एक्स्प्लोर
निवडणुकीआधीच्या मेगाभरतीने भाजपची संस्कृती बिघडली, चंद्रकांत पाटील यांची कबुली
105 जागा जिंकल्यानंतरही भाजपला विरोधात बसावं लागल्याचं शल्य आहे. त्यात अनेक निष्ठावंतांना तिकीटं मिळाली नाही याचाही राग आहे. त्यामुळे खुद्द पक्षाध्यक्षांनीच मेगाभरतीला वाचा फोडल्याने भाजपमधला हा असंतोष कदाचित वाढीस लागण्याची शक्यता आहे.
मुंबई : विधानसभा निवडणुकीआधी झालेल्या मेगाभरतीने भाजपची संस्कृती बिघडली, अशी स्पष्ट कबुली भाजप प्रदेशाध्यक्ष चंद्रकांत पाटील यांनी दिली आहे. निवडणुकीच्या काळात बाहेरुन आलेल्या लोकांना संधी मिळाली. पण पक्षाच्या हृदयाजवळच्या लोकांना संधी मिळाली नाही, अशी खंतही त्यांनी बोलून दाखवली. पिंपरी चिंचवडमध्ये आयोजित केलेल्या पक्षाच्या मेळाव्यात चंद्रकांत पाटील बोलत होते. भाजपची मेगाभरती ही चूक असल्याची कबुली आजपर्यंत भाजपच्या कुणीही दिली नव्हती. पण आता खुद्द भाजप प्रदेशाध्यक्षांनीच कबुली दिल्याने भाजपमध्ये आयात झालेल्या लोकांचं काय होणार अशी चर्चा सुरु झाली आहे. आधीच 105 जागा जिंकल्यानंतरही भाजपला विरोधात बसावं लागल्याचं शल्य आहे. त्यात अनेक निष्ठावंतांना तिकीटं मिळाली नाही याचाही राग आहे. त्यामुळे खुद्द पक्षाध्यक्षांनीच मेगाभरतीला वाचा फोडल्याने भाजपमधला हा असंतोष कदाचित वाढीस लागण्याची शक्यता आहे. दरम्यान मेगाभरतीसंदर्भात चंद्रकांत पाटलांनी केलेल्या विधानावर ग्रामविकास मंत्री हसन मुश्रीफ यांनी खोचक टीका केली आहे. या धक्क्यातून सावरण्याची शक्ती परमेश्वर भाजपला देवो अशा शब्दात त्यांनी टोला हाणला आहे. चंद्रकांत पाटील यांच्या आधी माजी मंत्री राम शिंदे यांनी देखील राधाकृष्ण विखे पाटील आणि एकूणच झालेल्या इनकमिंगवर नाराजी व्यक्त केली होती. पक्षातील काही नेत्यांनी विरोधात काम केल्याचा आरोपही राम शिंदेंनी केला होता. या दिग्गजांनी केला भाजप प्रवेश विधानसभा निवडणुकीच्या पार्श्वभूमीवर काँग्रेस- राष्ट्रवादीतील अनेक दिग्गजांनी भाजपमध्ये प्रवेश केला होता. फडणवीस मुख्यमंत्री असताना विधानसभेचे विरोधी पक्षनेते राहिलेले राधाकृष्ण विखे पाटील, साताऱ्याचे माजी खासदार उदयनराजे भोसले, शिवेंद्रराजे भोसले, राष्ट्रवादीचे नवी मुंबईतील बडे नेते, माजी मंत्री गणेश नाईक, मुंबईतील काँग्रेस नेते, माजी मंत्री कृपाशंकर सिंह यांच्यासह इंदापूरचे काँग्रेस नेते हर्षवर्धन पाटील, साताऱ्याचे काँग्रेस जिल्हाध्यक्ष आणि पृथ्वीराज चव्हाण यांचे निकटवर्तीय आनंदराव पाटील, राष्ट्रवादीचे दिग्गज नेते पद्मसिंह पाटील यांचे पुत्र आमदार राणा जगजितसिंह, राष्ट्रवादीचे माजी खासदार धनंजय महाडिक, काँग्रेसचे आमदार जयकुमार गोरे, राष्ट्रवादीचे दिग्गज नेते मधुकरराव पिचड, त्यांचे पुत्र विद्यमान आमदार वैभव पिचड, संदीप नाईक, चित्रा वाघ, काँग्रेसचे आमदार कालिदास कोळंबकर यांनी मुख्यमंत्र्यांच्या उपस्थितीत भाजपमध्ये प्रवेश केला होता.
संबंधित बातम्या
- भाजपची मेगाभरती; काँग्रेस राष्ट्रवादीच्या दिग्गज नेत्यांचा भाजपमध्ये प्रवेश
- काँग्रेस नेते हर्षवर्धन पाटील उद्या भाजपमध्ये प्रवेश करणार
- राष्ट्रवादीचे नेते गणेश नाईक यांच्या भाजप प्रवेशाचा मुहूर्त ठरला, मुख्यमंत्री आणि नितीन गडकरी यांच्या उपस्थितीत भाजपप्रवेश
- एक आणि पाच सप्टेंबरला भाजपमध्ये मेगाभरती, अमित शाहांच्या उपस्थितीत 'या' दिग्गज नेत्यांच्या प्रवेशाची चर्चा
- आमची मेगाभरती नाही लिमिटेड भरती : मुख्यमंत्री
Before You Go
Sanjay Raut Vs Devendra Fadnavis Special Report : राऊतांनी डिवचलं, बावनकुळे, फडणवीसांना शुभेच्छा
महत्त्वाच्या बातम्या
भारत
पहलगाममध्ये ढगफुटीने थरकाप, शेती, रस्ते वाहून गेले, उत्तराखंडमध्ये जलविद्युत प्रकल्पाजवळ भूस्खलन; देशाच्या सुमारे 70 टक्के भागातून मान्सूनचे ढग गायब
राजकारण
लोक नगरसेवकपदासाठी लोटांगण घालतात, मी स्वाभिमानी असल्याने राज्यसभेसाठी दुसऱ्यांच्या दारात गेली नाही, त्याला ठोकर मारली : नवनीत राणा
मुंबई
वसईतील 'त्या' भयानक महापुराचा धडकी भरवणारा पुरावा; तब्बल 12 दिवसांनी नाल्यातून बाहेर काढली कार, अवस्था पाहून तुम्हालाही बसेल धक्का!
क्राईम
चिकन व्यावसायिकाला अडवलं, 'गुटखा तस्करी'ची भीती दाखवून पैसेही उकळले; नंतर पुन्हा पैशांची मागणी करणारा लाचखोर पोलीस एसीबीच्या जाळ्यात अडकला, नाशिकमध्ये नेमकं काय घडलं?
