'मेंदुला किडे लागले,ते वागणं पाहून..' बिग बॉस मराठीविषयी बोलताना उषा नाडकर्णी स्पष्टचं म्हणाल्या...
Usha Nadkarni on Bigg Boss mArathi: अलीकडेच अभिनेत्री उषा नाडकर्णी यांनी बिग बॉसच्या या सिझनवर प्रतिक्रिया दिलीय. उषा नाडकर्णी यांचे बिग बॉसच्या घरात असताना अनेकांशी खटके उडाले होते.
Usha NAdkarni on Bigg Boss Marathi: बिग बॉसच्या सहाव्या पर्वात 3 नवीन सदस्य दाखल झाले आहेत. या सदस्यांमुळे घरात चांगलंच ड्रामा पाहायला मिळतोय.या पर्वात अनेक सोशल मिडिया इन्फ़्लुएन्सर सहभागी झाले आहेत. बिग बॉसच्या घरात आरडाओरडा, कलकलाट, भांडणं सुरु आहेत. मोठ्यामोठ्याने बोलत हुज्जत घालणं तर रोजचच झालं आहे. बिग बॉसच्या स्पर्धकांवर बिग बॉसच्याच मागील पार्वतील अनेक कलाकार बोलताना दिसतात. घरात 100 दिवस राहून आलेले कलाकार सध्याच्या स्पर्धकांच्या सध्याच्या गेम बद्दल बोलताना दिसतायत. अलीकडेच अभिनेत्री उषा नाडकर्णी (Usha Nadkarni) यांनी बिग बॉसच्या या सिझनवर प्रतिक्रिया दिलीय.आउ म्हणून लोकप्रिय असणाऱ्या उषा नाडकर्णी यांचे बिग बॉसच्या घरात असताना अनेकांशी खटके उडाले होते. दरम्यान आता मी बिग बॉस बघत नसल्याचं म्हणत बिग बॉसमधली लोकांची वागणी पाहून मेंदूला किडे लागले असही आउ म्हणाल्या.
नेमकं काय म्हणाल्या उषा नाडकर्णी?
कायम स्पष्टवक्त्या म्हणून ओळख असणाऱ्या उषा नाडकर्णी यांनी 'राजश्री मराठी'शी संवाद साधताना म्हटलं, “मी शो बघत नाहीये. आमचं पर्व संपल्यानंतर मी फक्त दुसरं पर्व पाहिलं होतं. तेव्हा मी 70 वर्षांची असूनही कधी मी ज्येष्ठ आहे म्हणून हे करणार नाही ते करणार नाही, असं म्हटलं नाही. पण काही स्पर्धक 50 वर्षांचे असतानाही मी खूप सीनियर आहे. मी काम करणार नाही, असं म्हणतात. मी आजही माझ्या घरी सर्व कामं करते. घरी आपण आपलं वय जास्त आहे म्हणून काम करणं थांबवतो का? मग शोमध्ये कशाला बोलतात?”
बिग बॉसमध्ये गेल्याचा फायदा झाला का असं विचारल्यावर आउ म्हणाल्या, “फायदा झाला तो पैसे मिळाले एवढाच. ‘बिग बॉस’ केलं म्हणून लोक मला ओळखतात, असं काही नाहीये;बाकी लोक तर मला आधीपासूनच ओळखतात.पण मला त्रास झाला. मेंदुला किडे लागले,ते वागणं पाहून.” असही त्या म्हणाल्या. या पर्वतील कोणते स्पर्धक आवडतात आणि जे आवडतात त्यांच्या बद्दल काय सांगाल यावर आउ म्हणाल्या, मी काही सांगून ते ऐकणार आहेत का आणि तुम्ही हे त्यांना दाखवायला जाणार आहात का? प्रत्येक जण त्याच्यावर जशी परिस्थिती येते, त्यानुसार वागतो. असं म्हणत त्यांनी कोणत्याही स्पर्धकाचं नाव घेणं टाळलं.
हेही वाचा:
विशाल अन् रुचिताचं ब्रेकअप होणार? राखीसमोर ती चक्कर येऊन पडली; बिग बॉसच्या घरात चाललंय तरी काय?
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
