Monsoon Travel : आयुष्यात एकदा तरी पावसाळ्यात 'या' 5 रेल्वे मार्गांवर प्रवास कराच..! हा अनुभव स्वर्गसुखापेक्षा कमी ठरणार नाही

Monsoon Travel : आज आम्ही तुम्हाला भारतातील अशाच काही रेल्वे मार्गांबद्दल सांगणार आहोत, ज्यांचा प्रवास तुम्हाला आयुष्यभर लक्षात राहील.

Monsoon Travel : पावसाळा सुरू झाला आहे. अवघा निसर्ग हिरवाईने नटला आहे. अशात बाहेर फिरायची इच्छा होणार नाही, असं क्वचितच कोणी असेल, परंतु ऑफिस काम, इतर कौटुंबिक जबाबदाऱ्यांमुळे अनेकांना बाहेर फिरायला मिळत नाही, पण जर तुम्ही तुमच्या व्यस्त जीवनातून थोडा वेळ काढून पावसाळ्यात 'या' 5 रेल्वे मार्गांवर प्रवास केला तर तुमचा थकवा, ताण क्षणात निघून जाईल. असं म्हणतात की, या रेल्वे मार्गांवर आयुष्यात एकदा तरी प्रवास करायलाच हवा. याचे नेमके कारण काय? जाणून घेऊया..

 

प्रवासादरम्यान विलोभनीय दृश्यं पाहाल, तर मन प्रसन्न होईल..!

जवळपास प्रत्येकालाच प्रवास करायला आवडतो, भारतात अनेक रेल्वे मार्ग आहेत, जे पर्वत, तलाव, धबधबे, समुद्र आणि नद्यांमधून जातात. त्यामुळे, जेव्हा जेव्हा कोणी कोणत्याही ठिकाणी भेट देण्याचा विचार करतो, तेव्हा तो ट्रेनने प्रवास करणे पसंत करतो, जेणेकरून प्रवासादरम्यान विलोभनीय दृश्ये पाहता येतील. भारतात असे अनेक रेल्वे मार्ग आहेत, जे पावसाळ्यात निसर्ग सौंदर्य पाहण्याची संधी देतात. या रेल्वे मार्गांवरचा प्रवास एखाद्या स्वर्गापेक्षा कमी नाही. या लेखात आम्ही तुम्हाला देशातील अशा टॉप 5 रेल्वे मार्गांबद्दल सांगणार आहोत, जे पावसाळ्यात फिरण्यासाठी स्वर्गासारखे मानले जातात. तुम्हीही लवकर प्लॅन करा.

 

कोकण रेल्वे

कोकण रेल्वे हा भारतातील सर्वात सुंदर आणि आश्चर्यकारक रेल्वे मार्ग आहे. कोकण रेल्वे मार्ग महाराष्ट्र, गोवा आणि कर्नाटक राज्यांमधून 738 किमी पसरलेला आहे. हा मार्ग भारताच्या पश्चिम किनारपट्टीला असलेली विविध गावं-शहरांशी जोडतो. हा मार्ग अत्यंत निसर्गरम्य ठिकाणांमधून जाते. हा मार्ग सुंदर पश्चिम घाटातून जातो, याच्या प्रवासादरम्यान अनेक धबधबे, नद्या, असंख्य बोगदे आणि पूल आहेत. पावसाळ्यातील या मार्गाचे दृश्य पाहण्यासारखे असते.

कालका-शिमला रेल्वे मार्ग

जेव्हा देशातील सर्वात सुंदर आणि आकर्षक रेल्वे मार्गांचा विचार केला जातो तेव्हा बरेच लोक प्रथम कालका शिमला रेल्वे मार्गाचे नाव घेतात. हा रेल्वे मार्ग हिमाचलची राजधानी शिमला आणि कालकाला जोडतो. हा रेल्वे मार्ग टॉय ट्रेन म्हणून ओळखला जातो. अंदाजे 96 किमीचा कालका-शिमला रेल्वे मार्ग अनेक सुंदर दृश्यांसाठी ओळखला जातो. या मार्गात ट्रेनही बोगद्यातून जाते. पावसाळ्यात जेव्हा या मार्गावर ट्रेन धावते, तेव्हा आजूबाजूचे नजारे अगदी नयनरम्य वाटतात. या रेल्वे मार्गाचे सौंदर्य पावसाळ्यात तसेच बर्फवृष्टीमध्ये पाहण्यासारखे आहे.

