Varsha Dandale : 'आयेंगे अच्छे दिन भी आयेंगे' म्हणत 'वच्छी आत्या'ने केली हटके पोस्ट

छोट्या पडद्यावरची लोकप्रिय अभिनेत्री वर्षा दांदळेंने सोशल मीडियावर एक गंमतीदार पोस्ट केली आहे.

Written By : एबीपी माझा वेब टीम | Edited By: मंजिरी पोखरकर | Updated at : 16 Dec 2021 04:39 PM (IST)

varsha_dandale

Varsha Dandale : गेल्या अनेक दिवसांपासून छोट्या पडद्यावरच्या अभिनेत्री वर्षा दांदळे चर्चेत आहेत. सटल अभिनयामुळे वर्षा दांदळे ओळखल्या जातात. काही महिन्यांपूर्वी वर्षा दांदळे यांचा अपघात झाला होता. त्या अपघातात त्यांना गंभीर दुखापत झाली आहे. आता वर्षा दांदळे यांच्या तब्येतीत सुधारणा होत आहे. अशातच इंस्टाग्रामवर त्यांनी एक गंमतीदार पोस्ट केली आहे. त्यांची ही पोस्ट सध्या चर्चेत आहे.

वर्षा दांदळे सोशल मीडियावर खूप अॅक्टिव्ह असतात. आयुष्यात घडणाऱ्या छोट्या-मोठ्या गोष्टी त्या नेहमीच सोशल मीडियावर शेअर करत असतात. आता देखील त्यांनी एक कोलाज फोटो शेअर केला आहे. त्या फोटोत त्यांच्या तब्येतीत सुधारणा झालेली दिसत आहे. तसेच त्यादेखील आनंदी दिसत आहेत. त्यांनी फोटो शेअर करत त्याला हटके कॅप्शनदेखील लिहिली आहे.

View this post on Instagram

A post shared by Varsha Dandale. (@varshadandale)

वर्षा दांदळेंनी फोटो शेअर करत लिहिले आहे,"येतील लवकरच चांगले दिवस येतील, फक्त गंमत करतेय. दिवस चांगलेच आहेत. आरामाचे… शांततेचे… आपल्या प्रियजनांसोबत…स्वप्नातील गप्पा मारण्याचे. चालणं हेच जीवन आहे आणि थांबलात की संपलात". 'नांदा सौख्य भरे' मालिकेत वर्षा दांदळेंनी साकारलेली भूमिका प्रचंड गाजली होती. मालिकेत त्यांनी 'वच्छि आत्या'चे पात्र साकारले होते. आजही त्यांचे चाहते त्यांना 'वच्छी आत्या'च्या नावाने ओळखतात.

संबंधित बातम्या