Bill Gates dances video : मायक्रोसॉफ्ट विंडोजचं लॉन्चिंग अन् बिल गेट्स यांचा डान्स? 27 वर्षापूर्वीचा व्हिडीओ व्हायरल   

Bill Gates dances video : 1995 मध्ये मायक्रोसॉफ्ट विंडोजच्या लॉन्च पार्टी दरम्यान बिल गेट्स यांनी डान्स केला होता. त्यांच्या या डान्सचा व्हिडीओ सध्या सोशल मीडियावर धुमाकूळ घालत आहे.

Bill Gates dances video

Bill Gates dances video : सोशल मीडियावर तुम्ही अनेक डान्सचे व्हिडीओ पाहिले असतील. पण, तुम्ही जगातील प्रसिद्ध ( Bill Gates ) उद्योगपती बिल गेट्स यांना डान्स करताना पाहिले आहे का? परंतु, सोशल मीडियामुळे आज संपूर्ण जग बिल गेट्स यांना डान्स करताना पाहत आहे. 1995 मध्ये मायक्रोसॉफ्ट विंडोजच्या लॉन्च पार्टी दरम्यान बिल गेट्स यांनी डान्स केला होता. त्यांच्या या डान्सचा व्हिडीओ सध्या सोशल मीडियावर धुमाकूळ घालत आहे. या व्हिडीओमध्ये बिल गेट्स आपल्या कंपनीच्या सहकाऱ्यांसोबत डान्स करताना दिसत आहेत. विशेष म्हणजे हा व्हिडिओ 27 वर्ष जुना आहे.

एका युजर्सने बिल गेट्स यांचा हा व्हिडीओ सोशल मीडियावर शेअर केलाय. त्यासोबत त्याने एक कॅप्शन दिले असून या व्हिडीओबाबतची माहिती दिली आहे. व्हिडीओसोबत पोस्ट केलेल्या कॅप्शनमध्ये 'Microsoft Windows 1995 Launch Party' असे लिहिले आहे. 'लोस्ट इन हिस्ट्री' या ट्विटर हँडलवरून हा व्हिडीओ पोस्ट करण्यात आला आहे. या व्हिडीओला 6 लाखांहून अधिक व्ह्यूज मिळाले आहेत. शिवाय अनेकांनी या व्हिडीओवर मनोरंजक कमेंट्स देखील केल्या आहेत. एका यूजरने लिहिले की,  हा अब्जाधीशांचा डान्स आह, असे एका युजरने लिहीले आहे. एका यूजरने बिल गेट्स यांना ट्विटरवर हा व्हिडीओ टॅग करून या डान्सवर त्यांची प्रतिक्रिया विचारली आहे.

Microsoft Windows 1995 Launch Party 🕺🏻🖥 pic.twitter.com/3bzSVqSRVM

— Lost in History (@LIHpics) September 29, 2022

मायक्रोसॉफ्टचे सह-संस्थापक आणि जगातील सर्वात श्रीमंत व्यक्तींपैकी एक बिल गेट्स हे एक प्रसिद्ध व्यक्तिमत्व आहे. मायक्रोसॉफ्टमधून सध्या ते निवृत्त झाले असून निवृत्तीनंतर त्यांनी आपले जीवन समाजकारणासाठी वाहून घेतले आहे. बिल-मेलिंडा गेट्स फाउंडेशन सध्या जगातील सर्वात मोठ्या सामाजिक संस्थांपैकी एक संस्था एक आहे.

महत्वाच्या बातम्या