Varsha Usgaonkar : बिग बॉस मी आले...! नाही नाही म्हणत वर्षा उसगांवकरांनी बिग बॉसच्या घरात एन्ट्री केलीच

Varsha Usgaonkar in Bigg Boss Marathi : वर्षा उसगांवकर यांची बिग बॉस मराठीच्या घरात ग्रँड एन्ट्री झाली आहे.

Varsha Usgaonkar in Bigg Boss Marathi

Source : ABPLIVE AI

Varsha Usgaonkar in Bigg Boss Marathi  :  अभिनेत्री वर्षा उसगांवकर (Varsha Usgaonkar ) यांच्या नावाची मागील अनेक दिवसांपासून चर्चा होती. स्टार प्रवाह वाहिनीवरील 'सुख म्हणजे नक्की काय असतं' या मालिकेतून वर्षा उसगांवकर यांच्या पात्राने निरोप घेतला होता. त्यानंतर वर्षा उसगांवकर या बिग बॉसच्या घरात (Bigg Boss Marathi Season ) एन्ट्री करणार अशा चर्चा रंगू लागल्या होत्या. त्यानंतर आता वर्षा उसगांवकरांनी बिग बॉसच्या घरात ग्रँड एन्ट्री केली आहे.

जेव्हा वर्षा उसगांवकरांच्या नावाच्या चर्चा सुरु होत्या, त्यावेळी त्यांनी एका मुलाखतीदरम्यान या चर्चांना पूर्णविराम दिला होता. मी बिग बॉसच्या घरात सहभागी होणार नसल्याचं त्यांनी स्पष्ट सांगितलं होतं. पण आता नाही नाही म्हणत वर्षा उसगांवकरांनी बिग बॉसच्या घरात एन्ट्री केलीच आहे. त्यामुळे आता बिग बॉसच्या घरात त्यांचा खेळ कसा होता याकडे साऱ्यांच लक्ष लागून राहिलं आहे. 

वर्षा उसगांवकर यांचा सिनेप्रवास...

वर्षा उसगांवकर यांनी गंमत जमंत सिनेमातून सिनेसृष्टीत एन्ट्री केली.  नंतर खट्याळ सून नाठाळ सासू, तुझ्याविना करमेना, हमाल दे धमाल, मुंबई ते मॉरिशस आणि लपंडाव यांसारखे त्यांचे अनेक चित्रपट गाजले. त्याचवेळी त्यांचा 'यज्ञ' हा सिनेमा आला आणि त्यांनी बॉलीवूडमध्ये ग्रँड एन्ट्री केली. नुकत्याच त्या स्टार प्रवाह वाहिनीवरील सुख म्हणजे काय असतं या मालिकेत दिसल्या होत्या. त्यानंतर आता त्यांनी बिग बॉसच्या घरात ग्रँड एन्ट्री केली आहे. 

वर्षा उसगांवकरांनी 'त्या' चर्चांना दिला होता पूर्णविराम

 मालिका सोडल्यामुळे वर्षा उसगावंकर या बिग बॉस मराठीच्या घरात दिसणार असल्याची चर्चा होती. त्यावर त्यांनी भाष्य करत म्हटले की, मी ‘बिग बॉस’च्या घरात जाणार नाही. ही कल्पना कुणाच्या डोक्यातून आली माहीत नाही, पण ती अफवा असल्याचेही वर्षा उसगांवकर यांनी म्हटले.

रितेश भाऊमुळे 'बिग बॉस' आणखी ग्रँड होणार

काही दिवसांपूर्वीच 'बिग बॉस मराठी'चा धमाकेदार प्रोमो प्रेक्षकांच्या भेटीला आला. या प्रोमोवरुन रितेश भाऊमुळे 'बिग बॉस' आणखी ग्रँड होणार असल्याचं स्पष्ट झालं. त्यामुळे आता रितेश स्पर्धकांची शाळा कशी घेणार याची उत्सुकता सगळ्यांना लागून राहिली आहे. त्याचप्रमाणे आता 100 दिवस बिग बॉसच्या घरात काय काय होणार याचीही उत्सुकता शिगेला पोहचली आहे. तसेच रितेश या सगळ्यांची शाळा घेतल्यानंतर स्पर्धकांचा खेळ कसा होणार हे पाहणं उत्सुकतेचं असेल. 

ही बातमी वाचा :