Veena Jagtap: मॅट्रिमोनियल साईटवर वीणा जगतापचं फेक अकाऊंट; अभिनेत्री पोस्ट शेअर करत म्हणाली, 'हिंमत'
नुकतीच वीणानं (Veena Jagtap) एक पोस्ट शेअर केली आहे.या पोस्टच्या माध्यमातून तिनं मॅट्रिमोनियल साईटवरील तिच्या फेक अकाऊंटची माहिती नेटकऱ्यांनी दिली आहे.
Veena Jagtap: बिग बॉस या शोमुळे अभिनेत्री वीणा जगतापला (Veena Jagtap) विशेष लोकप्रियता मिळाली. वीणा ही सोशल मीडियावर अॅक्टिव्ह असते. विविध पोस्ट ती सोशल मीडियावर शेअर करते. नुकतीच वीणानं एक पोस्ट शेअर केली आहे. या पोस्टच्या माध्यमातून वीणानं मॅट्रिमोनियल साईटवरील तिच्या फेक अकाऊंटची माहिती नेटकऱ्यांनी दिली आहे.
वीणाची पोस्ट
वीणानं इन्स्टाग्रामवर मॅट्रिमोनियल साईटवरील फेक अकाऊंटचा फोटो शेअर केला आहे. या फोटोमध्ये दिसत आहे की, एका मॅट्रिमोनियल साईटवर वीणाचं फेक अकाऊंट क्रिएट केलं असून त्या अकाऊंटला वीणाचा फोटो लावण्यात आला आहे. वीणानं मॅट्रिमोनियल साईटवरील अकाऊंटचा स्क्रिनशॉर्ट शेअर करुन लिहिलं, 'माझा फॅन असणाऱ्या एका दादानं हा स्क्रिनशॉट मला पाठला आहे. लोक असं का करतात? हे मला कळत नाही. मॅट्रिमोनियल साईटवर खोटी माहिती. मी सॉफ्टवेअर प्रोफेशनल आहे याची मलाही कल्पना नाही. हे प्रोफाईल बनवणाऱ्या व्यक्तीच्या हिंमतीची मला दाद द्यावीशी वाटते. अशा खोट्या प्रोफाईलपासून सावध राहा.'
View this post on Instagram
वीणानं बिग बॉस मराठी या कार्यक्रमाच्या दुसऱ्या सीझनमध्ये सहभाग घेतला होता. वीणा ही तिच्या वैयक्तिक आयुष्यामुळे अनेक वेळा चर्चेत असते. बॉस मराठी-2 मधील वीणा आणि शिव ठाकरे यांच्या केमिस्ट्रीला प्रेक्षकांची पसंती मिळाली होती. हे दोघे एकमेकांना डेट करत आहेत, अशी चर्चा त्यावेळी सोशल मीडियावर झाली होती. एका मुलाखतीमध्ये वीणा जगतापसोबतच्या नात्याबद्दल शिव ठाकरे म्हणाला होता,"बिग बॉस मराठी' आणि 'बिग बॉस 16' माझ्यासाठी खूप खास आहे. तसेच या प्रवासातील नातीदेखील माझ्यासाठी खास आहेत. एखाद्या व्यक्तीवर प्रेम विचार करुन केलं जात नाही. मी आणि वीणा रिलेशनमध्ये नसलो तरी आजही एकमेकांच्या संपर्कात आहोत. 'बिग बॉस'मध्ये सहभागी होण्यापूर्वी आमचं बोलणं झालं होतं".
2018 मध्ये रिलीज झालेल्या व्हॉट्स अॅप लग्न या चित्रपटात तिनं काम केलं. तसेच ठिपक्यांची रांगोळी मालिकेत वीणानं अवंतिका ही भूमिका साकारली. वीणानं आनान या चित्रपटात देखील प्रमुख भूमिका साकारली. तसेच राधा प्रेम रंगी रंगली या मालिकेत देखील तिनं काम केलं.
वाचा इतर महत्वाच्या बातम्या:
Shiv Thakare : शिव ठाकरेसाठी वीणा जगताप हा विषय संपलाय?; म्हणाला,"तिने लग्नाचं नाटक..."
महत्त्वाच्या बातम्या
