Jyotiraditya Shinde : लेडी किलर ते ज्योतिरादित्य शिंदेंजी, तुम्ही खूप सुंदर दिसता, याचा अर्थ चांगली व्यक्ती आहात असं नाही, तुम्ही खलनायकही होऊ शकता; संसदेत जोरदार खडाजंगी!
ज्योतिरादित्य शिंदे म्हणाले की, तुम्ही वैयक्तिक कमेंट करत आहात. माझे नाव ज्योतिरादित्य शिंदे आहे. तुम्ही माझ्या कुटुंबाबद्दल वाईट बोललात तर ते मी सहन करणार नाही.
Jyotiraditya Shinde : TMC खासदार कल्याण बॅनर्जी यांनी बुधवारी लोकसभेत भाजप खासदार ज्योतिरादित्य शिदे यांना लेडी किलर म्हटले. यानंतर सभागृहात गदारोळ झाला आणि कामकाज तहकूब करण्यात आले. भाजपने बॅनर्जी यांच्या निलंबनाची मागणी केली आहे. कल्याण बॅनर्जी सभागृहात आपत्ती व्यवस्थापनावर आपले मत मांडत होते. दरम्यान, केंद्रीय मंत्री नित्यानंद राय आणि ज्योतिरादित्य शिंदे यांनी अडवणूक करण्यास सुरुवात केली. प्रकरण कोविडपर्यंत पोहोचले. यावरून दोन्ही खासदारांमध्ये जोरदार वादावादी झाली. त्यावेळी पीठासीन अधिकारी ए. राजा यांनी दोघांनाही थांबवण्याचा प्रयत्न केला, पण कल्याण बॅनर्जी थांबले नाहीत.
ज्योतिरादित्य शिंदे म्हणाले की, कोणाच्या चेहऱ्यावर संभ्रम आहे आणि कोणाच्या चेहऱ्यावर हास्य आहे हे तुम्ही स्वतःच समजू शकता. यावर कल्याण बॅनर्जी म्हणाले, 'शिंदे जी, तुम्ही खूप सुंदर दिसता, याचा अर्थ असा नाही की तुम्ही चांगली व्यक्ती आहात, तुम्ही खलनायकही होऊ शकता. शिंदे म्हणाले की, तुम्ही वैयक्तिक कमेंट करत आहात. माझे नाव ज्योतिरादित्य शिंदे आहे. तुम्ही माझ्या कुटुंबाबद्दल वाईट बोललात तर ते मी सहन करणार नाही.
वाचा दोन्ही नेत्यांमधील संपूर्ण वाद...
शिंदे - कोणाच्या चेहऱ्यावर संभ्रम आहे आणि कोणाच्या चेहऱ्यावर हास्य आहे हे तुम्ही स्वतः पाहू शकता.
बॅनर्जी - अहो ऐका... शिदेंजी, तुम्ही खूप सुंदर दिसता, याचा अर्थ असा नाही की तुम्ही चांगली व्यक्ती आहात, माणूस खलनायकही असू शकतो. तुम्ही खूप मोठ्या कुटुंबातील आहात, तुम्ही आम्हाला लहान करणार. जर तुम्ही शिंदे कुटुंबातील असाल तर तुम्ही राजा आहात असे तुम्हाला वाटते का?
शिंदे : मी त्यांच्या टिप्पणीवर आक्षेप घेतो, त्यांनी वैयक्तिक टिप्पणी केली आहे. जर तुम्ही माझ्या कुटुंबाची बदनामी करण्याचा प्रयत्न केलात तर मी ते सहन करणार नाही.
स्पीकर ओम बिर्ला: सदस्यांनी विधेयकावर चर्चा करावी आणि एकमेकांवर वैयक्तिक टिप्पणी करू नये.
बॅनर्जी: त्यांनी प्रथम माझ्यावर वैयक्तिक हल्ला केला, मी थोडा अस्वस्थ झालो. तुम्ही खूप सुंदर आहात, खूप देखणा आहात, एक लेडी किलर आहात. (गोंधळ सुरू झाल्यावर) तुम्ही महाराजांच्या घराण्यातील आहात त्यामुळे तुम्हाला जे हवे ते बोलता येते.
शिंदे : जर त्यांनी इथे येऊन वैयक्तिक टिप्पणी केली तर त्यांना बोलू दिले जाणार नाही, त्यांना अजिबात बोलू दिले जाणार नाही.
यानंतर सभापतींनी सभागृहाचे कामकाज अर्ध्या तासासाठी तहकूब केले. जेव्हा कामकाज पुन्हा सुरू झाले, तेव्हा टीएमसी खासदार बॅनर्जी यांनी सिंधिया यांची माफी मागितली, परंतु शिंदे म्हणाले की बॅनर्जींनी महिलांचीही माफी मागावी.
म्हणून मी माफी मागतो.
शिंदे : टीएमसी खासदार बॅनर्जी यांनी माफी मागितली आहे, परंतु मला सांगायचे आहे की आपण सर्वजण देशाच्या विकासात योगदान देण्याच्या इच्छेने या सभागृहात आलो आहोत. प्रत्येकाला स्वाभिमान आहे आणि त्यात कोणीही तडजोड करणार नाही. तुम्ही आमची धोरणे आणि कल्पनांवर प्रश्न विचारू शकता, परंतु वैयक्तिक हल्ले करू नका. माफी मागितली आहे, पण मी माफ करणार नाही, कारण त्याने वैयक्तिक टिप्पणी केली आहे. केवळ माझाच नाही तर देशातील महिलांचाही अपमान केला आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
