Pankaja Munde: दसरा मेळाव्यात प्रीतम मुंडेंशेजारी स्थान, पंकजा मुंडेंचा मुलगा थेट व्यासपीठावर; बीडमध्ये नव्या राजकारणाची नांदी?
Pankaja Munde: मेळाव्यात पंकजा मुंडे यांनी एका मुलाची ओळख करुन दिली. त्या युवकाला व्यासपीठावर बोलवले आणि त्याला जवळ घेत पंकजा म्हणाल्या, हा गोरा गोरा मुलगा कोण आहे. हा माझ्यापेक्षा फार उंच. फार गोड आहे. हा माझा मुलगा आर्यमन.
Pankaja Munde: आज भाजपच्या विधान परिषदेच्या आमदार पंकजा मुंडे (Pankaja Munde) यांचा भगवानगडावरील दसरा मेळावा पार पडत आहे (Dasara Melava 2024) या मेळाव्यासाठी राज्याचे कृषीमंत्री धनंजय मुंडे (Dhananjay Munde) १२ वर्षांनी उपस्थित आहेत. ते या भगवानगडावरील दसरा मेळाव्यातील चर्चेचा विषय ठरले होते, मात्र, आमदार पंकजा मुंडे यांनी जमलेल्यांना संबोधित करताना त्यांच्या मुलाला समोर बोलावलं आणि त्याची ओळख यावेळी करून दिली आहे. यावेळी बोलताना त्या म्हणाल्या, हा माझ्यापेक्षा फार उंच. फार गोड आहे. हा माझा मुलगा आर्यमन. हा भगवान बाबाच्या दर्शनाला आलाय. यावेळी पंकजा मुंडे (Pankaja Munde) यांनी आपल्या मुलाला पुढे बोलून आर्यमान याची ओळख करून दिली. यावेळी उपस्थितांनी एकच जल्लोष केला. दसरा मेळाव्यातून आर्यमनचं लाँचिंगच्या चर्चा सध्या सुरू आहेत.
हा माझ्यापेक्षा फार उंच पण छोटासा आहे, आज भगवान बाबाच्या दर्शनाला आला आहे, तो मला फार प्रिय आहे, असं वाटतं असेल ना तुम्हाला, हे माझं लेकरू आहे म्हणून ते प्रिय आहे, असं वाटतं असेल ना पण, मी त्याला सांगितलं आहे, तुझ्यापेक्षा जास्त मला हे लोक प्रिय आहेत. कारण माझ्यावर जीएसटीचा छापा पडला तर, या बह्हादरांनी माझ्यासाठी बारा कोटी जमा केले. लोकसभा निवडणुकीचा निकाल लागला तेव्हा माझ्या लेकरांनी जीव दिला. मी माझ्या लेकरांपेक्षा जास्त तुमच्यावर जीव लावते, आणि तुम्ही माझ्यावर, मला बास इतकंच पाहिजे, बाकी काही नको.
तुम्हाला वाटत असेल मला आर्यमन जास्त प्रिय आहे. पण मी त्याला सांगितले आहे, तुझ्या पेक्षा माझी जनता मला प्रिय आहे. जेव्हा माझ्यावर जीएसटीचा छापा पडला. तेव्हा १२ कोटी रुपये या जनतेने भरले. या लोकांनी मला जीव लावला. तुम्ही सर्वांनी माझ्यावर मुलीसारखं प्रेम केले. आता मला काही नाही पाहिजे, असे भावनिक भाषण पंकजा मुंडे (Pankaja Munde) यांनी केले.
पुढे पंकजा मुंडे व्यासपिठावरील मान्यवरांची ओळख करून देताना म्हणाल्या, माझे बंधू महादेव जानकर. पिवळे शर्टवाले. किती पिवळे शर्ट आहे तुमच्याकडे? असा प्रश्न देखील त्यांनी यावेळी विचारला, त्यावर एकच हस्यकल्लोळ उठला. गोंडस लेकरू लक्ष्मण हाके. गोंडस आहे की नाही. काल त्यांनी व्हिडिओ पाठवला. दसरा मेळाव्याला येतो म्हणाला. माझ्या दसऱ्याला मी कुणालाही निमंत्रण देत नाही. पण माझा सन्मान ठेवून हाके आले.
महत्त्वाच्या बातम्या