बेंगळुरू-गोवा रेल्वे मार्ग

जर तुम्हाला बंगलोरचे सौंदर्य तसेच गोव्याची सीमा जवळून पाहायची असेल, तर तुम्ही पावसाळ्यात बंगळुरू ते गोवा रेल्वे प्रवासात नक्कीच जावे. बेंगळुरू-गोवा रेल्वे मार्ग सुमारे 500 किमी आहे. बंगळुरू-गोवा रेल्वे जेव्हा ट्रेन डोंगर, गवताळ प्रदेश, नद्या आणि उंच पुलांवरून जाते तेव्हा आजूबाजूचे दृश्य पाहण्यापेक्षा कमी नसते. पावसाळ्यात या रेल्वे मार्गाचे सौंदर्य विलोभनीय असते. हा रेल्वे मार्ग पावसाळ्यात रोमँटिक दृश्य सादर करतो.

 

भुवनेश्वर-ब्रह्मपूर रेल्वे मार्ग

सध्या जगन्नाथ रथयात्रेच्या निमित्ताने ओडिशा लाखो भाविक आणि पर्यटकांसाठी आकर्षणाचे केंद्र बनले आहे. अशा परिस्थितीत, जर तुम्हाला जगन्नाथ रथयात्रेत सहभागी व्हायचे असेल आणि काही आश्चर्यकारक दृश्ये अनुभवायची असतील, तर तुम्ही भुवनेश्वर-ब्रह्मपूर रेल्वे प्रवासात जावे. भुवनेश्वर-ब्रह्मपूर रेल्वे प्रवास एक वेगळेच विश्व सादर करतो. हा मार्ग पूर्व घाटातून प्रसिद्ध चिल्का तलावाकडे जातो. प्रवासादरम्यान चिल्का तलावाचे खरे सौंदर्य पाहता येते. हा मार्ग ओडिशाच्या प्रसिद्ध मलयाद्रीच्या जंगलातून जातो.

जलपाईगुडी-दार्जिलिंग रेल्वे मार्ग

डोंगराळ भागात धावणाऱ्या ट्रेनने प्रवास करण्याचा विचार केला तर बरेच लोक प्रथम दार्जिलिंग रेल्वे मार्गाचे नाव घेतात. हा रेल्वे मार्ग त्याच्या सौंदर्यासाठी जगभर प्रसिद्ध आहे. दार्जिलिंग आणि जलपाईगुडी दरम्यान धावणारी टॉय ट्रेन अनेक आश्चर्यकारक आणि नेत्रदीपक दृश्ये देते. पावसाळ्यात जेव्हा ट्रेन डोंगरावरून जाते तेव्हा मन आनंदाने उड्या मारते. प्रवासादरम्यान, आपण तलाव आणि धबधबे तसेच चहाच्या बागा पाहू शकता.

मंडपम-रामेश्वरम रेल्वे मार्ग

मंडपम-रामेश्वरम हा रेल्वे मार्ग जगातील सर्वात सुंदर रेल्वे प्रवासांपैकी एक असू शकतो. हा मार्ग रामेश्वरमला तामिळनाडूच्या मंडपम शहराला जोडतो. मंडपम-रामेश्वरम रेल्वे मार्ग देशातील दुसऱ्या क्रमांकाच्या सर्वात लांब पुलावरून जातो, पंबन ब्रिज, जो सुमारे 2.2 किमी आहे. या रेल्वे प्रवासात तुम्हाला दूरवर समुद्राचे निळेशार पाणी दिसते. पावसाळ्यात या रेल्वे मार्गावरून प्रवास करणे अत्यंत रोमांचक मानले जाते.

 

हेही वाचा>>>

 

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )