'रंगीला' गर्ल उर्मिला मातोंडकरच्या Ex नवऱ्यानं केलं दुसरं लग्नं, पत्नीवर प्रेमाचा वर्षाव; अभिनेत्रीची क्रिप्टिक पोस्ट, म्हणाली...
Urmila Matondkars Cryptic Post: मोहसिनच्या पोस्टनंतर उर्मिलाच्या स्टोरीने नेटकऱ्यांचं वेधलं लक्ष.
Urmila Matondkars Cryptic Post for Ex Husband: 90 च्या दशकातील अभिनेत्री उर्मिला मातोंडकर (Urmila Matondkar) बऱ्याचदा आपल्या वक्तव्यामुळे चर्चेत असते. ती सोशल मीडियावरही सक्रीय असते. अलिकडेच अभिनेत्रीची एक पोस्ट सोशल मीडियात व्हायरल होत आहे. या पोस्टवरुन अभिनेत्री चर्चेत आहे. तिनं शेअर केलेली क्रिप्टिक पोस्ट व्हायरल होत आहे. काही दिवसांपूर्वी उर्मिलाच्या एक्स नवऱ्याने (Mohsin Akhtar) इन्स्टाग्रामवर एक पोस्ट शेअर केली होती. त्यानं आपली दुसरी पत्नी निदावर प्रेमाचा वर्षाव केला. यानंतर उर्मिलाने एक क्रिप्टिक पोस्ट आपल्या अधिकृत इन्स्टाग्राम अकाऊंटच्या (Instagram) स्टोरीवर शेअर केली आहे. ही पोस्ट तुफान व्हायरल झाली. उर्मिलाने शेअर केलेली स्टोरी, नेटकरी (Entertainment) तिच्या एक्स नवऱ्याशी जोडत आहेत.
अभिनेत्री उर्मिला मातोंडकरचा एक्स नवरा मोहसिन अख्तर याने दुसरं लग्न केलं. जून 2026 रोजी त्याने निधा भट्टसोबत लग्न केलं. मोहसिनने अलिकडेच आपल्या लग्नातील फोटोस आपल्या अधिकृत इन्स्टाग्राम अकाऊंटवर शेअर केले आहे. तसेच कॅप्शनमधून आपल्या दुसऱ्या पत्नीवर प्रेमाचा वर्षाव केला आहे. 'तू केवळ माझी पत्नी झाली नाहीस, तर तू माझं घर, माझ्या प्रत्येक दिवसाचा सर्वात आवडता भाग बनली आहेस. तुला माझ्या आयुष्यात आणल्याबद्दल मी अल्लाहचा आभारी आहे', असं त्याने आपल्या पोस्टमध्ये म्हटलं. नेटकऱ्यांनीही मोहसिनच्या पोस्टवर शुभेच्छांचा वर्षाव केला. तसेच कपलवर शुभेच्छांचा वर्षाव केला.
उर्मिलाच्या गुढ पोस्टमुळे चर्चांना उधाण (Urmila Matondkars Cryptic Post for Ex Husband goes Viral)
View this post on Instagram
एक्स नवरा मोहसिनच्या पोस्टच्या पार्श्वभूमीवर, उर्मिला मातोंडकरने इन्स्टाग्राम स्टोरीवर लिहिले की, 'मला महागड्या गोष्टी आवडतात. ज्या म्हणजे प्रेम, प्रामाणिकपणा आणि वेळ आहे'. उर्मिलाची इन्स्टाग्रामवरील ही स्टोरी सोशल मीडियात व्हायरल झाली. ही पोस्ट पाहिल्यानंतर, अनेक सोशल मीडिया वापरकर्त्यांनी, असा अंदाज बांधायला सुरुवात केली की, हे मोहसिनच्या पोस्टला दिलेले अप्रत्यक्ष उत्तर तर नव्हते ना... सध्या तिच्या पोस्टची चर्चा होत असून, अभिनेत्रीच्या स्टोरीचा स्क्रिनशॉट सोशल मीडियात व्हायरल होत आहे.
मॉडेल मोहसिन आणि अभिनेत्री उर्मिला या दोघांची भेट 2014 साली झाली. सुरुवातीला दोघेही एकमेकांच्या प्रेमात पडले. नंतर दोघांनी लग्न करण्याचा निर्णय घेतला. उर्मिला आणि मोहसिन या दोघांनी 2016 साली एका खासगी समारंभात लग्न केले. जवळपास 8 वर्षांनंतर त्यांच्या नात्यात दुरावा आला. 2024 साली उर्मिलाने घटस्फोटासाठी अर्ज दाखल केला. दरम्यान, जून 2026 रोजी मोहसिनने दुसरं लग्न केलं. निधा भट्टसोबत त्याने नवीन आयुष्याला सुरुवात केली.
महत्त्वाच्या इतर बातम्या:
महत्त्वाच्या बातम्या
