Maruti EECO ला लागला कायमचा ब्रेक, कंपनीने बंद केले उत्पादन
Maruti EECO Discontinued: मारुती सुझुकीकडून एक वाईट आणि चांगली बातमी समोर आली आहे. वाईट बातमी अशी आहे की, कंपनीने आपली 7 सीटर मल्टी पर्पज वाहन Eeco बंद करत आहे.
Maruti EECO Discontinued: मारुती सुझुकीकडून एक वाईट आणि चांगली बातमी समोर आली आहे. वाईट बातमी अशी आहे की, कंपनीने आपली 7 सीटर मल्टी पर्पज वाहन Eeco बंद करत आहे. Rushlane च्या अहवालानुसार, मारुती Eeco चे सध्या बाजारात उपलब्ध मॉडेल बंद करत आहे. असं असलं तरी कंपनी दिवाळीच्या आसपास न्यू जनरेशन इको लॉन्च करणार आहे. कंपनीने पहिल्यांदा 2010 मध्ये Eeco लाँच केली होती. व्यावसायिक वाहन म्हणून या कारला मोठी मागणी आहे. हे मॉडेल बंद करण्याचे कारण ग्राहकांची सुरक्षितता असल्याचे सांगण्यात येत आहे. NCAP च्या क्रॅश टेस्टमध्ये या कारला शून्य रेटिंग मिळाली आहे. न्यू जनरेशन Eeco अधिक चांगल्या सुरक्षा फीचर्ससह येईल अशी अपेक्षा आहे.
मारुती सुझुकी वर्षाच्या शेवटी न्यू जनरेशन Eeco लॉन्च करू शकते. सणासुदीच्या काळात ही कार लॉन्च केली जाईल, असे बोलले जात आहे. या सेगमेंटमध्ये ही एकमेव कार आहे. म्हणजेच या करशी स्पर्धा करण्यासाठी दुसरी कोणतीही ही कार बाजारात उपलब्ध नाही. अशा परिस्थितीत इकोची थेट स्पर्धा कोणाशीही नाही. यातच ही कार PV आणि CV या दोन्ही विभागांमध्ये चांगली विक्री करू शकते.
गेल्या वर्षी 19,731 युनिट्स परत मागवण्यात आले होते
मारुती Eeco चा व्हील रिमचा आकार चुकीचा बनवला गेला होता. ही सर्व प्रभावित वाहने 19 जुलै 2021 ते 5 ऑक्टोबर 2021 दरम्यान तयार करण्यात आली होती. या दोषामुळे वाहनाची कार्यक्षमता आणि सुरक्षेवर परिणाम होत होता. यामुळे कंपनीने Eeco चे 19,731 युनिट्स परत मागवले होते. नवीन मारुती सुझुकी Eeco आता 2 एअरबॅग्ज, मागील पार्किंग सेन्सर्स आणि ABS म्हणजेच समोरच्या बाजूला अँटीलॉक ब्रेकिंग सिस्टमसह येते. त्यात एअर कंडिशनही आहे.
Eeco मध्ये मिळते 1.2-लिटर इंजिन
Eeco 1.2-लिटर इंजिनद्वारे समर्थित आहे, जे 72 Bhp पॉवर आणि 98 Nm पीक टॉर्क जनरेट करते. कंपनी या इंजिनसोबत 5-स्पीड गिअरबॉक्स देते. MPV ला फॅक्टरी-फिट केलेले CNG किट देखील दिले जाते, जे 62 Bhp पॉवर आणि 85 Nm पीक टॉर्क जनरेट करते. कंपनीने पेट्रोल मॉडेलमध्ये या MPV चे मायलेज 16.11 km/l असल्याचा दावा केला आहे, तर CNG मॉडेलमध्ये हे मायलेज 20.88 km/kg इतके वाढते.
महत्त्वाच्या बातम्या
ट्रेंडिंग न्यूज
