Skin Care Tips : ब्लॅकहेड्सपासून सुटकेचा सोपा उपाय, 'हे' करुन पाहा...

Skin Care Tips : ब्लॅकहेड्सच्या समस्येवर सोपा उपाय म्हणजे डबल क्लिंजिंग. यामुळे एक्सफोलिएशन होऊन त्वचेची छिद्रे सैल होऊन ब्लॅकहेड्सपासून सुटका होईल.

Skin Care Tips

Skin Care Tips : तेलकट त्वचेच्या लोकांना अनेकदा ब्लॅकहेड्सची समस्या असते. त्वचेवर बहुतेक तेल नाक आणि हनुवटीजवळ जमा होते. यामुळे या भागात ब्लॅकहेड्स अनेकदा दिसतात. त्यामुळे चेहऱ्याचे सौंदर्य बिघडते. ब्लॅकहेड्स होण्याचे सर्वात मोठे कारण म्हणजे त्वचेच्या छिद्रांमध्ये घाण साचते. त्यामुळे त्वचा काळी पडते. ते काढणे फार कठीण आहे. याचे सर्वात मोठे कारण म्हणजे प्रदूषण (Reason of Blackheads). जर तुम्हांलाही ब्लॅकहेड्सची समस्या दूर करायची असेल तर तुम्ही पुढील घरगुती उपाय नक्की करुन पाहा...

1. वाफ घेणे
वाफ घेतल्याने चेहऱ्यावर साचलेली सर्व घाण निघून जाते. वाफ घेतल्याने त्वचेवरील सर्व छिद्रे उघडतात आणि त्वचेवरील मृत पेशी काढून टाकणे सोपे होते. वाफ घेण्यापूर्वी त्वचा स्वच्छ पाण्याने धुवा. यानंतर, पाणी कोमट करा आणि कमीतकमी 10 मिनिटे चेहऱ्यावर वाफ घ्या. यामुळे त्वचा सैल होते आणि त्वचेची छिद्रे उघडतात. मग ब्लॅकहेड्स सहज काढता येतात.

2. डबल क्लिंजिंग करा
डबल क्लिंजिंग त्वचेच्या एक्सफोलिएशनमध्ये खूप मदत करते. स्किन एक्सफोलिएशनसाठी तुम्ही स्क्रबची मदत घेऊ शकता. स्क्रबिंगमुळे त्वचेची छिद्रे सैल होतात. यानंतर चेहऱ्यावर क्लिंझरने चेहरा स्वच्छ करा.

3. मास्क वापरा
ब्लॅकहेड्सपासून पूर्णपणे मुक्त होण्यासाठी, आपण पील ऑफ मास्क वापरणे उत्तम उपाय आहे. ते खूप प्रभावी आहे. यासाठी तुम्ही चारकोल मास्क, क्ले मास्क किंवा टी ट्री आईलपैकी कोणतेही मास्क वापरू शकता.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.

इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha