माजी पंतप्रधान डॉ. मनमोहन सिंह यांना रूग्णालयातून डिस्चार्ज
देशाचे 13 वे पंतप्रधान डॉ. मनमोहन सिंह यांना रूग्णालयातून डिस्चार्ज देण्यात आला आहे. 87 वर्षीय मनमोहन सिंह यांना रविवारी संध्याकाळी 8 वाजून 45 मिनिटांनी रुग्णालयात भरती करण्यात आलं होतं.
नवी दिल्ली : देशाचे माजी पंतप्रधान आणि काँग्रेसचे वरिष्ठ नेते डॉक्टर मनमोहन सिंह यांना अचानक छातीत दुखू लागल्याने दिल्लीतील एम्स रुग्णालयात भरती करण्यात आलं होतं. आज (मंगळवारी) उपचारानंतर मनमोहन सिंह यांना रूग्णालयातून डिस्चार्ज देण्यात आला आहे. ताप आणि छातीत दुखू लागल्याने 87 वर्षीय माजी पंतप्रधान मनमोहन सिंह यांना रविवारी संध्याकाळी 8 वाजून 45 मिनिटांनी रुग्णालयात भरती करण्यात आलं होतं.
मनमोहन सिंह यांना कार्डिओ-थोरॅसिक वॉर्डमध्ये निरीक्षणाखाली ठेवण्यात आलं होतं. मात्र चिंता करण्याचं कारण नसल्याचं त्यांच्या निकटवर्तीयांकडून सांगितलं जात होतं. उपचारादरम्यान, माजी पंतप्रधान मनमोहन सिंह यांची कोरोनाची तपासणी देखील करण्यात आली असून त्याचा अहवाल निगेटिव्ह आला आहे. दरम्यान, पंतप्रधान नरेंद्र मोदी यांची 2009 मध्ये कोरोनरी बायपास सर्जरी करण्यात आली होती. त्यावेळी जवळपास 14 तास ही शस्त्रक्रीया सुरु होती.
मनमोहन सिंह रुग्णालयात दाखल झाल्याची माहिती मिळताच सर्वांनीच त्यांची प्रकृती ठिक व्हावी यासाठी प्रार्थना सुरु केली होती. सोशल मीडियावर अनेकांनी त्यांच्यासाठी प्रार्थना केली होती. देशातील बड्या राजकीय नेत्यांनीही ट्वीट करुन मनमोहन सिंह यांच्या प्रकृतीत सुधारणा व्हावी यासाठी प्रार्थना केली होती.
मनमोहन सिंह वर्ष 2004 ते 2014 पर्यंत देशाचे पंतप्रधान होते. तसेच त्यांनी 1991मध्ये पीवी नरसिम्हा राव यांचं सरकार असताना अर्थ मंत्रालयाची जबाबदारी सांभाळली होती. सध्या डॉ. मनमोहन सिंह राज्यसभेचे खासदार आहेत.
मनमोहन सिंह देशाचे 13 वे पंतप्रधान
डॉ. मनमोहन सिंह हे भारताचे 13 वे पंतप्रधान आहेत. त्यांनी सलग दहा वर्ष 2004 ते 2014 देशाची सेवा केली आहे. डॉ. मनमोहन सिंह हे अर्थतज्ज्ञही आहेत. रिझर्व्ह बँक ऑफ इंडियाचे 15 वे गवर्नर म्हणूनही त्यांनी कारभार पाहिला आहे. जून 1991 पासून 1996 पर्यंत केंद्रीय अर्थमंत्री म्हणूनही त्यांची कामकाज पाहिलं आहे.
संबंधित बातम्या :
माजी पंतप्रधान डॉ. मनमोहन सिंह दिल्लीतील एम्स रुग्णालयात दाखल
महत्त्वाच्या बातम्या
ट्रेंडिंग न्यूज
and tablets