Health : 'उन्हात काळा चष्मा दिसतो भारी, पण स्वस्त सनग्लासेस वापरणं पडेल महागात!' दुष्परिणाम जाणून घ्या.

Health : स्वस्त सनग्लासेस हे वेगवेगळ्या डिझाईन्समध्ये उपलब्ध आहेत. पण, हे स्वस्त सनग्लासेस डोळ्यांचे रक्षण करण्यास खरोखर सक्षम आहेत? जाणून घ्या..

Health : स्टायलिश सनग्लासेस घालायला कोणाला आवडणार नाही? आजकाल बाहेर इतकं कडक ऊन आहे, की डोळ्यांवर सनग्लासेस लावल्याशिवाय क्वचितच कोणी बाहेर पडत असावं. पण सनग्लासेसचा वापर हा केवळ उन्हातून बचावासाठीच नव्हे, तर यामुळे तुम्हाला एक स्टायलिश लूकही मिळतो. त्यामुळे काही जण जो आवडेल तो सनग्लासेस वापरतात. तो रस्त्यावर विकणारा असो.. किंवा चांगल्या दुकानातला असो, दिसायला चांगला दिसतोय ना? इतकं बोलून अनेक जण स्वस्तातले सनग्लासेस वापरतात. पण हेच स्वस्तातले सनग्लासेस तुमच्या डोळ्यांसाठी किती परिणामकारक आहेत? याची माहिती कदाचित तुम्हाला नसावी. तर आज आम्ही तुम्हाला स्वस्त सनग्लासेसबद्दल तज्ज्ञांचे काय म्हणणे आहे? हे जाणून घेऊया.

 

स्वस्त सनग्लासेसबद्दल तज्ज्ञांचे काय म्हणणे आहे?

स्टायलिश सनग्लासेस रस्त्याच्या कडेला किंवा सुपर मार्केटमध्ये अगदी कमी किमतीत उपलब्ध आहेत. कमी किमतीमुळे अनेकांना ते खरेदी करायला आवडते. यातून ते तुमच्या डोळ्यांना पूर्ण संरक्षण देतात की नाही हे तुम्हाला माहीत आहे का? स्वस्त सनग्लासेसबद्दल तज्ज्ञांचे काय म्हणणे आहे? जाणून घेऊया.

स्वस्त सनग्लासेस वापरण्याचे दुष्परिणाम काय आहेत?

सनग्लासेस, नावाप्रमाणेच, सूर्यप्रकाशापासून डोळ्यांचे संरक्षण करण्यासाठी वापरला जातो. वाढत्या उष्णतेने त्यांची गरजही वाढते. मात्र, हे केवळ डोळ्यांच्या सुरक्षेसाठीच नव्हे, तर सनग्लासेस हे एक फॅशन स्टेटमेंटही बनले आहेत. लोक सनग्लासेसचा वापर हा लूक आणि उत्कृष्ट दर्शविण्यासाठी वापरतात. कदाचित यामुळे, तुम्हाला सुपरमार्केटपासून रस्त्याच्या कडेला असलेल्या दुकानांपर्यंत अनेक प्रकारचे स्वस्त सनग्लासेस पाहायला मिळू शकतात. हे वेगवेगळ्या डिझाईन्समध्ये उपलब्ध आहेत आणि सूर्यप्रकाशापासून डोळ्यांचे संरक्षण करण्यासाठी देखील प्रभावी आहेत. पण, हे स्वस्त सनग्लासेस डोळ्यांचे रक्षण करण्यास खरोखर सक्षम आहेत? या प्रश्नाचे उत्तर जाणून घेण्यासाठी एका वृत्तसंस्थेने घेतलेल्या मुलाखतीनुसार डॉ. महिपाल सचदेवा यांनी माहिती दिलीय. यावेळी ते काय म्हणाले? ते जाणून घेऊया.

 

महागड्या सनग्लासेसमध्ये पॉली कार्बोनेट लेन्स वापरल्या जातात

डॉक्टर म्हणाले की, स्वस्त सनग्लासेसमुळे डोळ्यांचे सूर्यप्रकाश आणि धुळीपासून संरक्षण होऊ शकते, परंतु ते किती प्रमाणात वेगवेगळ्या पॅरामीटर्सवर अवलंबून असते. या घटकांमध्ये अतिनील संरक्षण, लेन्स गुणवत्ता आणि सनग्लासेसची रचना समाविष्ट आहे. स्वस्त सनग्लासेस फार मजबूत नसतात किंवा ते जास्त काळ कोणताही दबाव सहन करू शकत नाहीत. साधारणपणे, महागड्या सनग्लासेसमध्ये पॉली कार्बोनेट लेन्स वापरल्या जातात, जे सहजपणे तुटत नाहीत. एवढेच नाही तर स्वस्तातल्या सनग्लासेसमधील लेन्स कमकुवत आणि निकृष्ट दर्जाच्या असण्याव्यतिरिक्त, स्वस्त सनग्लासेसमध्ये ऑप्टिकल लेन्स असते. ज्यामुळे डोळ्यांवर ताण, डोळ्यांची अस्वस्थता आणि जळजळ यासारख्या समस्या उद्भवू शकतात. त्याचबरोबर महागडे आणि चांगल्या दर्जाचे सनग्लासेस डोळ्यांना जळजळ करत नाहीत आणि लेन्सचा दर्जा चांगला असल्याने दिसण्यात कोणतीही अडचण येत नाही. इतकेच नाही तर, प्रीमियम सनग्लासेसमध्ये जास्त अँटी-रिफ्लेक्टीव्ह कोटिंग्स, कमी स्क्रॅच आणि पोलराइज्ड लेन्स असतात, जे डोळ्यांना स्पष्ट दृष्टी आणि आराम देतात. स्वस्त सनग्लासेस बनवण्यासाठी वापरलेले साहित्य निकृष्ट दर्जाचे डिझाइन केलेले आहे. यामुळे डोळ्यांना अस्वस्थता येऊ शकते आणि जास्त आरामदायक वाटत नाही.

 

सनग्लासेसच्या लेन्स आरामदायी आणि चांगल्या दर्जाच्या असाव्यात

डॉक्टर सांगतात.. स्वस्त सनग्लासेस 100% अतिनील संरक्षण प्रदान करतात, त्यामुळे तुमच्या डोळ्यांचे संरक्षण करू शकतात. परंतु अधिक महाग चष्माच्या तुलनेत त्यांच्यात दृश्य स्पष्टता आणि आरामाची कमतरता असू शकते. त्यामुळे जेव्हाही तुम्ही सनग्लासेस खरेदी करता, किंमत काहीही असो, 100% UV संरक्षण किंवा UV 400 लेबल तपासा. तसेच, सनग्लासेसच्या लेन्स आरामदायी आणि चांगल्या दर्जाच्या असावा. कारण थोडे जास्त पैसे खर्च करून तुम्ही उत्तम लेन्स, आरामदायी आणि दीर्घ आयुष्यासह सनग्लासेस मिळवू शकता. परंतु सामान्य अतिनील संरक्षणासाठी अनेक परवडणारे पर्याय आहेत.

 

हेही वाचा>>>

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )