Women Health : आपण अनेकदा पाहतो. कौटुंबिक जबाबदाऱ्या, कामाचा ताण, मुलांचे संगोपन यात ताळमेळ राखता राखता महिला आपल्या आरोग्याची काळजी घेत नाही, अनेक वेळा महिलांना त्यांच्या मासिर पाळीबद्दल बोलणंही निषिद्ध वाटतं. समाजात अजूनही मासिक पाळीबद्दल काही गोष्टी अनेकदा लपवल्या जातात किंवा उघडपणे बोलल्या जात नाहीत. पण तुम्हाला माहित आहे का? की मासिक पाळी येणे हे निरोगी महिला असण्याचे लक्षण आहे? होय, मासिक पाळी हा स्त्रियांच्या शरीरातील नैसर्गिक बदलांचा एक भाग आहे. मग मासिक पाळीबद्दल एवढी लाज किंवा चिंता का? तुम्हाला पीरियड पॉवरबद्दल माहीत आहे का? नसेल तर जाणून घ्या...
पीरियड पॉवर म्हणजे काय?
पीरियड पॉवर म्हणजे तुमची पाळी समजून घेणे आणि त्याचा आदर करणे. याचा अर्थ मासिक पाळी दरम्यान होणारे बदल स्वीकारणे आणि ते आपल्या दैनंदिन जीवनात समाविष्ट करणे. पीरियड पॉवर म्हणजे पीरियड्स हे कमकुवतपणाचे लक्षण आहे ही धारणा मोडून काढण्याचा प्रयत्न. पीरियड पॉवर म्हणजे मासिक पाळीबद्दलचे गैरसमज दूर करून त्याकडे सकारात्मक दृष्टीकोनातून पाहणे. प्रत्येक स्त्रीचे शरीर वेगळे असते आणि प्रत्येकाचा मासिक पाळीचाअनुभव वेगळा असू शकतो. काहींना जास्त तर काहींना कमी वेदना होतात. काही लोकांची मासिक पाळी नियमित असते तर काहींची अनियमित असते. हे सर्व सामान्य आहे.
पीरियड पॉवर महत्त्वाची का आहे?
पीरियड पॉवर महिलांना त्यांचे शरीर अधिक चांगल्या प्रकारे समजून घेण्याची शक्ती देते. हे त्यांना त्यांचे शरीर कसे कार्य करते आणि त्यांच्या मासिक पाळीत काय आवश्यक आहे हे त्यांना जाणून देते. याव्यतिरिक्त, पीरियड पॉवर हा समज दूर करण्यास मदत करते की, पीरियड्स हे अशुद्धतेचे प्रतीक आहेत. जेव्हा मासिक पाळीबद्दल खुलेपणाने चर्चा होते, तेव्हा स्त्रियांना मासिक पाळीशी संबंधित समस्यांबद्दल खुलेपणाने बोलणे सोपे होईल. यामुळे मासिक पाळीशी संबंधित काही समस्या आहे की नाही? हे जाणून घेण्यात मदत होईल ज्यासाठी डॉक्टरांचा सल्ला घ्यावा.
पीरियड पॉवर कशी समजून घ्याल?
तुमच्या मासिक पाळीचा मागोवा घ्या. आजकाल अनेक ॲप्स उपलब्ध आहेत ज्यामध्ये तुम्ही तुमच्या मासिक पाळीच्या तारखा आणि लक्षणे टाकू शकता. यामुळे तुम्हाला तुमची मासिक पाळी समजण्यास मदत करेल.
आराम करा. मासिक पाळी दरम्यान तुम्हाला कसे वाटते, त्यानुसार विश्रांती घ्या.
सकस आहार घ्या. पौष्टिक अन्न खाणे आणि पुरेसे पाणी पिणे तुम्हाला मासिक पाळी दरम्यान ऊर्जावान राहण्यास मदत करेल.
व्यायाम करा. हलका व्यायाम मूड सुधारण्यास आणि मासिक पाळीच्या वेदना कमी करण्यास मदत करू शकतो.
तुमच्या मासिक पाळीबद्दल मित्र, कुटुंब किंवा तुमच्या डॉक्टरांशी बोलण्यास घाबरू नका.
लक्षात ठेवा, मासिक पाळी हे दुर्बलतेचे नाही तर ताकदीचे लक्षण आहे.
हेही वाचा>>>
Women Health : काळजी घ्या, लहान वयातच मुलींना येतेय मासिक पाळी, पालकांची चिंता वाढली, काय आहे कारण?
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )