The Kashmir Files : 'द कश्मीर फाइल्स'चं तापसी पन्नूनं केलं कौतुक; म्हणाली....

नुकत्याच एका मुलाखतीमध्ये प्रसिद्ध अभिनेत्री तापसी पन्नू (Taapsee Pannu) नं 'द कश्मीर फाइल्स' (The Kashmir Files) या चित्रपटाचं कौतुक केलं.

The Kashmir Files,taapsee pannu

The Kashmir Files : 'द कश्मीर फाइल्स' (The Kashmir Files) हा चित्रपट प्रेक्षकांची मनं जिंकत आहेत. काही कलाकरांनी आणि प्रेक्षकांनी  सोशल मीडियावर पोस्ट शेअर करून या चित्रपटाचं कौतुक केलं. नुकत्याच एका मुलाखतीमध्ये प्रसिद्ध अभिनेत्री तापसी पन्नू (Taapsee Pannu) नं या चित्रपटाचं कौतुक केलं. ती म्हणाली की, हा चित्रपट खराब असू शकत नाही.  

तापसीनं सांगितलं, 'मला आठवतं की, मी एका चित्रपट निर्मात्याला मेसेज केला होता. मी त्यांना सांगितलं होतं की, तुम्हाला घाबरण्याची गरज नाही. तुमचा चित्रपट खूप चांगला आहे. चित्रपट चांगला असेल तर लोक चित्रपट नक्कीच पाहतात. जर अशा प्रकारचा कमी बजेट असणारा चित्रपट जर लोकांना आकर्षित करू शकतो तर तो चित्रपट खराब असू शकत नाही. प्रत्येकाला आपली मतं मांडण्याचा अधिकार आहे. हा एक चांगला चित्रपट आहे त्यामुळे त्याला लोकांचा चांगला प्रतिसाद मिळत आहे.  '

पुढे ती म्हणाली, 'हा चित्रपट लोकांमध्ये एक इमोशन निर्माण करतो. त्यामुळे लोक या चित्रपटासोबत जोडले जातात आणि त्यांना हा सिनेमा कळतो. प्रत्येकाची आवड वेगळी असते. असा कोणताच चित्रपट नाहिये, ज्यामध्ये 100 पैकी 100 प्रेक्षकांची पसंती मिळते. '

'द कश्मीर फाइल्स' 11 मार्च रोजी प्रदर्शित झाला. चित्रपटात अनुपम खेर यांच्यासोबतच दर्शन कुमार, मिथुन चक्रवर्ती, पल्लवी जोशी यांनी देखील प्रमुख भूमिका साकारली आहे. या चित्रपटाचं दिग्दर्शक विवेक अग्निहोत्री यांनी केलं आहे. चित्रपटाच्या कथानकाला आणि कलाकारांच्या अभिनयाला प्रेक्षकांची पसंती मिळत आहे. 

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha