भारतामध्ये मोठ्या संख्येने बरे झालेल्या रूग्णसंख्येचा विक्रम, गेल्या 24 तासांमध्ये 94,000 पेक्षा जास्त रूग्ण झाले बरे

कोरोना व्हायरसची नव्याने लागण झालेल्या रूग्णांपैकी 60 टक्के रूग्णसंख्या पाच राज्यांमध्ये आहे. यामध्ये महाराष्ट्र, कर्नाटक, आंध्र प्रदेश आणि तामिळनाडू यांचा समावेश आहे.

नवी दिल्ली : भारतामध्ये सलग दुसऱ्या दिवशी कोविड-19 रुग्ण विक्रमी संख्येने बरे झाले आहेत. गेल्या 24 तासांमध्ये 94,000 पेक्षा जास्त रूग्ण बरे झाले आहेत. देशामध्ये गेल्या 24 तासांमध्ये कोरोना बाधित असलेले 94,612 रूग्ण बरे झाले आहेत. या आकडेवारीनुसार भारतामध्ये आता कोविड-19 आजारातून बरे झालेल्या एकूण रूग्णसंख्या 43 लाखांपेक्षा म्हणजेच 43 लाख 3 हजार 43 झाली आहे. देशाचे कोविड रूग्ण बरे होण्याचा दर आता 79.68 टक्क्यांपर्यंत पोहोचला आहे.

कोरोना व्हायरसची नव्याने लागण झालेल्या रूग्णांपैकी 60 टक्के रूग्णसंख्या पाच राज्यांमध्ये आहे. यामध्ये महाराष्ट्र, कर्नाटक, आंध्र प्रदेश आणि तामिळनाडू यांचा समावेश आहे. कोविडचे नव्याने सर्वात जास्त रूग्ण महाराष्ट्रात आढळून आले आहेत. महाराष्ट्रात 23 हजार पेक्षा जास्त नवीन कोरोनाबाधित आढळले आहेत. कर्नाटक आणि आंध्र प्रदेशात एका दिवसामध्ये 10 हजार पेक्षा जास्त कोरोनाबाधित बरे झाले आहेत.

गेल्या 24 तासांमध्ये देशामध्ये नव्याने एकूण 92 हजार 605 जणांना कोरोनाची बाधा झाल्याचे स्पष्ट झाले आहे. या नव्याने बाधित झालेल्या रूग्णांपैकी 52 टक्के रुग्ण पाच राज्यांमध्ये आहेत. या राज्यांमध्ये सर्वात जास्त कोरोनाबाधित असल्याची नोंद आहे. महाराष्ट्रामध्ये 20 हजार पेक्षा जास्त म्हणजे 22.16 टक्के कोरोनाबाधित नवीन रुग्ण आढळले आहेत. आंध्र प्रदेश आणि कर्नाटक या दोन्ही राज्यांमध्ये 8 हजार पेक्षा जास्त रुग्ण गेल्या 24 तासांमध्ये आढळले आहेत.

देशामध्ये गेल्या 24 तासांमध्ये कोविड-19 मुळे 1113 जणांचे निधन झाले. कोविडमुळे मृत्यू पावलेल्या रूग्णांपैकी 425 जण महाराष्ट्रातले आहेत. हे प्रमाण 37 टक्के आहे. त्याखालोखाल कर्नाटक आणि उत्तर प्रदेशामध्ये अनुक्रमे 114 आणि 84 कोरोनाबाधितांचे निधन झाले.