Tuzech Mi Geet Gaat Aahe: 'तुझेच मी गीत गात आहे' मालिकेत नवा ट्वीस्ट; नेटकरी म्हणाले, 'चला आता तरी ...'
नुकताच तुझेच मी गीत गात आहे या मालिकेचा एक प्रोमो सोशल मीडियावर शेअर करण्यात आला. या प्रोमोमध्ये स्वरा उर्फ स्वराज आणि मंजुळा दिसत आहेत.
Tuzech Mi Geet Gaat Aahe: छोट्या पडद्यावरील तुझेच मी गीत गात आहे (Tuzech Mi Geet Gaat Aahe) मालिकेत लवकरच एक नवा ट्वीस्ट. मल्हार आणि स्वरा यांच्या आयुष्यात लवकरच मंजुळाची एन्ट्री होणार आहे. तुझेच मी गीत गात आहे या मालिकेत मंजुळा ही भूमिका अभिनेत्री उर्मिला कानेटकर ही साकारणार आहे. नुकताच तुझेच मी गीत गात आहे या मालिकेचा एक प्रोमो सोशल मीडियावर शेअर करण्यात आला. या प्रोमोमध्ये स्वरा उर्फ स्वराज आणि मंजुळा हे दिसत आहेत. या प्रोमोला अनेक नेटकऱ्यांनी कमेंट्स केल्या आहेत.
तुझेच मी गीत गात आहे या मालिकेच्या प्रोमोमध्ये दिसत आहे की, स्वरा उर्फ स्वराज हा एका ट्रकमध्ये बसला आहे. तो म्हणतो, आई, मला तुझी खूप आठवण येते. त्यानंतर त्याला मंजुळा दिसते. मंजुळा ही हुबेहूब स्वराच्या आई वैदेहीसारखी दिसते. वैदेही ही भूमिका देखील उर्मिलानं साकारली होती. आता मंजुळा ही भूमिका देखील उर्मिला साकारत आहे.
तुझेच मी गीत गात आहे या मालिकेच्या या नव्या प्रोमोला एका नेटकऱ्यानं कमेंट केली, 'असूद्या चला आता तरी जरा मज्जा येईल बघायला नाय तर सारखं तेच तेच दाखवत होते बोर झालं होतं.' तर दुसऱ्या युझरनं कमेंट केली, 'सीरिअलवाले काही पण करु शकतात.' एका नेटकऱ्यानं या प्रोमोला कमेंट केली, 'लेखकाला नोबेल द्या.'
पाहा प्रोमो:
View this post on Instagram
उर्मिला कोठारेने तब्बल 12 वर्षांनंतर या मालिकेच्या माध्यमातून छोट्या पडद्यावर कमबॅक केलं होतं. उर्मिलाने साकारलेली वैदेहीची भूमिका प्रेक्षकांच्या पसंतीस उतरली होती. पण वैदेहीचा मालिकेत मृत्यू झाल्यानं उर्मिला मालिकेत दिसणार नसल्याने तिचे चाहते नाराज झाले होते. आता ती पुन्हा या मालिकेत एन्ट्री करणार आहे.
मल्हार कामत ही भूमिका अभिनेता अभिजीत खांडकेकर हा साकारतो तर स्वरा उर्फ स्वराज ही भूमिका अवनी तायवाडे ही साकारते. तसेच या मालिकेमध्ये मोनिका मल्हार कामत ही भूमिका प्रिया मराठे ही साकारते.
वाचा इतर महत्वाच्या बातम्या:
Before You Go
Anandache Paan : 'खोचक रेषा' या पुस्तकाच्या निमित्ताने लेखक अभिमन्यू कुलकर्णी यांच्यासोबत गप्पा
महत्त्वाच्या बातम्या
