Actor Death: मनोरंजन विश्वावर दु:खाचा डोंगर; प्रसिद्ध अभिनेत्याचे निधन, चित्रपट अन् 17हून अधिक मालिकांमध्ये काम

Veteran Bengali actor Biplab Dasgupta: बिप्लव दासगुप्ता यांचे वयाच्या 75 व्या वर्षी निधन झाले.

Biplab Dasgupta Death

Source : Canva

Biplab Dasgupta Death: 'गुमनामी' आणि 'जुल्फिकार' सारख्या चित्रपटातून प्रेक्षकांचं मनोरंजन (Entertainment) करणारे दिग्गज बंगाली अभिनेते बिप्लव दासगुप्ता (Biplab Dasgupta) यांचं निधन झालं आहे.  वयाच्या 75 व्या वर्षी त्यांनी अखेरचा श्वास घेतला. कौटुंबिक सुत्रांकडून मिळालेल्या माहितीनुसार, शस्त्रक्रियेनंतर दासगुप्ता यांना काही काळापासून  आरोग्याच्या समस्या जाणवत होत्या. शुक्रवारी टॉलीगंज स्थित गोल्फ कल्ब रोड येथील त्यांच्या निवासस्थानी त्यांना अस्वस्थ वाटू लागल्यानंतर दासगुप्ता यांना रुग्णालयात पाठवण्यात आलं. डॉक्टरांनी त्यांना तपासून मृत घोषित केलं. दासगुप्ता यांच्या पश्चात पत्नी आणि मुलगी असा परिवार आहे.

दासगुप्ता यांनी आपल्या कारकि‍र्दीत अनेक चित्रपट आणि मालिकांमध्ये काम केलं. दासगुप्ता यांनी 'केमिस्ट्री मासी', 'जगमाया'  आणि 'चेकमेट' यांसारख्या मालिकांमध्ये काम करुन आपल्या अभिनयाची छाप सोडली.

17 हून अधिक मालिकांमध्ये काम (Bengali Cinema Mourns Loss of Actor Biplab Dasgupta)

 बिप्लव दासगुप्ता हे बंगाली चित्रपट आणि दुरदर्शनमधील एक सुप्रसिद्ध अभिनेते होते.  त्यांनी आपल्या कारकि‍र्दीत उत्कृष्ट भूमिकांमधून अभिनयाचे कौशल्य दाखवले.   बऱ्याच काळापासून बिप्लव दासगुप्ता हे बंगाली सिनेसृष्टीचे भाग आहेत. ते पहिल्यांदा  1998 साली प्रदर्शित झालेल्या 'द बंगाली नाईट' या प्रोजेक्टमधून इंडस्ट्रीतल पाऊल ठेवलं. त्यानंतर 1996 साली   'कहिनी' या सिरिअलमध्येही काम केलं.  त्यांनी आपल्या कारकि‍र्दीत अनेक बंगाली चित्रपटात काम करुन आपलं नाव गाजवलं. 

बंगाली सिनेसृष्टीवर दु:खाचा डोंगर (Veteran Bengali actor Biplab Dasgupta Death)

बंगाली चित्रपटसृष्टीतील ज्येष्ठ कलाकारांनी बिप्लव दासगुप्ता यांच्या निधनाबद्दल शोक व्यक्त केला आहे. बिप्लव दासगुप्ता यांच्या मृत्यूपूर्वी त्यांच्या कुटुंबाने त्यांची काळजी घेतली होती. ते बऱ्याच काळापासून आजारी होते.  कोलकाता चित्रपटसृष्टीतील कलाकारांनी दासगुप्ता यांच्या निधनावर शोक व्यक्त केला असून, कधीही न भरुन निघणारी पोकळी निर्माण झाली असल्याची भावना अनेकांनी व्यक्त केली आहे. दासगुप्ता कुटुंबावरही दु:खाचा डोंगर कोसळला असून, बंगाली सिनेसृष्टीतूनही शोक व्यक्त केले जात आहे.

महत्त्वाच्या इतर बातम्या: