India Russia Deal : युरीया दुप्पट किमतीने खरेदी करावा लागल्यानंतर भारताची कूटनीती, रशियाशी करार अन् होर्मुझ समस्येवर तोडगा

India Russia Urea Plant : इराण आणि अमेरिका यांच्यातील तणावामुळे होर्मुझ सामुद्रधुनीत अडथळे निर्माण होत आहेत. त्याचा परिणाम भारताच्या युरीया आयातीवर होताना दिसतोय. 

India Russia Urea Plant

Source : abp majha

India Russia Urea Plant : इराण-होर्मुझ सामुद्रधुनीतील वाढत्या तणावामुळे जागतिक ऊर्जा आणि खत पुरवठ्यावर परिणाम होण्याची शक्यता निर्माण झाली आहे. या पार्श्वभूमीवर भारताने रशियासोबत युरिया उत्पादन प्रकल्प उभारण्याचा मोठा निर्णय घेतला आहे. यामुळे देशातील शेतकऱ्यांना खत पुरवठा सुरळीत ठेवण्यास मदत होणार आहे. 

भारत मोठ्या प्रमाणावर खतांच्या आयातीवर अवलंबून आहे. विशेषतः युरिया हे पीक उत्पादनासाठी अत्यंत महत्त्वाचे खत असल्याने त्याच्या पुरवठ्यात अडथळे निर्माण झाल्यास शेती क्षेत्रावर मोठा परिणाम होऊ शकतो. त्यामुळे पर्यायी व्यवस्था उभारणे अत्यावश्यक बनले आहे.

India Fertilizer Crisis : जागतिक संकटाची शक्यता वाढली

इराण आणि अमेरिका यांच्यातील तणावामुळे होर्मुझ सामुद्रधुनीत अडथळे निर्माण होण्याची भीती व्यक्त केली जात आहे. या मार्गावरून मोठ्या प्रमाणावर तेल आणि गॅसची वाहतूक होते. त्यावर परिणाम झाल्यास खत उत्पादनासाठी लागणाऱ्या कच्च्या मालाच्या पुरवठ्यावर परिणाम होऊ शकतो.

India Russia Deal : भारत रशिया सहकार्याचा मोठा टप्पा

भारत आणि रशिया मिळून युरिया उत्पादनासाठी नवीन प्रकल्प उभारणार आहेत. या प्रकल्पामुळे भारताला दीर्घकालीन खत पुरवठा सुरक्षित करण्यास मदत होणार आहे. यामुळे आयातीवरील अवलंबित्व कमी होऊन देशांतर्गत शेती क्षेत्राला स्थिरता मिळेल. या निर्णयामुळे शेतकऱ्यांना खतांच्या उपलब्धतेबाबत दिलासा मिळण्याची शक्यता आहे. वाढत्या किमती आणि तुटवड्याच्या पार्श्वभूमीवर हा प्रकल्प महत्त्वाचा ठरणार आहे.

India Strategic Move : जागतिक राजकारणात भारताची भूमिका मजबूत

भारताने रशियासोबत केलेला हा करार केवळ आर्थिक नव्हे तर धोरणात्मकदृष्ट्याही महत्त्वाचा आहे. यामुळे भारत जागतिक पुरवठा साखळीत आपली भूमिका अधिक मजबूत करत आहे.

Trump On Iran : ट्रम्प यांनी इराणला धमकी

दरम्यान, अमेरिकेच्या अध्यक्षांवर झालेल्या हल्ल्यानंतरही त्यांचं धमक्यांचं सत्र सुरूच आहे. इराणला लवकर पूर्णपणे नष्ट करून टाकू असं डोनाल्ड ट्रम्प यांनी म्हटलं आहे. अमेरिका निर्णायक विजय मिळवेल, इराणला अण्वस्त्र मिळूच देणार नाही असा दावाही त्यांनी केला.

इराणसोबत आता बैठका करण्याची काहीही गरज नाही असं डोनाल्ड ट्रम्प यांनी म्हटलं आहे. होर्मुझची नाकेबंदी केल्यामुळे इराणचं नाक दाबलं गेलं असं ट्रम्प म्हणतात.  इराणचं नौदल, वायुदल नष्ट केलंय. आता केवळ फोनवर चर्चा होईल, कोणताही दौरा होणार नाही असं ते म्हणाले. 

ही बातमी वाचा: