समुद्राला उधाण, लाटा पाहण्यासाठी मुंबईकरांची गर्दी

मुंबई आणि कोकणात पावसाचं सत्र आजही कायम आहे. पावसाबरोबर समुद्र किनाऱ्यालाही उधाण आलं आहे.

आज सकाळपासूनच गेट वे ऑफ इंडिया, मरिन ड्राईव्ह या ठिकाणी पर्यटकांची गर्दी पाहायला मिळत आहे.

रविवार असल्यामुळे या लाटा डोळ्यात टिपण्यासाठी मुंबईकरांनी समुद्रकिनारी सकाळपासूनच गर्दी केली आहे.

या महाकाय लाटांसोबत सेल्फी काढण्याचा मोह मुंबईकर आवरू शकले नाहीत. मात्र सेल्फी घेताना काळजी घेण्याची गरज आहे.

आज सकाळी 11.18 मिनिटांनी अंदाजे चार मीटर उंचीच्या लाटा पाहायला मिळाल्या.

हाय टाईडवेळी मुंबईकरांनी समुद्रकिनारी जाऊ नये, असं आवाहन पालिकेनं केलं आहे.