बीड : बीड (Beed News) येथील हॉटेमध्ये जेवणसाठी तीन मित्र आले. चमचमीत जेवणाची ऑर्डर त्यांनी दिली. अन्नावर पोटभर ताव मारला त्यानंतर वेटरने जेवणाचे बील आणून दिले. वेटरला बिल ऑनलाइन देतो स्कॅनर घेऊन ये म्हणत गाडीत जाऊन बसले. त्यानंतर बिलाची मागणी करत गाडीजवळ आलेल्या वेटरला पैसे देण्यास नकार देत एक किलोमीटरपर्यंत फरपटत नेण्यात आले. एवढच नाहीतर त्यांनी वेटरला मारहाण करत रात्रभर ओलीस ठेवले. ही घटना ना बीडच्या माजलगाव तालुक्यातील दिंद्रुड पोलीस ठाणे हद्दीत घडली आहे. याप्रकरणी पोलीसा अधिक तपास करत आहे.
पोलिसांनी दिलेल्या माहितीनुसार, मेहकर - पंढरपूर पालखी महामार्गावर असलेल्या एका हॉटेलमध्ये सखाराम मुंडे आणि अन्य दोघेजण जेवणासाठी चारचाकी गाडीतून आले होते. त्यांनी तेथे मस्त जेवणावर ताव मारला. त्यानंतर वेटर शेख साहिल अनुसुद्दीनला बिल घेऊन ये असं सांगितले. वेटरने बिल दिल्यानंतर, फोन पेचे स्कॅनर घेऊन ये म्हणत तिघेजण गाडीत जाऊन बसले. वेटर स्कॅनर घेऊन गेला असता, कशाचे बिल म्हणत तिघांनी वाद घातला. तू आम्हाला बिल का मागतोस का? म्हणत चालकाशेजारी बसलेल्या एकाने वेटरला दरवाजाच्या बाहेर पकडून थेट एक किलोमीटरपर्यंत फरफटत नेले.
वेटरला एक किलोमीटर फरफटत नेले
वेटर फरफटत नेत निर्जन ठिकाणी गाडी थांबवत तिघांनी मारहाण करत वेटरच्या खिशातील11 हजार 500 रुपयांची रक्कम हिसकावून घेतली. तसेच डोळ्याला पट्टी बांधून शनिवारी रात्रभर वेटरला गाडीमध्येच ठेवले. दरम्यान दुसऱ्या दिवशी सकाळी धारूर तालुक्यातील भाईजळी शिवारात त्याला सोडून देण्यात आले. याप्रकरणी शेख साहिल अनुसूद्दीन या वेटरच्या फिर्यादीवरून, सखाराम जनार्दन मुंडे आणि अन्य अनोळखी दोघांविरोधात दिंद्रुड पोलिस ठाण्यात गुन्हा नोंद करण्यात आलाय.
हे ही वाचा :