Coronavirus Cases Today : कोरोना रुग्णसंख्या कमालीची घटतेय; तरीही काळजी घ्या! मागील 24 तासात किती रुग्ण?

Coronavirus Cases Today in India: मागील 24 तासात कोरोनाचे नवीन 1685 रुग्ण समोर आले आहेत तर 83 रुग्णांचा मृत्यू कोरोनामुळं झाला आहे.

Coronavirus Cases Today in India

Coronavirus Cases Today in India: देशामध्ये जीवघेण्या कोरोना व्हायरस (Coronavirus)चा प्रादुर्भाव आता हळू हळू कमी होताना दिसत आहे. कालच्या तुलनेत आज कोरोनाचे आकडे कमी झाल्याचं दिसत आहे.मागील 24 तासात कोरोनाचे नवीन 1685 रुग्ण समोर आले आहेत तर 83 रुग्णांचा मृत्यू कोरोनामुळं झाला आहे. काल देशात 1938 केसेस समोर आल्या होत्या तर 67 लोकांचा मृत्यू झाला होता.  

सक्रिय रुग्णांच्या संख्येत घट 

केंद्रीय आरोग्य मंत्रालयाने जारी केलेल्या आकडेवारीनुसार, काल देशात  2 हजार 499 लोक कोरोनातून बरे झाले होते. त्यानंतर सक्रिय रुग्णांची संख्या 21 हजार 530 वर आली आहे. कोरोनामुळे आत्तापर्यंत 5 लाख 16 हजार 755 मृत्यू झाला आहे. तर आतापर्यंत देशात 4 कोटी 24 लाख 78 हजार 87 कोरोनातून संसर्गमुक्त झाले आहेत.

आतापर्यंत 182 कोटींहून अधिक लसींचे डोस 

देशात 16 जानेवारी 2021 पासून कोरोना लसीकरणाला सुरुवात झाली आहे.  सध्या देशात मोठ्या प्रमाणावर लसीकरण सुरु आहे. देशव्यापी लसीकरण मोहिमेअंतर्गत आतापर्यंत लसींचे 182 कोटींहून अधिक डोस देण्यात आले आहेत. काल देशात 29 लाख 82 हजार 451 लसींचे डोस देण्यात आले. त्यानंतर आतापर्यंत 182 कोटी 55 लाख 75 हजार 126  डोस लसींचे डोस देण्यात आल्याची माहिती केंद्रीय आरोग्य मंत्रालयानं दिली आहे. 

Koo App

#COVID19 UPDATE: 💠182.55 cr vaccine doses have been administered so far under Nationwide Vaccination Drive 💠India’s Active caseload currently stands at 21,530 💠Active cases stand at 0.05% Read here: https://pib.gov.in/PressReleasePage.aspx?PRID=1809434 #IndiaFightsCorona

View attached media content

- PIB India (@PIB_India) 25 Mar 2022

महाराष्ट्रात ॲक्टिव्ह रुग्णसंख्या पहिल्यांदाच एक हजारांखाली
राज्यातील कोरोनाची रुग्णसंख्या  (Maharashtra Corona Update) आटोक्यात येत असल्याचं चित्र असून पहिल्यांदा ॲक्टिव्ह रुग्णसंख्या पहिल्यांदाच एक हजारांखाली आली आहे. राज्यात सध्या 965 अॅक्टिव्ह रुग्ण आहेत.  काल, गुरुवारी राज्यात 139   रुग्णांची नोंद झाली. तसेच गेल्या चोवीस तासात तीन रुग्णांचा मृत्यू झाला. आता  राज्याचा मृत्यूदर 1.82 टक्के झाला आहे. राज्यात आतापर्यंत 77,24, 214  रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 98.11 टक्के झाले आहे. राज्यात आजपर्यंत 7, 91, 13, 785  प्रयोगशाळा तपासण्या करण्यात आल्या आहे.