Health Tips : जर तुम्ही जेवणानंतर अ‍ॅसिडिटीच्या समस्येने त्रस्त असाल तर या समस्येला हलक्यात घेण्याची चूक करू नका. कारण हे इतर गंभीर आजारांचेही कारण बनू शकते. जेव्हा पोटातील गॅस्ट्रिक ग्रंथी जास्त प्रमाणात अॅसिड तयार करू लागते तेव्हा त्यामुळे अॅसिडिटीची समस्या निर्माण होते. अॅसिडिटी अनेक कारणांमुळे होऊ शकते. यामध्ये जास्त मसालेदार अन्न खाणे, जेवल्यानंतर लगेच बसणे किंवा झोपणे, रात्री उशिरापर्यंत जागे राहणे यांचा समावेश होतो. याशिवाय तणाव, धूम्रपान, मद्यपान, व्यायामाचा अभाव आणि बिघडलेली जीवनशैली यांचाही यात मोठा वाटा आहे. या समस्येमध्ये पोटात जळजळ आणि आंबट ढेकर येणे, बद्धकोष्ठता आणि अपचन होते. मात्र, खाण्यापिण्याच्या सवयींबरोबर जीवनशैलीत बदल करून ही समस्या बऱ्याच अंशी सुटू शकते. याशिवाय तुम्ही काही उपायही करून पाहू शकतात. चला तर याच संदर्भात सविस्तर माहिती जाणून घेऊयात.
कोथिंबीर
- एक ते दोन चमचे कोथिंबीर पाण्यात भिजवून रात्रभर राहू द्या.
- हे पाणी गाळून सकाळी प्या.
- हे पाणी सकाळी रिकाम्या पोटी प्या.
- कूलिंग एजंट अॅसिडिटीची समस्या दूर करण्यासाठी हे खूप प्रभावी आहे.
बडीशेप आणि साखर
- रेस्टॉरंट्समध्ये जेवणानंतर बडीशेप आणि साखर दिली जाते हे तुम्ही पाहिले असेलच. हे फक्त माउथ फ्रेशनर नाही तर ते अॅसिडिटीची समस्याही दूर करू शकते.
- यासाठी अर्धा चमचा बडीशेप आणि तितक्याच प्रमाणात साखर चावून खावी.
- जेवणानंतर हे खाल्ल्याने तुम्ही SDT च्या समस्येपासून सहज सुटका मिळवू शकता.
मनुका
- काळे मनुके तुमच्यासाठी खूप फायदेशीर ठरतील.
- यासाठी 10 मनुके घ्या. ते रात्रभर पाण्यात भिजवून ठेवा आणि सकाळी सेवन करा.
- कोथिंबिरीचे पाणी प्यायल्यानंतर हे मनुके खाल्ले तर जास्त फायदा होईल.
जर तुम्ही काही दिवस तुमच्या जीवनशैलीत हे रूटीन फॉलो केलं तर तुम्हाला अॅसिडीटीचा त्रासही होणार नाही. तसेच, तुम्हाला खाल्लेलं जेवणही चांगलं पचेल. यासाठी हे घरगुती उपाय नक्की करून पाहा. तुम्हाला काही दिवसांतच फरक दिसायला सुरुवात होईल.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :