी सुरू असून, या प्रकरणात आणखी काही जणांना अटक होण्याची शक्यता वर्तवली जात आहे.

ही बातमी वाचा: