Women Health : आपण नेहमी पाहिलंय.. जेव्हा महिलांना दैनंदिन कामानिमित्त घराबाहेर जावं लागतं. तेव्हा अनेकांना शौचालयाच्या बाबतीत अनेक अडचणींना तोंड द्यावे लागते. विविध ठिकाणी जसे की, मॉल्स, हॉस्पिटल, स्टेशन किंवा इतर अनेक ठिकाणी सार्वजनिक स्वच्छतागृहांचा वापर करावा लागतो. अशात महिलांनी सार्वजनिक स्वच्छतागृहांचा वापर करताना अत्यंत सावध राहण्याची गरज आहे. जाणून घ्या..
महिलांनो तुम्हीही सार्वजनिक शौचालय वापरत आहात तर सावधान..!
आरोग्य तज्ज्ञांच्या माहितीनुसार, सार्वजनिक शौचालयातून संसर्ग होण्याचा धोका असतो. जर तुम्ही स्वच्छ शौचालय वापरत असल्यास, संसर्ग होण्याचा धोका बऱ्याच प्रमाणात कमी होतो. अनेक लोक या सार्वजनिक शौचालयांचा दररोज वापर करतात आणि त्यावर अनेक जीवाणू असतात जे दिसत नाहीत. गलिच्छ सार्वजनिक स्वच्छतागृहे वापरल्याने तुम्हाला संसर्ग होऊ शकतो. सार्वजनिक शौचालये वापरताना, महिलांनी संक्रमणाचा धोका कमी करण्यासाठी काही चुका टाळल्या पाहिजेत. अदिती बेदी याविषयी माहिती देत आहेत. ती एक सल्लागार स्त्रीरोग आणि प्रसूती तज्ञ आहे.
महत्त्वाच्या गोष्टी, ज्या तुम्हाला माहीत असायला हव्यात
सार्वजनिक स्वच्छतागृह असो की कार्यालय किंवा महाविद्यालय, सार्वजनिक स्वच्छतागृहांमुळे संसर्ग होण्याचा धोका असतो. अनेक सार्वजनिक शौचालये घाण आणि जीवाणूंनी भरलेली असतात, तर काही स्वच्छ दिसतात आणि त्यामुळे रोग होऊ शकतात. दररोज अनेक महिला या टॉयलेट सीटवर येऊन बसतात आणि आजारांची मुळे सोबत घेऊन जातात. तुम्हीही सार्वजनिक शौचालय वापरत असाल तर काही महत्त्वाच्या गोष्टी आहेत ज्या तुम्हाला माहीत असायला हव्यात
सार्वजनिक शौचालयाचा वापर करताना महिलांनी या चुका करू नयेत
-आजकाल बाजारात अनेक प्रकारचे टॉयलेट सीट सॅनिटायझर्स उपलब्ध आहेत. तुम्ही ते तुमच्या पर्समध्ये घेऊन जाऊ शकता. सार्वजनिक शौचालय वापरण्यापूर्वी, सीटवर फवारणी करा. यामुळे अनेक प्रकारचे बॅक्टेरिया नष्ट होतात.
-जर तुमच्याकडे सॅनिटायझर नसेल तर वाइप्सच्या साहाय्याने सीट स्वच्छ करा आणि मगच त्यावर बसा.
-जर तुम्हाला सीट अस्वच्छ वाटत असेल आणि ती साफ करण्याचा पर्याय नसेल तर सीटवर पूर्णपणे बसू नका. हे तुम्हाला सीटच्या थेट संपर्कात येण्यापासून प्रतिबंधित करेल.
-नेहमी आपल्या सोबत टिश्यू पेपर घेऊन जाण्याचा प्रयत्न करा, जेणेकरुन अशा परिस्थितीत तुम्ही त्याचा वापर करू शकाल.
-अशाप्रकारचे संक्रमण टाळण्यासाठी आजकाल पी कोन देखील बाजारात उपलब्ध आहेत. त्यांचा वापर करून तुम्ही सार्वजनिक शौचालयात कशालाही हात न लावता लघवी करू शकता.
-फ्लश दाबण्यासाठी टिश्यू वापरा. टिश्यू पेपर घेऊन फ्लश दाबल्याने हाताचा फ्लशशी थेट संपर्क होणार नाही.
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
महत्त्वाच्या इतर बातम्या :