Telly Masala : सागर आणि मुक्ताच्या प्रेमाचा होणार बेरंग ते कंगना पाठोपाठ आता एक स्टारकिड राजकीय आखाड्यात? स्वत: केला खुलासा; जाणून घ्या मनोरंजन विश्वासंबंधित बातम्या...

Telly Masala : जाणून घ्या मराठी मनोरंजनसृष्टीसंबंधित बातम्या...

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटकं (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Premachi Goshta Latest Episode Highlights : सागर आणि मुक्ताच्या प्रेमाचा होणार बेरंग; आदित्यला पुढे करून सावनीचा कुटील डाव

Premachi Goshta Latest Episode Highlights : 'प्रेमाची गोष्ट'  (Premachi Goshta) मालिकेत  सागर आणि मुक्तामध्ये प्रेमाचा रंग खुलण्याआधीच बेरंग होणार आहे. आदित्यच्या खांद्यावरून सागरवर सावनीने निशाणा साधला आहे. आता होळीच्या दिवशी सागरच्या प्रेमाची आणि आदित्यसोबतच्या नात्याची होळी होणार आहे.

Sara Ali Khan on Politics:कंगना पाठोपाठ आता एक स्टारकिड राजकीय आखाड्यात? स्वत: केला खुलासा; नेटकरी म्हणतात, 'तुम्ही लोक....'

 बॉलीवूड अभिनेत्री कंगना रणौत (Kangana Ranaut) हीने लोकसभेचं (Lok Sabha Election 2024) तिकीट मिळवतच राजकारणात प्रवेश केला. भाजपकडून (BJP) जाहीर करण्यात आलेल्या पाचव्या यादीत कंगनाला उमेदवारी देण्यात आली. त्यानंतर आता कंगना हिमाचल प्रदेशमधील मंडी या लोकसभा मतदारसंघातून निवडणूक लढवणार आहे. पण कंगनासोबतच आता आणखी एक बॉलीवूड अभिनेत्री तिच्या राजकारणातील एन्ट्रीसाठी सज्ज असल्याचं म्हटलं जात आहे. अभिनेत्री सारा अली खान (Sara Ali Khan) ही राजकारणात एन्ट्री करणार असल्याची जोरदार चर्चा सुरु असताना अभिनेत्री स्वत:याबाबत भाष्य केलं आहे. 

Adah Sharma : बाबा सिद्दीकींच्या इफ्तार पार्टीतील हजेरीमुळे अदा शर्मा ट्रोल; अभिनेत्रीनेही दिलं चोख उत्तर, 'दहशतवादी हे शत्रू असतात...'

 बॉलीवूड अभिनेत्री अदा शर्मा (Adah Sharma) हिचा 'बस्तर: द नक्सल स्टोरी' (Baster : The Naxal Story) या चित्रपटामुळे चर्चेत होती. या चित्रपटाची प्रेक्षकांना बरीच उत्सुकता होती, पण हा सिनेमा बॉक्स ऑफिसवर तितकी जादू करु शकला नाही. त्यामुळे सोशल मीडियावरही अदा शर्माला बरचं काही ऐकवलं जातंय. नुकतच अदा ही बाबा सिद्दीकी (Baba Siddique) यांच्या इफ्तार पार्टीला हजेरी लावली होती. 

Kangana Ranaut : कंगना रणौतचा सवाल, सुभाषचंद्र बोस यांना पंतप्रधान का केलं नाही, देशात येण्यापूर्वी त्यांना...

 भारतीय जनता पक्षाने हिमाचल प्रदेशमधील मंडी (Mandi Lok Sabha) लोकसभा मतदारसंघातून अभिनेत्री कंगना रणौतला (Kangana Ranaut) उमेदवारी देण्यात आली आहे. कंगनाच्या उमेदवारीवर टीका करताना काँग्रेस प्रवक्त्या सुप्रिया श्रीनेत यांच्या सोशल मीडिया अकाउंटवरून आक्षेपार्ह पोस्ट करण्यात आली होती.  त्यानंतर आता कंगनाने पलटवार केला आहे. पंतप्रधान मोदी (PM Modi) हे सूर्य असून विरोधी पक्ष नेते मेणबत्तीच असल्याचे कंगनाने म्हटले.  कंगनाने काँग्रेसवर जोरदार टीका केली. देशाला खरं स्वातंत्र्य 2014 नंतर मिळाले असल्याच्या वक्तव्यावर आपण ठाम असल्याचे तिने म्हटले. 

Pooja Sawant and Siddhesh Chavan Wedding : 'मन धागा धागा जोडते नवा...', पूजा-सिद्धेशच्या लग्नातले हळवे क्षण; सोशल मीडियावर व्हिडिओ शेअर

 मागील काही महिन्यांपासून मराठी सिनेसृष्टीत अभिनेत्रींची लगीनसराई पाहायला मिळतेय. गौतमी देशपांडे (Gautami Deshpande), स्वानंदी टीकेकर (Swanandi Titkekar), शिवनी सुर्वे (Shivani Surve), तितिक्षा तावडे (Titeeksha Tawde), पूजा सावंत (Pooja Sawant) यांचे लग्नसोहळे धुमधडक्यात पार पडले. या अभिनेत्रींनी त्यांच्या लग्नातील स्पेशल क्षण त्यांच्या सोशल मीडियावरुन शेअरही केले. नुकतच अभिनेत्री पूजा सावंत हिने तिच्या लग्नातील अनसीन क्षणांचा एक व्हिडिओ शेअर केलाय.