Beed Viral video : बीड (Beed) जिल्ह्यातील धारुर तालुक्यातील एक व्हिडीओ सध्या सोशल मीडियावर प्रचंड व्हायरल होत आहे. एका शाळेतील शिक्षिका आणि खिचडी शिजवणारी महिला या दोघींमध्ये होणाऱ्या भांडणाचा हा व्हिडीओ असून, ज्यात त्या अक्षरशः एकमेकींचे केस ओढताना पाहायला मिळत आहे. जोड हिंगणी येथील जिल्हा परिषद शाळेतील हा व्हिडीओ असल्याचे बोलले जात आहे. दर्जेदार आहार देत नसल्याचा जाब महिला शिक्षिकाने विचारल्यावर खिचडी शिजवणाऱ्या महिलेने ही मारहाण केल्याचा आरोप केला जात आहे.
अधिक माहिती अशी की, जोड हिंगणी येथे जिल्हा परिषद प्राथमिक शाळा आहे. दरम्यान याच शाळेतील पहिली ते चौथी वर्गात अंदाजे 60 विद्यार्थी शिक्षण घेतात. त्यामुळे सरकारकडून या मुलांना आहार दिला जातो. पण, येथील विद्यार्थ्यांना खिचडी शिजवणाऱ्या महिलेकडून दर्जेदार आहार दिला जात नसल्याचा आरोप आहे. हा सर्व प्रकार नेहमीचाच झाल्याने येथील एका महिला शिक्षिकेने शनिवारी खिचडी शिजवणाऱ्या महिलेस विद्यार्थ्यांना पोट भरुन पोषण आहार देण्याची मागणी केली. त्यामुळे याचा संबंधित महिलेला राग आला. त्यामुळे खिचडी शिजवणाऱ्या महिलेने या शिक्षिकेसोबत हुज्जत घालायली सुरुवात केली.
पतीसोबत शाळेत आलेल्या या महिलेने शिक्षिकेसोबत वाद घातल्यावर थेट हाणामारी सुरु केली. वाद एवढा वाढला की या दोघींनी एकमेकांचे केस धरले. तसेच मारहाण देखील सुरु केली. यावेळी तिथे उपस्थित असलेल्या इतर महिला त्यांचा वाद सोडवण्यासाठी प्रयत्न करत होत्या, मात्र दोघेही ऐकण्याच्या मनस्थितीत नव्हत्या. दोन्ही हातांनी केस पकडून एकमेकींना लाथा मारत असल्याचे व्हिडीओमध्ये दिसत आहे. शेवटी इतर महिलांनी मध्यस्थी करत त्यांना सोडवले.
शाळेतच एकमेकींच्या झिंज्या ओढल्या
देण्यात येणाऱ्या पोषण आहारावरुन शिक्षका आणि खिचडी शिजवणाऱ्या महिलेत शनिवारी वाद झाला. वाद एवढा विकोपाला गेला की, दोघींनी एकमेकांचे केस धरुन मारहाण सुरु केली. संबंधित शिक्षिका आणि खिचडी शिजवणारी महिला कोणाचंही ऐकत नव्हत्या. जोरजोरात एकेमकांचे केस ओढत होत्या. त्यांना सोडवण्याचा प्रयत्न केल्यावर देखील त्या केस सोडत नव्हत्या. दरम्यान, यावेळी उपस्थित असलेल्या काही गावकऱ्यांनी हा सर्व प्रकार मोबाईलमध्ये कैद केला. त्यानंतर हा व्हिडीओ सोशल मीडियावर जोरदार व्हायरल होत आहे. तर याप्रकरणी प्रशासनाकडून दखल घेतली जाणार का? आणि यावर काही कारवाई होणार का? हे पाहणे महत्वाचे ठरणार आहे.
इतर महत्वाच्या बातम्या:
Education Loan Information:
Calculate Education Loan EMI