Skin Care Tips : उन्हाळ्याचे दिवस असो वा हिवाळ्याचे प्रत्येक ऋतूत चेहऱ्याला (Skin Care) नेहमी पोषण आवश्यक असते. त्वचेला नेहमी अतिनील किरणांपासून संरक्षण करावे लागते. कारण सूर्यापासून निघणाऱ्या अतिनील किरणांमुळे आपल्या त्वचेला खूप नुकसान होते. यामुळे तुम्हाला टॅनिंग, सन बर्न आणि त्वचेशी संबंधित अनेक समस्यांना तोंड द्यावे लागत नाही. त्वचा सुरक्षित ठेवण्यासाठी आपण चेहऱ्याला सनस्क्रीन वापरतो. मात्र, काही लोकांना सनस्क्रीन आणि सनब्लॉक यामधला फरक नेमका काय हे कळत नाही. या दोन्हींचे काम जरी सारखे असले तरी मात्र, या दोन्ही क्रीम एकमेकांपासून बऱ्याच वेगळ्या आहेत. या दोघांमध्ये नेमका फरक काय ते जाणून घेऊया.
सनस्क्रीन : सनस्क्रीन हे एक केमिकल प्रोटेक्शन आहे. जे सूर्याच्या अतिनील किरणांपासून त्वचेचे संरक्षण करते. सनस्क्रीन संपूर्ण सूर्य संरक्षण धोरणाचा एक महत्त्वाचा भाग आहे. काही सनस्क्रीनमध्ये अॅव्होबेन्झोन, ऑक्सीबेन्झोन आणि पॅरा अमिनोबेंझोइक अॅसिड आणि पीएबी असतात, जे सूर्यकिरण शोषण्यासाठी वापरले जाणारे घटक आहेत.
सनब्लॉक : सनब्लॉक हा सूर्याच्या अतिनील किरणांपासून त्वचेचे संरक्षण करण्याचा एक मार्ग आहे. ते त्वचेच्या वर सेट होते आणि अडथळा म्हणून कार्य करते. सनब्लॉकमध्ये झिंक ऑक्साईड किंवा टायटॅनियम ऑक्साईड असते. मात्र, आता सन प्रोटेक्शनचे अनेक ब्रँड सनस्क्रीन आणि सनब्लॉक दोन्ही एकत्र बनवतात.
सनब्लॉक आणि सनस्क्रीन कधी लावायचे?
सनस्क्रीन किंवा सनब्लॉक नेहमी सूर्यप्रकाशाच्या 30 मिनिटे आधी चेहऱ्यावर लावावे. याशिवाय, हे लक्षात घेणे आवश्यक आहे की, जर तुम्ही जास्त वेळ उन्हात असाल तर दर 2 तास ते 3 तासांनी सनस्क्रीन किंवा सनब्लॉक लावणे गरजेचे आहे.
सनब्लॉक किंवा सनस्क्रीन दोघांपैकी सर्वोत्तम काय?
सेन्सिटीव्ह स्किन असलेल्या लोकांसाठी सनब्लॉकची शिफारस केली जाते. कारण रासायनिक सनस्क्रीनमधील काही घटक त्वचेची जळजळ निर्माण करू शकतात. स्किन तज्ज्ञांच्या मते, सनब्लॉकमध्ये कोणतेही रासायनिक घटक नसतात ज्यामुळे त्वचेवर जळजळ होऊ शकते. कारण ते लेयरिंग करून त्वचेची काळजी घेते, हे उत्पादन त्वचेच्या स्तरावर स्वतःचे स्तर तयार करते. अतिसंवेदनशील त्वचा असलेले देखील सनब्लॉकचा वापर करू शकतात.
किती SPF उत्पादन वापरावे?
सर्व सनस्क्रीन आणि सनब्लॉक एसपीएफ सन प्रोटेक्शन फॅक्टरसह येतात. अमेरिकन ऍकॅडमी ऑफ डर्मेटोलॉजिस्टने किमान 30 SPF असलेले उत्पादन वापरण्याची शिफारस केली आहे. कारण ते 97% अतिनील किरणांना अवरोधित करते, तर उच्च SPF सूर्याच्या अल्ट्राव्हायोलेट किरणांना किंचित जास्त अवरोधित करतात, परंतु त्यापैकी कोणीही 100% संरक्षण देत नाही.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
महत्वाच्या बातम्या :
Winter Skin Care Tips : हिवाळ्यात सुंदर आणि नितळ त्वचा हवीय? 'हे' उपाय करून पाहा