LIVE BLOG : ठाण्यात 17 वर्षीय तरुणाची 32व्या मजल्यावरुन उडी मारुन आत्महत्या

Background

1.  पहिल्या टप्प्याच्या प्रचाराच्या तोफा आज थंडावणार, विदर्भात मॅरेथॉन सभा तर औसात मोदी आणि ठाकरे एकत्र

2. साठीनंतर शेतकरी, दुकानदारांना पेन्शन आणि बळीराजाला सरसकट 6 हजाराचं अनुदान , लोकसभेसाठी भाजपचं 75 कलमी संकल्पपत्र, पुन्हा एकदा राम मंदिराचा नारा

3. विंग कमांडर अभिनंदनकडून पाकिस्तानचं एफ-16 विमान पाडतानाचा क्षण रडारमध्ये रेकॉर्ड, पुरावे मागणाऱ्या पाकिस्तानला भारतीय वायुसेनेची सणसणीत चपराक

4. राष्ट्रवादीनं जातीयवादाचं विष पेरलं, माझाला दिलेल्या सनसनाटी मुलाखतीत मुख्यमंत्र्यांचा घणाघात, मनसे म्हणजे उमेदवार नसलेली उनसे झाल्याचीही टीका

5. बारामतीतून सुप्रिया सुळेंचा पराभव निश्चित, सांगलीतील सभेत चंद्रकांत पाटलांचा दावा, पवारांवरही टीकास्त्र

6. महाराष्ट्राच्या सिद्धार्थ देसाईला प्रो कबड्डीच्या सातव्या मोसमात सर्वात मोठी बोली, तेलगू टायटन्सची कोल्हापूरच्या शिलेदारावर एक कोटी 45लाखांची बोली

23:33 PM (IST)  •  09 Apr 2019

ठाण्यात इमारतीच्या 32व्या मजल्यावरून उडी मारुन 17 वर्षीय युवकाने आत्महत्या केल्याची दुर्दैवी घटना मंगळवारी संध्याकाळी घडली. प्रथमेश महेश परब असं मृत तरुणाचं असून ते कळव्यातील मनिषानगरमध्ये राहत होता. प्रथमेश राबोडीतील सरस्वती शाळेत अकरावी इयत्तेत शिकत होता. हा तरुण त्याच्या मित्राला भेटण्यासाठी संबंधित इमारतीमध्ये आला होता. याप्रकरणी राबोडी पोलिस ठाण्यात आकस्मिक मृत्यूची नोंद करण्यात आली आहे. त्याच्या आत्महत्येचं कारण अद्याप स्पष्ट झालं नसलं तरी पोलिसांनी इमारतीच्या सीसीटीव्ही कॅमेरा आणि त्याच्याकडील मोबाईलद्वारे तपास सुरु केला आहे.

21:38 PM (IST)  •  09 Apr 2019

मिलिंद देवरांविरोधात निवडणूक आयोगात तक्रार दक्षिण मुंबईतील काँग्रेसचे लोकसभा उमेदवार मिलिंद देवरा यांच्याविरोधात निवडणूक आयोगात तक्रार दाखल करण्यात आली आहे. मिलिंद देवरा यांनी झवेरी बाजार इथे सभा घेऊन शिवसेनेवर खोटे आरोप केल्याची आणि समाजात तेढ निर्माण करण्याचा प्रयत्न केल्याची तक्रार धर्मेंद्र मिश्रा यांनी केली आहे.