Chopper Crash Ooty: ऊटीमध्ये लष्कराचे हेलिकॉप्टर दुर्घटनाग्रस्त; CDS Gen. बिपीन रावत जखमी

Chopper Crash Ooty : कुन्नूरजवळील व्हॅम्पायर भागात लष्कराचे हेलिकॉप्टर कोसळले आहे.

CDS Gen. Bipin Rawat helicopter crash

Chopper Crash Ooty:  भारतीय हवाई दलाच्या हेलिकॉप्टरचा भीषण अपघात झाला आहे. कर्नाटकातील उटीजवळ (Ooty) हेलिकॉप्टर क्रॅश (Army chopper crashe) झालं. महत्त्वाचं म्हणजे या हेलिकॉप्टरमध्ये सीडीएस जनरल बिपीन रावत यांचा समावेश असल्याची माहिती आहे. या हेलिकॉप्टरमध्ये लष्कराचे चार उच्च अधिकारी होते. यापैकी तिघांची प्रकृती गंभीर असल्याचं सांगण्यात येत आहे. कर्नाटकातील कुन्नूरजवळ निलगिरी कट्टेरी (Niligiri Katteri) ही दुर्घटना घडली. आर्मी ट्रेनिंग कॅम्पच्या परिसरात हेलिकॉप्टर क्रॅश झाल्यानंतर, तातडीने बचावकार्याला सुरुवात झाली आहे. या हेलिकॉप्टर अपघाताची 'कोर्ट ऑफ इन्क्वायरी' करण्यात येणार आहे. सीडीएस जनरल बिपीन रावत यांना रुग्णालयात दाखल करण्यात आले असून उपचार सुरू असल्याची माहिती माजी संरक्षण राज्यमंत्री सुभाष भामरे यांनी दिली. 

हे हेलिकॉप्टर नेमकं कसं दुर्घटनाग्रस्त झालं त्याबाबतची माहिती अद्याप समोर आलेली नाही. या हेलिकॉप्टरमध्ये दहा जण प्रवास करत होते. त्यापैकी तीन जण गंभीर जखमी आहेत. या घटनेची माहिती समजताच जिल्हाधिकारी आणि लष्कराचे अधिकारी घटनास्थळी दाखल झाले आहेत. घटनास्थळी सहा रुग्णवाहिका दाखल झाल्या आहेत. हेलिकॉप्टरमध्ये सीडीएस जनरल बिपीन रावत यांच्यासह त्यांचे कुटुंबीय आणि मदतनीस होते अशी माहिती समोर येत आहे. हेलिकॉप्टरचा अपघात झाला तेव्हा त्यात 10 जण होते. हेलिकॉप्टर कोसळल्यानंतर त्याला आग लागली.  घटनास्थळी सहा रुग्णवाहिका दाखल झाल्या आहेत. 

 

An IAF Mi-17V5 helicopter, with CDS Gen Bipin Rawat on board, met with an accident today near Coonoor, Tamil Nadu.
An Inquiry has been ordered to ascertain the cause of the accident. pic.twitter.com/cnKn7RNFeR

— Indian Air Force (@IAF_MCC) December 8, 2021

 

Koo App

An Army chopper crashed in #TamilNadu’s Coonoor on Wednesday. A senior Army officer was on board. The force has not commented anything over it. Local policemen said that three people have been rescued so far while a search is on for others. #bipinrawat #IndianArmy

View attached media content

- IANS (@IANS) 8 Dec 2021

अपघातग्रस्त हेलिकॉप्टरमधून कोण प्रवास करत होते?

सीडीएस जनरल बिपीन रावत, त्यांची पत्नी मधुलिखा रावत, ब्रिगेडियर एल. एस. लिडेर, लेफ्टिनेंट कर्नल हरजिंदर सिंह, एन.के. गुरसेवक सिंह, एन.के. जितेंद्र कुमार,  L/NK विवेक कुमार, L/NK बी. तेजा, हवालदार सतपाल आदी या हेलिकॉप्टरमधून प्रवास करत होते अशी प्राथमिक माहिती आहे. यातील नावांना अद्याप अधिकृत दुजोरा देण्यात आला नाही. 

 

इतर महत्त्वाच्या बातम्या:

 

व्हिडिओ: CDS General Bipin Rawat यांच्यावर रुग्णालयात उपचार सुरु : माजी संरक्षण राज्यमंत्री सुभाष भामरे यांची माहिती