Gujarat Election Opinion Poll 2022: गुजरात विधानसभेच्या निवडणुका (Gujarat Assembly Election 2022) या वर्षी डिसेंबरमध्ये होणार आहेत. गुजरातमध्ये दोन टप्प्यात निवडणूक होणार असून 1 आणि 5 डिसेंबर रोजी दिवशी मतदान होणार आहे. मतमोजणी 8 डिसेंबर रोजी होणार आहे. मतदारांना आकर्षित करण्यासाठी सर्वच राजकीय पक्ष प्रचाराला लागले आहेत. भाजप आपला गड राखण्यासाठी सज्ज झाला असला तरी यावेळी गुजराती मतदारांचे लक्ष वेधून घेण्यात आम आदमी पार्टी (AAP) कोणतीही कसर सोडत नसल्याचं दिसत आहे. काँग्रेसनं देखील जोरात आपला प्रचार सुरु केला आहे.
गुजरातमध्ये एकूण 182 जागांसाठी प्रतिष्ठेची लढाई
गुजरातमध्ये एकूण 182 जागांसाठी ही प्रतिष्ठेची लढाई पार पडणार आहे. बहुमतासाठी 92 जागा जिंकायच्या आहेत. दरम्यान, निवडणुकीच्या आधी अनेक महत्त्वाच्या प्रश्नांवर लोकांचे मत जाणून घेण्यासाठी एबीपी न्यूजसाठी सी-व्होटरने एक सर्वे केला आहे. या सर्वेनुसार भाजपच सर्वात मोठा पक्ष ठरणार असल्याचा अंदाज व्यक्त करण्यात आला आहे. भाजपला 45.4 टक्के मतं मिळतील आणि तब्बल 135 जागा मिळतील असा अंदाज या सर्वेतून व्यक्त करण्यात आला आहे. या सर्वेनुसार भाजप पुन्हा एकदा गुजरातमध्ये एकहाती सत्ता स्थापन करेल, असा अंदाज आहे.
आपची चर्चा असली तरी या सर्वेनुसार दुसऱ्या क्रमांकाचा पक्ष हा काँग्रेस राहणार असल्याचा अंदाज आहे. काँग्रेसला 35 जागा मिळतील तर आपला 11 जागा मिळतील असा सर्वेचा अंदाज आहे. तर भाजपला या निवडणुकीत 45.4 टक्के मतदान मिळेल असा अंदाज या सर्वेतून व्यक्त केला आहे. काँग्रेसला 29.1 टक्के मतदान मिळेल असा अंदाज आहे.
कोणत्या पक्षाला किती टक्के मतदान?
पक्ष टक्के मतदान
भाजप - 45.4%
काँग्रेस - 29.1%
आप - 20.2%
इतर - 5.4%
२. कोणत्या पक्षाला किती जागा?
पक्ष जागा
भाजप - 135
काँग्रेस - 35
आप - 11
इतर - 1
टीप- सर्वेक्षणातून समोर आलेले निकष पूर्णपणे लोकांकडून मिळालेल्या उत्तरांवर आधारित आहेत, त्यामुळे यातून एबीपी न्यूज अथवा एबीपी माझा कोणताही दावा करत नाही.
ही बातमी देखील वाचा