Health Tips : तजेलदार, डागरहित त्वचा हवीय? तुमच्या आहारात 'हे' महत्त्वाचे बदल करा

Health Tips : तुमच्या आहारात प्रथिनेयुक्त खाद्यपदार्थांचा समावेश केल्याने तुमची त्वचा लवकर सैल पडत नाही. तसेच, सुरकुत्याही कमी दिसतात.

Health Tips (Image Source : Freepik)

Health Tips : आपल्या जीवनशैलीमुळे (Lifestyle) आपल्या त्वचेला (Skin Care Tips) अनेक समस्यांना सामोरं जावं लागतं. दिवसभर धावपळ करणे, अयोग्य आहार, झोप न लागणे या सर्व गोष्टी आपल्या त्वचेला कळत नकळत नुकसान पोहोचवत असतात. या कारणांमुळे अकाली वृद्धत्व, पिंपल्स, डार्क सर्कल्स यांसारख्या समस्या उद्भवू लागतात. 

ही सर्व कारणे त्वचेसाठी हानिकारक असली तरी वाईट आहाराचा सर्वाधिक परिणाम आपल्या त्वचेवर होतो. त्यामुळे त्वचा निरोगी ठेवण्यासाठी फक्त स्किन केअर प्रोडक्ट्सचा वापर करणं गरजेचं नाही तर आपला आहारही हेल्दी असायला हवा. ज्यामुळे त्वचा आतून निरोगी राहते. आपण जे काही खातो आणि पितो ते आपल्या त्वचेवर सहज दिसून येते. त्यामुळे अशा पोषक घटकांचा आहारात समावेश करावा, ज्यामुळे त्वचा निरोगी आणि सुंदर राहील. तुमच्या खाण्यापिण्याच्या सवयींमध्ये कोणते बदल केल्याने तुमची त्वचा निरोगी राहू शकते या संदर्भात अधिक माहिती जाणून घेऊयात. 

प्रथिने (Protein)

तुमच्या आहारात प्रथिनेयुक्त खाद्यपदार्थांचा समावेश केल्याने तुमची त्वचा लवकर सैल पडणार नाही. खरंतर, प्रथिनांमध्ये अमीनो ऍसिड आढळतात, जे कोलेजन तयार करण्यासाठी खूप महत्वाचे असतात. कोलेजन त्वचेला अडथळा निर्माण करण्यास मदत करतात. ज्यामुळे त्वचा मजबूत राहते. म्हणून, बीन्स, शेंगा, अंडी, चिकन, मासे इत्यादी प्रथिनयुक्त पदार्थांना तुमच्या आहाराचा भाग बनवा

ओमेगा -3 फॅटी ऍसिड (Omega-3 Fatty Acid)

ओमेगा -3 फॅटी ऍसिड हे निरोगी फॅट आहेत, जे दाहक-विरोधी आहेत, जे सोरायसिस आणि एक्जिमा सारख्या समस्यांविरूद्ध फायदेशीर आहेत. या व्यतिरिक्त, ते त्वचेला हायड्रेट करण्यासाठी, तेल उत्पादन कमी करण्यासाठी, सूर्याच्या नुकसानापासून संरक्षण करण्यासाठी आणि तुमच्या चेहऱ्यावरील पिंपल्स कमी करण्यासाठी उपयुक्त आहे. यासाठी फिश, बदाम, अक्रोड, फ्लेक्स सीड्स इत्यादींचा आहारात समावेश करा.

व्हिटॅमिन-ई (Vitamin E)

व्हिटॅमिन ई त्वचेतील ओलावा कमी होण्यास मदत करते. पेशींचे नुकसान आणि कोलेजन उत्पादनासाठी व्हिटॅमिन ई देखील आवश्यक आहे. त्वचा निरोगी ठेवण्यासाठी त्यातील दाहक-विरोधी गुणधर्म आवश्यक आहेत. त्यामुळे बदाम, सूर्यफुलाच्या बिया यांना तुमच्या आहाराचा भाग बनवा.

व्हिटॅमिन सी (Vitamin C)

व्हिटॅमिन सी सूर्यापासून संरक्षण करण्यासाठी, आणि डार्क सर्कल्सपासून मुक्त होण्यासाठी, चेहऱ्यावर बारीक सुरकुत्या कमी करण्यासाठी आवश्यक आहे. त्यामुळे मोसंबी, लिंबू, बेरी, स्ट्रॉबेरी, भोपळी मिरची इत्यादी लिंबूवर्गीय फळांचा आहारात समावेश करा.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. 

महत्त्वाच्या बातम्या :