Nagpur Crime : दोन वर्षांपासून पोलिसांना गुंगारा देणारा अभिषेक सापडला, कॉंग्रेस नेत्यांसोबत दिल्लीवारीचे फोटो झाले होते व्हायरल

अभिषेक कॉंग्रेस पक्षाचा कार्यकर्ता म्हणून दिल्ली आणि उत्तर प्रदेशात नेत्यांसोबत फोटोमध्ये दिसून येत होता. त्यामुळे तो पुन्हा चर्चेत आला होता, हे विशेष. पोलिसांनी अभिषेक व अंकितला फरार घोषित केले होते.

Crime News

नागपूरः गेल्या दोन वर्षांपासून पोलिसांना गुंगारा देत शहरात सर्रास शहरात फिरणारा मकोकाचा फरार आरोपी अभिषेक सिंग अखेर पोलिसांच्या हाती लागला आहे. सर्वोच्च न्यायालयाने त्याची याचिका फेटाळल्यानंतर तो पोलिसांच्या हातील लागला, हे विशेष.

2020मध्ये कुख्यात रोशन शेख टोळीवर मकोकाची कारवाई करण्यात आली होती. तत्कालीन उपायुक्त गजानन राजमाने यांनी टोळीवर गुन्हे दाखल केले होते. या टोळीवर हप्ता वसूली, अपहरण, जमिनीवर कब्जा, महिलांना ब्लॅकमेल करणे आदी गुन्हे दाखल होते. रोशनच्या टोळीत अभिषेक सिंह, अंकित पाली, इरफान खान, सलीम काजी तसेच सोहेल बरकाती होते. पोलिसांनी रोशन, खानू, सलीम व सोहेल याला अटक केली होती. अभिषेक सिंग व अंकित पाली फरार होते.

कॉंग्रेस नेत्यांसोबतच्या दिल्लीवारीमुळे चर्चेत

अभिषेक कॉंग्रेस पक्षाचा कार्यकर्ता म्हणून दिल्ली आणि उत्तर प्रदेशात नेत्यांसोबत फोटोमध्ये दिसून येत होता. त्यामुळे तो पुन्हा चर्चेत आला होता, हे विशेष. पोलिसांनी अभिषेक व अंकितला फरार घोषित केले होते. अभिषेक सिंह याने जमानतीसाठी मकोका न्यायालय व उच्च न्यायालयाच्या नागपूर खंडपीठात याचिका दाखल केली. तिथेही त्याला दिलासा मिळाला नाही. त्यामुळे सर्वोच्च न्यायालयात त्याने याचिका दाखल केली.

पोलिसांची कारवाई योग्य

सर्वोच्च न्यायालयाने पोलिसांच्या कारवाईला योग्य ठरवित अभिषेकची याचिका फेटाळून लावली. अभिषेकला न्यायालयात सादर करून पोलिसांनी 7 दिवसाची कोठडी मिळविली आहे.

अंकित पाली फारारच!

या टोळीचा प्रमुख रोशन शेख अजूनही कारागृहात आहे. त्याच्या तीन साथीदाराना जमानत मिळाली आहे. अभिषेकच्या अटकेनंतर आता अंकित पाली हा फरार आहे. त्याच्याविरुद्ध खून व अन्य प्रकरणात गुन्हे दाखल आहे. गेल्या दोन वर्षात त्याच्या बाबत पोलिसांना कुठलीही ठोस माहिती मिळू शकली नाही. या प्रकरणात सुरुवातीपासून सहभागी असलेला एक डॉक्टरदेखील चर्चेत आहे.

इतर महत्वाच्या बातम्या