Covid-19 | अनलॉकनंतर देशात लाखभर कोरोनाबाधित, सलग दुसऱ्यांदा 11 हजारापेक्षा अधिक वाढ

देशातील कोरोनाचा प्रादुर्भाव दिवसेंदिवस वाढताना दिसत आहे. अशातच भारतातील रुग्णांची संख्या 3 लाख 20 हजार 922 वर गेली आहे.

सांकेतिक छायाचित्र

नवी दिल्ली : भारतात कोरोना व्हायरसचा संसर्ग झालेल्या रुग्णांची संख्या 3 लाख 20 हजारांवर गेली आहे. मागील 24 तासांमध्ये सर्वाधिक 11 हजार 929 कोरोनाचे रुग्ण आढळून आले आहेत. देशात 3 जूनपासून अनलॉक केल्यानंतर कोरोनाबाधितांच्या संख्येत 1 लाख 13 हजार 307 रुग्णांची वाढ झाली आहे तर मृतांची संख्या 3 हजार 380 ने वाढली आहे. 24 तासात सर्वाधिक 311 बळी गेले तर कोरोनाबाधितांच्या संख्येत 24 तासात आत्तापर्यंतची सर्वाधिक 11 हजार 929 ने वाढ झाली आहे. सलग चौथ्या दिवशी 300 पेक्षा जास्त बळी गेले आहेत. तर दिवसभरात 8 हजार 50 रुग्ण बरे झाले आहेत.

देशात 1 लाख 62 हजार 379 रुग्ण बरे झाले आहेत. म्हणजे देशाचा रिकव्हरी रेट 50.59 टक्के आहे. सध्या कोरोनाची लागण असलेले 1 लाख 49 हजार 348 रुग्ण आहे. कोरोनामुळे आतापर्यंत 9 हजार 195 जणांचा मृत्यू झाला आहे.

जगभरातील कोरोना बाधित देशांच्या यादीत भारत चौथ्या क्रमांकावर

देशात कोरोनाचा प्रादुर्भाव वेगाने वाढताना दिसत आहे. कोरोना बाधितांच्या संख्येत भारताने शुक्रवारी भारताने ब्रिटनला मागे सोडलं. त्यामुळे भारत जगभरातील कोरोना बाधित देशांच्या यादीत चौथ्या क्रमांकावर पोहोचला आहे. अमेरिका, ब्राझील, रूसनंतर कोरोना महामारीमुळे सर्वाधिक प्रभावित देशांमध्ये भारत चौथ्या क्रमांकावर आहे. भारतापेक्षा अधिक रुग्ण अमेरिका अमेरिका (21,42,672), ब्राजील (8,50,796), रूस (5,20,129)मध्ये आहेत. तर भारत रुग्ण वाढीचा वेगात जगभरात तिसऱ्या क्रमांकावर आहे. अमेरिका आणि ब्राझीलनंतर एक दिवसात सर्वाधिक रुग्ण भारतात आहेत.

कोरोना निगेटिव्ह गर्भवतीला कोरोना वॉर्डमध्ये ठेवलं, चुकीच्या रिपोर्टमुळे गर्भवतीला कोरोनाची लागण

अॅक्टिव्ह रुग्णांच्या संख्येत टॉप-5 राज्य

आकडेवारीनुसार, देशात सध्या 1 लाख 49 हजार कोरोनाचे अॅक्टिव्ह रुग्ण आहेत. सर्वात जास्त अॅक्टिव्ह केस महाराष्ट्रात आहेत. महाराष्ट्रात 51 हजारांहून अधिक कोरोना बाधितांवर रुग्णालयात उपचार सुरु आहेत. यानंतर दुसरा क्रमांकावर दिल्ली, तिसऱ्या क्रमांकावर तामिळनाडू, चौथ्या क्रमांकावर गुजरात आणि पाचव्या क्रमांकावर पश्चिम बंगाल आहे. या पाच राज्यांमध्ये सर्वात जास्त अॅक्टिव्ह रुग्ण आहेत.अॅक्टिव्ह रुग्णांच्या संख्येत जगभरात भारत चौथ्या क्रमांकावर आहे. म्हणजेच, भारत असा चौथा देश आहे, जिथे सध्या सर्वाधिक कोरोना बाधित रुग्णांवर रूग्णालयात उपचार सुरु आहेत.देशात 3 जूनपासून अनलॉक केल्यानंतर कोरोनाबाधितांच्या संख्येत 1 लाख 13 हजार 307 रुग्णांची वाढ झाली आहे तर मृतांची संख्या 3 हजार 380 ने वाढली आहे.

संबंधित बातम्या :